Bloem Wilde Weste

Kommentaar (0)

30/10/12

· Redaksie

Misdaadgewys gaan dit woes in die Bloemfonteinse misdaad – die afgelope week is twee studente van die Motheo Kollege in die vroeë oggendure op die vloer van ’n KFC-kitskosrestaurant dood nadat hulle deur drie rowers met messe toegetakel is en ’n selfoon geroof is. Die gewonde studente het gevlug en na die KFC gehardloop waar hulle albei dood is. Inmiddels is volgens inwoners van die Rosenhof- en Mildenehof-woonstelblok in Zastronstraat die afgelope week by drie woonstelle ingebreek. Die meeste van die huurders in die woonstelblokke is vroue met kinders, en bejaardes.”Hulle sak toe op ons. Jy is te bang om jou huis te verlaat en moet opgesluit bly soos ’n gyselaarl Niks word gedoen nie. Ons is moeg om so te leef,” aldus die inwoner. In nog ’n voorval het vier gewapende rowers – die een met ’n geweer en die ander met handwapens – ook in die week, kort voor toemaaktyd, op die Voortrekker Drankwinkel in Nelson Mandelarylaan toegeslaan en geld en duur drank geroof. Werknemers van die drankwinkel was erg getraumatiseer. Die rowers het een van die kasregisters leeggemaak, hulself aan die duurste drank in die winkel gehelp en toe in ’n blou Toyota Tazz ontvlug.

Kategorie: Misdaad