SA Stamboek-wenners

Kommentaar (1)

30/10/12

· Redaksie

Op die SA Stamboek jaarlikse prystoekenningsgeleentheid in Bloemfontein, is Erika Hanekom (68) van die Rhenosterbosrug Stoetery, Malmesbury, aangewys as Beste Skaapstoetteler – een van die eerste vroulike stoettelers wat so vereer is. ’n Vrystater, Christo Paneras, van die Paneras Saalperdstoetery, Bloemfontein, het die toekenning in die Afdeling vir Perde ontvang. Wessel van Wyk van die Bogermie Boerdery, Vryburg, was die Vleisbeeswenner, met Gerhard van Rensburg, van Colchester in die Oos-Kaap as die wenner in die afdeling vir Melkbeeste. Neil Dry van die Niemen Stoetery, Magaliesberg is as die wenner in die afdeling vir Varke aangewys, terwyl Ramaloka, ’n Ngunistoetboer van Senwabarwana, Limpopo, die Nuweling Stoetteler van die Jaar is.

Kategorie: Landbou