Mediumtermynbegroting

Kommentaar (0)

30/10/12

· Redaksie

Opvallend omtrent die Mediumtermynbegroting wat Minister van Finansies Pravin Gordhan op 25 Oktober 2012 in die Parlement ter tafel gelê het, is dat slegs ’n derde van die begroting nie aan herverdeling gewy is nie. Inderwaarheid word in die begroting bevestig dat die belastinglas aanhou groei. Gordhan het ‘n totale nasionale begroting voorgelê om te styg tot R1 200 miljard teen 2015. Hiervan gaan meer as ‘n derde vir salarisse van staatsdienspersoneel, terwyl voorsien word dat die aantal welsynsbegunstigdes teen 2015 tot meer as 17 miljoen gaan styg. Gordhan het tereg gewaarsku dat Suid-Afrikaners se bereidwilligheid om belasting te betaal, nooit as vanselfsprekend gereken moet word nie. Die begrotingstekort staan tans op ‘n rekord van 4,8%, hoewel voorsien word dat dit oor die volgende twee jaar gaan krimp. Die totale staatskuld beloop tans 35,7% van BBP.

Kategorie: Finansies