CDP oor moontlike nuwe DA-geleide opposisie

Kommentaar (2)

05/10/12

· Redaksie

In ‘n mediaverklaring sê die Christen-Demokratiese Party (CDP), in reaksie op oproepe tot nouer opposisiesamewerking en selfs die vorming van ‘n nuwe party, wat alle moontlike opposisie tot die ANC sal insluit: “Oor die jare het ons aangedui dat ons nie met die DA se liberale beleid of gebrek aan beleid oor kwessies soos aborsies, dobbel en huwelike van dieselfde geslag saamstem nie. Inteendeel, toe die DA se voorganger, die DP, met die Federale Alliansie saamgesmelt het, is die godsdienslessenaar van die FA op aandrang van die DP ontbind. Ons sien min vooruitsigte vir ‘n nuutgevormde party as sy lede nie oor beleid saamstem nie, of op beginselgronde gekant is teen sleutelsapekte van die beleid nie, met die enigste gemene deler om die ANC te stuit. Ons glo dat die vorming van ‘n ander tipe opposisiesamewerking, waar elkeen steeds sy eie beleid kan uitleef en in pas met sy beginsels kan wees, as meer geskik.”

Kategorie: Politiek