Volksvergadering met tema Ons hét ’n toekoms!

Kommentaar (2)

23/08/12

· Redaksie

In ‘n mediaverklaring sê die Geloftevolk van SA dat hul vierde volksvergadering DV gehou sal word op 5 tot 7 Oktober 2012 te Majuba Feesterrein, Volksrust. Die tema van die vergadering is Ons hét ’n toekoms! Volgens die mediaverklaring “maak die huidige Grondwet van die RSA in artikels 9,15,16,17,18 en 19 voorsiening vir die herstel van baie van ons kultuurgoedere en eiesoortigheid en funksioneer die Joodse en Moslem-gemeenskappe reeds daarvolgens. Daar is dus volksbelange en gebruike wat die afgelope 18 jaar in die slag gebly het, wat wettiglik herstel kan word. Die Geloftevolk het sedert die 2009 Volksvergadering die weg begin berei om selfstandigheid uit die Hand van die Almagtige God te ontvang, soos by Bloedrivier in die vooruitsig gestel is. Ons begeerte is om tot eer van Sy Naam vir Hom as volk ‘n huis te stig. Laat ons daarom red wat te redde is en sodoende die siel van die volk aan die lewe hou. Wat ons ook al doen, sal nie slaag as ons dit nie doen ooreenkomstig die Skrif nie,” aldus die verklaring. Belangstellendes kan aansoek doen vir ’n spreekbeurt voor 10 September 2012 by vrkomitee@gmail.com. Vir meer  besonderhede, besoek www.volksvergadering.co.za of fb Volksvergadering. Navrae aan dr. Ronnie van der Merwe 073 557 3337, of Flip Swanepoel 082 4554 303.

Kategorie: GKK