UV-leierskapsberaad

Kommentaar (0)

08/06/12

· Redaksie

Die Universiteit van die Vrystaat (UV) het aangekondig dat dit vanaf 8 - 20 Julie 2012 'n beraad met die tema Leierskap vir Verandering aanbied.
Die beraad sal na verwagting bygewoon word deur vooraanstaande akademici en politici, wat 220 personeellede en studente van vennootuniversiteite in Amerika, Asië en Europa insluit.
Van die Suid-Afrikaners wat volgens die UV hul bywoning bevestig het, is oud-pres. Thabo Mbeki, emiritus-aartsbiskop Desmond Tutu, oudregter Albie Sachs en dr. Tim Murithi, lid van die Instituut vir Geregtigheid en Versoening.
Die beraad sal fokus op internasionale verhoudings en voortreflike wêreldleierskap en op diversiteit en rasversoening in hoër onderwys. Op die program van die beraad is ook besoeke aan verskeie skole in Mangaung, die UV se Qwa Qwa-kampus en die huis van Winnie Madikizela-Mandela op Brandfort.
Vogens prof. Aldo Stroebel, direkteur van internasionale akademiese programme by die UV, is internasionalisering een van die UV se strategiese voorkeure.
Opmerklik egter omtrent die program van die beraad is dat geen erkende behoudende Afrikaner as spreker genooi is nie en dat dit ook nie besoeke na plekke soos die Vrouemonument, Oorlogsmuseum, Vegkop, ens. insluit nie.

Kategorie: Opvoeding