AfriForum tak in Bloem

Kommentaar (0)

10/07/12

· Redaksie

AfriForum sê dat ten einde hul veldtog vir billike en regmatige burgerregte ook in die Vrystaat sterker te vestig, veral in die lig van swak dienslewering, burgerlike diskriminasie en onveilige woonbuurte, word beplan om 'n AfriForum-tak te Bloemfontein te stig.
Die stigtingsvergadering is belê vir 12 Julie 2012 in die Rachel Steynsaal, Oranje Meisieskool, Bloemfontein, om 18:00 vir 18:30.
Veldtogte en projekte van AfriForum is gebaseer op die burgerregtemanifes van die organisasie, met toespitsing op takvlak op aspekte soos gemeenskapsveiligheid, belastingsake, omgewingskwessies, kultuur- en erfenisaspekte en jeugbelange.
AfriForum staan buite die partypolitieke terrein en is nie aan enige politieke party verbind nie.
Slegs individue en geen organisasies kan by AfriForum aansluit. Ledegeld is 'n minimum van R30 per maand.
AfriForum beskik reeds oor takke op 'n aantal Vrystaatse dorpe, maar die stigting van 'n tak te Bloemfontein word as 'n sleutelstap beskou. Die AfriForum-organiseerder vir die Vrystaat, Wesley Martin, sê dat Bloemfontein potensiaal het om een van die sterkste AfriForum-takke in die land te word. Indien dit sou realiseer, is daar 'n kans dat die eerste volwaardige takkantoor van AfriForum in die land in Bloemfontein geopen word.
Alle belangstellendes, veral diegene wat bereid is om aktief saam te werk, word uitgenooi na die stigtingsvergadering.
Vir meer inligting, kontak Martin by 079 490 2611, of by wesley@afriforum.co.za, of by 086 235 7825.

Kategorie: AfriForum