SEB-skroewe stywer aangedraai

Kommentaar (1)

11/10/12

· Redaksie

Die nasionale kabinet het 'n nuwe stel Kodes vir Breë-gebaseerde Swart Ekonomiese Bemagtiging (BGSEB) goedgekeur, waardeur groter skroewe ingestel word om sg. swart ekonomiese bemagtiging radikaal te versnel.
Die sleutelareas wat die Kodes aanspreek, is: Die generiese telkaart word verminder tot vyf elemente, met Gelyke indiensneming en Bestuursbeheer wat gekonsolideer word, asook Voorkeurverkryging en Ondernemings-ontwikkeling wat saamgevoeg word om Verskaffersontwikkeling te vorm / Die punte vir Eienaarskap word verbreed om aangewese groepe by die hoofpunte in te sluit / Die drempels vir Vrygestelde mikro-onder-nemings (onder R5 miljoen) en Kwalifiserende kleinondernemings (onder R35 miljoen) word aangepas / Alle ondernemings, behalwe Vrygestelde mikro-ondernemings, sal verplig word om te voldoen aan die vyf elemente van die BGSEB-telkaart / Die instelling van die prioriteitselemente: Eienaarskap, vaardig-heidsontwikkeling en verskaffersontwik-keling. Groot ondernemings sal verplig word om aan aldrie prioriteitselemente te voldoen, anders word hulle buite rekening gelaat / Ondernemings wat 100% swart eienaarskap het, sal kwalifiseer as Vlak 1 / Ondernemings met meer as 50% swart eienaarskap, sal kwalifiseer as Vlak 2 / 'n Opgedateerde raamwerk word ingestel vir die akkreditering van BGSEB verifikasie-agentskappe ten einde die Onafhanklike Regulatoriese Vereniging van Ouditeure in te sluit / Vaardigheids-ontwikkelingselemente word opgelyn met die Nuwe Vaardigheidsontwikkelingstrategie / Ondernemings onder R35 miljoen moet voldoen aan alvyf elemente van die telkaart.
Sodra die Kodes deur die Dept. van Handel en Nywerheid in die Staatskoerant afgekondig is, is dit oop vir 'n 60 dae openbare konsultasie-tydperk. Vir meer besonderhede kontak (012) 346 5785 / (012) 346 6745 / (012) 346 6713, of 082 560 6424 of besoek www.compliancehub.co.za.

Kategorie: