SEB en stryd om SA ekonomie

Kommentaar (0)

22/10/12

· Redaksie

In ’n mediaverkaring verstrek Dave Steward, uitvoerende direkteur van die FW de Klerk Stigting interessante syfers oor swart ekonomiese bemagtiging en die strewe om beheer van die SA ekonomie. Hy sê, in reaksie op die nuutste, hoër SEB teikens van die Dept. van Handel & Nywerheid, dat swart Suid-Afrikaners beheer 30% van die landsekonomie deur staats- en semi-staatsinstellings, wat egter slegs 8% van die BNP lewer. Swart mense besit voorts 17% van aandele op die JSE, terwyl dit in beheer is van die informele sektor. Hulle bepaal ook die ekonomiese en fiskale beleid van die land. Van die oorblywende aandele op die JSE, is 33% in die hande van buitelandse maatskappye. Steward sê indien die Nasionale Demokratiese Rewolusie (NDR) van die ANC sy gang sou gaan, sou 80% van die aandele van alle maatskappye in die hande van swart Suid-Afrikaners wees, 9,2% in blanke besit, 8,8% aan kleurlinge behoort en 2% in besit van Indiërs wees.

Kategorie: Ekonomie