Regering losmaak van Europese bande

Kommentaar (0)

27/09/12

· Redaksie

In ’n mediaverklaring sê die VF Plus dit is bekommerd oor die besluit van die Dept. van Handel en Nywerheid om nie beleggingsbeskermingkontrakte met internasionale handelsvennote, soos die EU-lidlande, te hernu nie. Hierdie kontrakte bied, onder andere, waarborge aan handelsvennote teen die nasionalisering van die betrokke lande se bates in Suid-Afrika. "Dit blyk dat die departement bloot die kontrakte laat verval het soos die een na die ander opkom vir hernuwing. Hierdie besluit laat mens wonder of die regering bang is dat hulle miljarde rande skadevergoeding aan handelslande sal moet betaal indien daar besluit sou word om te nasionaliseer. Hierdie besluite is vreemd teen die agtergrond dat die beleggingsbeskermingkontrak tussen Suid-Afrika en Zimbabwe wel in stand gehou word,” aldus die VF Plus. Inmiddels word berig dat die regering ook nie ’n verdedigingskontrak met Brittanje hernu vir gesamentlike weermagsopleidingsgeriewe in Pretoria, ook ten bate van ander Afrikalande, nie.

Kategorie: