Mineraalregte na Grondwethof

Kommentaar (0)

10/07/12

· Redaksie

Nadat die Appélhof sowat drie weke gelede beslis het die Wet op die Ontwikkeling van Minerale en Petroleumbronne (MPRDA) ontneem nié grondeienaars van hul mineraalregte nie, aangesien hulle self ook daarvoor aansoek mag doen, het Agri SA hom tot die Grondwethof gewend. AgriSA is oontuig dat eienaars van grond waarop ontginbare minerale is, wel deur die MPRDA van hul mineraalregte ontneem word.
Die Hooggeregshof het Agri SA oorspronglik gelyk gegee, maar die Dept. van Minerale het die saak op appél geneem omdat dit glo miljarde rand sou kos om vergoedingseise aan die grondeienaars uit te betaal. As Agri SA toestemming kry om te appélleer, gaan hulle weer Grondwethof toe.
Volgens Agri SA, het grondeienaars 'n bate (die mineraalregte) gehad waarop hulle oor jare tantiémes gekry het, maar dié gaan nou – ná die inwerkingtreding van die MPRDA in 2004 – na die regering. Dit lei daartoe dat boere niemand kan weier wat op hul grond wil kom myn nie.
Hoewel boere om ontginning van die mineraalregte op hul grond kan aansoek doen, moet hulle ingevolge die MPRDA binne twee jaar begin myn, of andersins verval die mineraalreg en kan 'n mynhuis of enigiemand anders daarvoor aansoek doen.

Kategorie: