►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Herdenking van gelofte 6 April 2019

Geloftevolksgenote eerbiedig die 365ste herdenking van Goewerneur Jan van Riebeeck se gelofte wat hy twee jaar na hy hier te lande aangeland het om 'n verversingspos te stig, eerskomende Saterdag 6 April 2019, in die Pietersburg Geloftefeessaal. Ds. Flip Snyders sal om 18h30 DV die Geloftediens waarneem.

Feesgangers is welkom om die ontspanningsterrein deur die dag te geniet met sy braaiplekke, kinderspeelpark en swembad. Ons sal die geriewe sluit voor die Geloftediens 'n aanvang neem en verwag dat almal wat kan, hierdie geloftefees sal eerbiedig.

Van Riebeeck se gelofte op 6 April 1654:-

Waar dit vandag die tweede jaarlikse herdenking is van die dag waarop ons deur die Here gelei, met die skepe Drommedaris, Reijger en Goede Hoop hier te lande behoue aangeland het, om hierdie vesting en kolonie na bevel van onse here en meesters te bou en te bestendig, en waargeneem het dat God die Here alle sake tot vandag toe met vele seëninge voorspoedig en na wense laatverloop en laat slaag het, daarom het ons besluit, en ook begin, om hierdie dag, ses April, tot eer van God en met Danksegging te vier en vir altyd tot 'n vasblywende dank- en biddag in te stel, sodat daardeur die weldade vab die Here, wat aan ons bewys is, deur ons nakomelinge nooit vergeet mag word nie, maar vir altyd tot eer van God in gedagtenis en herinnering gehou sal word.

U word almal versoek om saam met ons hierdie gelofte te eerbiedig.

Gradeer die artikel
(0 stemme)

1 comment

  • Andre Martinaglia - Woensdag, 03 April 2019

    ''Toe Jan van Riebeek geland het hier aan die Kaap het hy sy voorvaders die Khoisan ontmoet, wie volgends DNA die voorvaders van alle rasse is.

    Report

Lewer kommentaar

Vul al die vereiste velde in (*)

Go to top