Volksvergadering te Majuba

Kommentaar (1)

27/09/12

· Redaksie

Die vierde Volksvergadering van die Geloftevolk van Suid-Afrika vind DV plaas 5 - 7 Oktober 2012 te Majuba kampterrein naby Volksrust. Daartydens word beoog om ’n plan bekend te stel gebaseer op die vorige drie Volksvergaderings se besluite en wat ten doel het verwesenliking van soewereiniteit van die volk aan die hand van Bybelse voorskrifte. Volgens ’n mediaverklaring, bevat die dokument Die pad vorentoe die bewoording van die Gelofte van Bloedrivier en verduidelik hoe soewereiniteit daarmee in verband staan. Verder vestig die dokument aandag op die Bybelse profesie m.b.t. volk. Oor die term “volksmoord”,  lui die mediaverklaring dat die huidige toedrag van sake in die land beskou moet word as “‘n strafgerig ter bekering. Die oënskynlike volksmoord van die afgelope 18 jaar en gekenmerk deur wreedaardige moorde, martelings, verminkings, verkragtings, gewapende rowe, ens. is nie noodwendig primêr die skuld van die geweldenaars nie, aangesien ‘volksmoord’ vir die Skrifgelowige volk ook ʼn interne skuldoorsaak kan hê. Die dokument kan afgelaai word by www.volksvergadering.co.za. Vir meer besonderhede, kontak dr. Ronnie van der Merwe 02072 vra 2221 of Flip Swanepoel 082 455 4303, of Phillip Groenenstein 083 3341 547, of epos vrkomitee@gmail.com.

Kategorie: Erfenis