2012 Nobelpryse aangekondig

Kommentaar (0)

12/10/12

· Redaksie

Die beroemde jaarlikse Nobel-pryse vir vanjaar is pas aangekondig, met die Europese Unie wat vanjaar se wenner van die Nobel-vredesprys is. Die Noorweegse komitee het die Unie beloon vir ses dekades se werk ter bevordering van “vrede, versoening, demokrasie en menseregte.” Die prys is onder meer toegeken weens die Unie se rol om stabiliteit in Oos-Europa te bring na die val van die Berlynse muur. Die besluit is eenparig geneem. Die vredesprys in 1999 laas slegs aan ‘n organisasie, en nie ‘n persoon ook nie, toegeken. Die prys het daardie jaar aan Dokters sonder Grense gegaan. Die Nobelprys vir letterkunde gaan vanjaar aan die Chinese skrywer, Mo Yan. Sy naam beteken in Mandaryns “moenie praat nie” en hy is die eerste Chinese skrywer wat die Nobelprys vir letterkunde verower het sedert dit meer as ‘n eeu gelede die eerste keer toegeken is. Sir John B. Gurdon van Brittanje en Shinya Yamanaka van Japan as die wenners van vanjaar se Nobelprys vir Fisiologie en Medisyne aangewys weens werk aan die omskepping van gewone selle in stamselle. Robert J. Lefkowitz en Brian K. Kobilka, beide kardioloë van  die VSA. Serge Haroche van Frankryk en David J. Wineland van die VSA het die fisikaprys verower. Hulle het navorsing gedoen oor die beheer van kwantum-partikels soos atome en elektrone. Die prysoorhandiging aan vanjaar se wenners vind plaas op 10 Desember, Alfred Nobel se sterfdagherdenking.

Kategorie: