SAPD volg sake nie op

Kommentaar (0)

24/10/12

· Redaksie

Uit ’n verslag van die Ouditeur-Generaal (OG) vervat in die jongste jaarverslag van die SA Polisiediens, blyk dit dat die Polisie se administrasiestelsel só uitmekaar val dat tot 58% van aangemelde sake nie verder gedokumenteer word nie. Die OG sê tot 58% van voorvalverslae kan nie deurgekoppel word aan saakdossiere op die SAPD-administrasiestelsel nie. Elke misdaadvoorval moet ’n dossier hê voordat dit verder ondersoek word en sonder dossiere word sake nie verder ondersoek nie. Die OG wys verder daarop dat stasiebevelvoerders nie genoeg doen om te verseker dat dossiere akkuraat aangelê word nie. Die omskrywing van ’n voorvalverslag in dossiere word beskou as een van die mees basiese take wat Polisielede moet verrig. Die SAPD ontvang jaarliks ’n begroting van R62,4 miljard.

Kategorie: Dienslewering