Tibet nou tronk – Tibettaanse leier

Kommentaar (0)

05/10/12

· Redaksie

Die speaker van die Tibettaanse parlement in ballingskap het China daarvan beskuldig dat Tibet nou ‘n reuse gevangeniskamp is, met krygswet wat steeds geld. Penpa Tsering het ‘n groot vierdaagse saamtrek van Tibettane in ballingskap wat van oor die hele wêreld saamgetrek het, in die Indiese dorp Dharamshala toegespreek. Dit was die eerste saamtrek van dié aard sedert die Dalai Lama van sy amp as politieke leier van die Tibettane afstand gedoen het. Die verwagte regeringsverandering binnekort in China is ‘n belangrike besprekingspunt. Die Tibettane is hoopvol dat Xi Jinping as toekomstige Chinese leier meer genaakbaar sal wees. Die geleentheid word egter ook gedemp deur die onlangse dood van meer as 50 Tibettane wat hulself geoffer het uit protes teen die Chinese oorheersing. Tibet was ‘n land op sy eie tot 1950 toe die Chinese Kommuniste beheer daaroor oorgeneem het.

Kategorie: Internasionale politiek