Vrystaatse premier deur Openbare Beskermer ondersoek

Kommentaar (0)

08/08/12

· Redaksie

Die Openbare Beskermer (OB), adv. Thuli Madonsela, is tans besig met ‘n amptelike ondersoek na die omstrede vlagskipprojek Operasie Hlasela van Vrystaatse premier Ace Magashule. Daar is omstredenheid oor betalings van sowel belastingbetalerfondse as skenkings van die private sektor aan die fonds en hoe die geld deur die fonds aangewend is. Die verslag van die OB sal na verwagting in September vrygestel word. Intussen sê Magashule daar is niks ongerymd omtrent die fonds nie en dat daar ‘n verskil is tussen Operasie Hlasela Fonds en die regering se Operasie Hlasela, met eersgenoemde ‘n nie-regeringsorganisasie. Inmiddels is Magashule ‘n lojale ondersteuner van pres. Jacob Zuma en sy beskikbaarheid as president van die ANC vir ‘n verdere termyn.

Kategorie: Korrupsie