Vrystaat Landbou veroordeel plaasaanvalle

Kommentaar (1)

23/08/12

· Redaksie

In ’n mediaverkaring sê Vrystaat Landbou o.m.: “Suid-Afrika bevind hom meer en meer in ‘n moddergat na nog ‘n sinnelose aanval op die Amerikaanse burger van Ladybrand op die Lesothogrens op 13 Augustus 2012. Onttrekking van buitelandse kapitaal uit die Vrystaat en die res van die land is ‘n resep vir erge armoede en plaas ‘n vraagteken oor die toekoms van Suid-Afrika. Die geweld en misdaad in die Vrystaat en in ander provinsies word selde of ooit deur die leierskap van die regering veroordeel. Polarisasie tussen gemeenskappe en rassespanning verdiep met sinnelose aanvalle op die landelike gemeenskappe. Sedert die bekendstelling van die nasionale landelike beveiligingstrategie te Bethlehem gedurende Junie 2011 het daar nog geen implimentering in die Vrystaat plaasgevind nie. Die reservistebeleid en die aanstelling van reserviste vir die landelike gebiede het sedert die uitfasering van die kommandostelsel ses jaar gelede nog geen vordering getoon nie. Die omvang van veediefstal in die Vrystaat en ook op die Lesothogrens is besig om volhoubare voedselproduksie te kortwiek. Die vraag word gevra of die owerheid nie doelbewus wegskram deur die belange van landelike bewoners te ignoreer nie.”

Kategorie: Blanke moord