België federale state sterker

Kommentaar (0)

02/08/12

· Redaksie

Ná die staatshervorming wat groter magte aan België se federale struktuur gee, sal die deelstate voortaan ongeveer dubbel soveel van die begroting beheer as die federale staat – mits België se rente op staatskuld buite rekening gelaat word. Uit ‘n ondersoek na hoe die nuwe reëling die begroting raak, blyk dit dat die federale staat voortaan net ongeveer 21% van die begroting sal beheer, waarvan 6% vir rente op staatskuld afgestaan word. Hierteenoor sal die deelstate saam sowat 30% beheer. Dit wil voorts voorkom asof Vlaandere op ‘n “wins” bedryf sal kan word, veral teen 2020. Wallonië, die Franssprekende deelstaat, sal egter teen ‘n groot verlies funksioneer. België het ‘n komplekse federale struktuur, wat veral deur die ligging in Vlaandere van die hoofstad, Brussel, gekompliseer word. Die berekening van hoe die begroting verdeel word, is eweneens ingewikkeld, wat nie net Vlaandere en Wallonië betrek nie, maar ook die hoofstad, verskillende gemeenskappe, munisipaliteite en provinsies.

Kategorie: