► Volgens SA in Instituut vir Rasseverhoudinge (SAIRV) toon jongste misdaadstatistiek vir SAPD tesame met vorige statistiek dat sedert 1994 in SA sowat 500 000 moorde gepleeg is en 1 miljoen verkragtings ► Prof. Rudolph Zinn van Unisa sê uit navorsing blyk dit dat van die misdadigers voer tot 107 misdrywe uit voordat hulle gearresteer word ► Solidariteit Netwerk loods nuwe Sol-Tech kampus in Pretoria teen koste van R300 miljoen, sal huidige kampus vir 1 200 studente verdubbel en sal na verwagting deure open in Januarie 2021 ► Kyk by hierdie video hoe top bevelvoerders van SA Vloot en Lugmag in Parlement getuig hoe vloot en lugmag op rand van ineenstorting is ► Vrou (55) in Oos-Vrystaat gisteraand terwyl sy gebad op ‘n plaas aangeval en verkrag, aanvaller vlug en niks gesteel nie ► Op die Economic Freedom of the World (EFW) 2019 verslag val Suid-Afrika 54 plekke na nr. 101 uit 162 lande, vanaf plek 47 in 2000 – volg hierdie skakel vir meer inligting ►Dit lyk of Britse premier Boris Johnson ‘n deurbraak met Brexit kan maak na ooreenkoms oor grensbeheer met Ierse Democratic Unionist Party (DUP) ► Voormalige Bok-afrigter Peter de Villiers sê hy gaan nie Springbokke vanjaar by Wêreldbeker ondersteun nie, omrede vroeëre betrokkenheid van Eben Etzebeth by onderonsie met twee bruin mense in Langebaan ►

Dit lyk of Suid-Afrika ná 24 jaar van ANC-bewind rotsbodem geslaan het – munisipaliteite is bankrot, disfunksioneel en kan nie meer hul salarisse betaal nie; die SAL ná R33 miljard is nog nie lewensvatbaar nie; Transnet is bankrot; Denel kan nie meer salarisse betaal nie; Eskom is in miljarde rand skuld en wankel as nasionale kragvoorsiener; Telkom is besig om te sink; staatshospitale het selfs nie meer vir beddegoed geld nie; die SANW trek só noustrop dat dit kwalik meer die land kan verdedig; die SAID hardloop in die rooi; die SAPD het nie meer genoeg voertuie om misdaad te bekamp nie; en die staatskas is een kerf bo leeg.

Brandstofpryse was nog nooit so hoog nie; BTW styg en kospryse ruk handuit.

Korrupsie in die staatsektor van miljarde der miljarde rand, om nie eens te praat van kaping van die SA staat nie, het die land op sy knieë – inderdaad rotsbodem.

Voorwaar ʼn donker prentjie soos wat hierdie mooi en ryk land nog nooit voorheen gesien het nie. Wat is die oplossing, veral vir die Afrikaner?

Solidariteit praat van die blankes in die land verdig tot 30 dorpe, maar wat se langtermynoplossing bied dit?

Wat veral vir blankes en dan ook spesifiek vir Afrikaners van wesenlike belang is, is die ongelooflike onreg van sg. swart ekonomiese bemagtiging en regstellende aksie. Die swaarverdiende belastinggeld van blankes word direk deur die ANC-regering aangewend tot uitsluitlike voordeel van swartes en om spesifiek blanke te ondergrawe. Hoe lank gaan blankes nog hierdie sieklike situasie verduur?

Intussen is daar te Orania ʼn plekkie vir die Afrikaner om legitiem sy eie te noem. Daar kan die Afrikaner weer bou aan selfbeskikking tot by soewereiniteit, maar hoekom is Orania nog nie vir die Afrikaner ʼn bestemming van voorkeur nie?

Ons wil graag hoor wat sê ons lesers op hierdie vrae? Laat ons gerus weet by epos Hierdie e-posadres word van Spambotte beskerm. Jy moet JavaScript ontsper om dit te lees..">Hierdie e-posadres word van Spambotte beskerm. Jy moet JavaScript ontsper om dit te lees..

Op die SA nuusfront is die grootste en belangrikste gebeurtenis die afgelope week die aankondiging van die Grondwetlike Hersieningskomitee dat artikel 25 van die SA Grondwet gewysig moet word ten einde voorsiening te maak vir onteiening sonder vergoeding. Daarmee is beslis ʼn nuwe hoofstuk in die tragiese geskiedenis van SA sedert 1994 ingelui.

Om mee te begin, is dit na ons mening duidelik uit die formulering van die SA Grondwet in sy huidige vorm dat die bedoeling in 1994 was dat privaatregtelike besit van eiendom grondwetlik verskans moet wees en dat hierdie hoeksteen van ʼn vrye ekonomie onaantasbaar moet staan. Om nou die Grondwet te wil verander ter wille van onteiening, kom inderwaarheid neer op ook ʼn verbreking van die gees van die destydse Codesa-ooreenkoms vir magsoorname.

Voorts dien deeglik in gedagte gehou te word, dat tydens die openbare deelnameproses vroeër vanjaar. die meerderheid skriftelike voorleggings aan die Hersieningskomitee gekant was teen wysiging van die Grondwet. Daarenteen was op die openbare verhore oor die saak, gehou grotendeels op veneus in swart woongebiede, populistiese en militante swart massas oorwegend ten gunste van die wysiging van die Grondwet.

Daarby is dit opmerklik dat sopas die ANC in die Parlement geweier het dat politieke partye en belanghebbende instansies die inhoud van voorleggings aan die Hersieningskomitee bespreek en het die Komitee soos ʼn stoomroller sy aanbeveling gemaak. Daarmee is die siening bevestig dat die uitkoms van de Komitee lank vooraf deur die ANC, EFF en hul meelopers bepaal is en dat die komitee in werklikheid net  ʼn rookskerm was.

Tans is opposisiepartye in die Parlement, insluitende die DA, VF Plus, ACDP en andere, tesame met ʼn wye reeks van belanghebbende instansies, eensstemmig dat weens die onregmatigheid en kontaminasie van die proses, die stryd oor Grondwetwysiging vir doeleindes van grondonteiening sonder vergoeding nou eers begin het. Dit is duidelik dat daar baie sterk teenkanting teen die wysiging van die Grondwet en onteiening sonder vergoeding is en dat kompromie nie ʼn opsie is nie.

Dit is ons mening dat hierdie saak eenvoudig neerkom op staatsgesanksioneerde eiendomsdiefstal en dat dit ʼn groot stap sou wees om in SA ʼn Kommunistiese bestel te skep. Daarom moet dit teengestaan word met alle mag en ten alle koste.

Waar beter as om moed te skep, as uit die Woord van die Albeskikker – kom ons nader tot Hom wat betref Jesaja 40:1-3: Troos, troos my volk, sê julle God. Spreek na die hart van Jerusalem, en roep haar toe dat haar stryd verby is, dat sy uit die hand van die HERE dubbel ontvang het vir al haar sondes. ‘n Stem van een wat roep: Berei in die woestyn die weg van die HERE; maak gelyk in die wildernis 'n grootpad vir onse God!

Dit lyk of China, wat allerweë beskou word as die grootste hedendaagse imperiale moondheid, veral poog om soveel as moontlik van Afrika met sy natuurlike hulpbronne in te palm. Die patroon is dat die Chinese lenings verskaf vir die ontwikkeling van infrastruktuur wat hulle self dan onderneem en as Afrikalande dan nie kan terug betaal nie, dan neem die Chinese natuurlike hulpbronne en onbehoorlike politieke invloed in ruil.

In hierdie opsig is Suid-Afrika ooglopend vir die Chinese die kroonjuweel en is daar al meer getuienis hoe China vir homself voordeel trek uit die finansiële penarie waarin die ANC-regering hulself laat beland het. Van die gevalle van die uitbreiding van die Chinese invloedsfeer in SA, is die volgende:

  • Reeds in 2014 is aangekondig dat die maatskappy Shanghai Zendai die 1 600 ha terrein van AECI in Modderfontein, Johannesburg, naby Sandton, aangekoop het vir die ontwikkeling van ʼn volledige Chinese stad teen ʼn projek bedrag van sowat R1,2 triljard. Hoewel sedertdien min bekend is in die media omtrent hierdie projek word aanvaar dat dit steeds voortgaan met uiteraard enorme implikasies.
  • Vanjaar het die nuus gekom dat ʼn Chinese maatskappy grond van sowat 60 km2 in Musina-Makhado ekonomiese sone naby Musina in Limpopo gekoop het vir die oprigting van hul eie onafhanklike kragstasie om grootskaalse ontginning van hoërgraad steenkool, mangaan, ystererts en chroom te bedien. Daar is voorts sprake van ontwikkeling op dieselfde terrein van ʼn Chinese stad groter as Nelspruit, en dat dit vir China moet dien as een van sy hoofstede op die vasteland van Afrika.
  • Die tydskrif Mining Weekly berig dat ʼn afvaardiging van die Mineral Resources Reserves Evaluation Centre van die Ministry of Land and Natural Resources (MRREC) in Beijing, in Oktober vanjaar in SA was vir ʼn drie wekelange navorsingsbesoek oor die minerale opset van die land en hoe dit geadministreer word. Die afvaardiging het ook navorsing kom doen oor die registrasiestelsel van boorgate in SA, iets waarop die SA regering baie trots is.
  • Daar is aangekondig dat die Ontwikkelingsbank van China R33 miljard aan Eskom geleen het vir ontwikkelings- en bedryfskapitaal, maar tot op hede weier nóg Eskom nog pres. Ramaphosa om vrae oor die voorwaardes van hierdie lening te beantwoord.
  • Die totale handel tussen SA en China het die einde van 2017 R318 miljard beloop, met ʼn negatiewe balans met R87 miljard in die guns van China.
  • Verbasend is dat China tans besig om in samewerking met die SA

Polisiediens aantal gemeenskaplike polisiëringsentra in die land te vestig – die 13de een is pas te Port Elizabeth amptelik geopen deur die Oos-Kaapse kommissaris lt.genl. Liziwe Mtshinga en Yu Yuan van die Chinese ambassade in Pretoria.

  • 16 – 18 November 2018 word die 2018 Africa/China Expo in Roodepoort, Gauteng, aangebied, ʼn massiewe handelskou wat feitlik alle ekonomiese sektore dek.

Waarnemende Minister van Omgewingsake Derek Hanekom het pas die appèlle van 39 individue en organisasies, onder meer Agri SA, teen die omgewingsmagtigings wat deur die Departement van Mineraal Hulpbronne aan Rhino Oil & Gas ten aansien van olie- en gaseksplorasie verleen is, van die hand gewys. Die eksplorasieregte beslaan ongeveer 2,4 miljoen ha in Noordwes, Vrystaat, KZN en die Oos-Kaap.

Daar word gevrees dat die aansoeke mag lei tot grootskaalse skaliegasaktiwiteite soos hidrobreking in Suid-Afrika. Agri SA het teen Rhino Oil & Gas se omgewingsmagtigings appèl aangeteken vanweë die onsekerheid oor moontlike besoedeling van water, asook oor grond- en lugbesoedeling wat met hierdie tipe ontwikkeling gepaardgaan.

Die redes wat deur die minister voorgehou word vir sy besluit, word tans deur die beswaarmakers ondersoek.  Agri SA is egter reeds van mening dat gesien vroeëre hofbeslissings in die Oos-Kaap, die saak op hersiening geneem mag word.

Vir meer besonderhede, kontak Janse Rabie by 076 451 9601 of Hierdie e-posadres word van Spambotte beskerm. Jy moet JavaScript ontsper om dit te lees..

Volgens ‘n berig in Rapport beplan die SA Polisiediens (SAPD) om sowat 600 voormalige lede van Umkhonto weSizwe (MK) en Apla - in die vorige bedeling geklassifiseer as terroriste-organisasies - binnekort snelbevordering te gee, met in gevalle spronge van vyf tot sewe range. Dit sou behels o.m. dat 37 van hulle tot generaal bevorder word.

In een uitsonderlike geval word 'n sersant ‘n brigadier – 'n sprong van sewe range. Voorts sal na berig word 27 kapteins bevorder word tot majoor-generaal (sprong van vyf range) en 48 sersante tot kolonel (ook sprong van vyf range).

                                                                         
Intussen staan die bevordering stil van duisende ander SAPD-lede van dieselfde ouderdomme wat ten tye van die politieke oorgang in 1994 reeds in die SAPD was. Hulle is uiteraard oorwegend blankes. 

Verdere skokkende inligting wat aan die lig gekom het, is:  Daar is 33 persone op die MK en Apla lys wat afgetree het op ouderdom 60, maar desondanks word hulle aanbeveel vir bevordering al is hulle nie meer in diens nie. Voorts is daar op die lys vyf persone wat medies ongeskik verklaar is, maar nogtans aanbeveel word vir bevordering. Nog erger en onbegryplik is dat daar name op die lys is van 16 persone wat oorlede is, maar steeds vir bevordering aanbeveel word!

Wat hierdie nuus omtrent die SAPD onvermydelik impliseer, is dat, eerstens, daar 'n doelgerigte anti-blanke radikalisering plaasvind van die SA Polisie as die veronderstelde handhawers van wet en orde in die land; tweedens, dit burgerlike vertroue in die SAPD kan kelder, die mooipraatjies van Minister Bheki Cele desnieteenstaande; en, derdens, dat die SAPD erg korrup is.

Die Noord-Gautengse hooggeregshof het die appélaansoek van voormalige pres. Jacob Zuma van die hand gewys teen die staande hofbeslissing dat hy self verantwoordelik is vir sy regskoste om homself teen die aanklag van staatskaping te verdedig, soos wat vorige OB Thuli Madonsela aanbeveel het. Hierdie hofuitspraak stuur ‘n sterk boodskap dat persone in diens van die staat en wat aangekla word vir korrupsie, nie op belastingbetalergeld kan steun om hul regskoste te dra nie.

'n Veelpartykomitee het opdrag gekry om toe te sien dat die geld wat die Nasionale Tesourie bewillig het om die 46 stukkende pompstasies van die Emfuleni-raad (Evaton, Sebokeng, Vaal Oewer, Vanderbijlpark en Vereeniging) te herstel en opruimingswerk te doen, oordeelkundig spandeer word.

Die SA Nasionale Weermag Geniekorps, tesame met rolspelers van die Gauteng provinsiale regering en die Emfuleni Munisipaliteit, maak deel uit van die reddingaksie, wat so omvangryk is dat dit maande of selfs ’n jaar sal duur om die infrastruktuur te herstel en die besoedeling in die Vaalrivier op te ruim. Minister van Finansies Tito Mboweni het die wiel aan die rol gesit, waarna R200 miljoen vir die projek bewillig is.

Die betrokke rolspelers het besluit om plaaslike inwoners in diens te neem en op te lei wat  gaan help met basiese instandhouding. Hulle sal ook omsien na die projek wanneer die Weermag se taak afgehandel is. Genl.maj. Thembelani Xundu, hoofdirekteur van koöperatiewe dienste, het bevestig deel van die weermag se taak is om die pompstasies te omhein en te beveilig.

Dit word as skrikwekkend beskou dat die hulp van die Weermag ingeroep moes word in 'n geval waar die ANC-regering nie die mas opkom om dorpe suksesvol te bestuur nie. Die ineenstorting van die infrastruktuur en daarmee saam ’n bankrot munisipaliteit het ’n dreigende humanitêre krisis laat ontstaan.

Vir meer besonderhede, skakel 076 616 2124.

Die beslissing op 25 Mei 2018 van die Wes-Kaapse hooggeregshof dat dit ongrondwetlik is om die gebruik van dagga deur volwassenes in privaat wonings te verbied en dat derhalwe die besit, verbouing en gebruik van dagga by die huis vir privaat gebruik toegelaat moet word, het die deur wawyd oopgegooi vir toenemende dwelmmisbruik, veral onder die jeug. Wat gebeur, is dat die grens met dwelms vervaag en dat ‘n groot grys gebied geskep word waarbinne dit moeilik geword het om te bepaal of die gebruik van dagga en verwante dwelms inderdaad ‘n kriminele oortreding is.

Hierdie grys asrea word nou deur gewetenlose dwelmhandelaars uitgebuit om allerlei soorte daggaverwante dwelms te smokkel, sonder dat daar klinklare bewyse is waarop hulle gearresteer kan word. Hierdie onrusbarende verskynsel is reeds besig om soos onkruid op SA skoolterreine op te skiet

So doen video’s tans op sosiale media die rondte van kinders en en jongmense wat psigotiese aanvalle beleef nadat hulle ʼn onbekende middel gerook het. Minstens 13 mense, van wie sommige kinders so jonk as 14 jaar, moes mediese behandeling ontvang nadat hulle die middel Herbal blend gerook het. Nie net is dié middel ʼn lewensgevaarlike konkoksie van verskillende dwelms nie, dit word wettig oor die toonbank in verskeie winkels verkoop

Een van die video’s wat tans die ronde doen, wys twee jongmans wat in ʼn byna besete toestand is nadat hulle Herbal blend gerook het. Op die video kan gesien word hoe een (22) op ʼn bed rondspring en onbeheersd in ʼn kamer rondval, terwyl sy vriend op die grond lê, onherkenbare brabbeltaal uiter en aanhoudend ruk.

Herbal blend word in ongemerkte swart pakkies verkoop met selfs die geur van die inhoud wat op die pakkie aangedui word. ʼn Pakkie kos ongeveer R45 en sowat 10 sigarette kan uit een pakkie gerol word. Die middel lyk baie soos dagga, hoewel daar ooglopend veel meer as dagga in die hoogs potente mengsel is. Herbal blend is maar een van die “versterkte” daggaprodukte wat tans deur die smokkelmark beskikbaar gemaak word.

Hoewel gesê kan word dat in die Suid-Afrika van vandag, is dit die plig van die wetstoepassingsowerhede om die dwelmplaag hok te slaan, maar gegee die onbeheerste misdaadvlakke, grootlikse Godlose moraliteit en losbandige leefwyse, is dit 'n pypdroom op sigself. Die beste oplossing is natuurlik geleë in voorkoming - kinders en jong mense behoort betyds deeglik ingelig te word van die vernietigende gevare van dwelmmisbruik en verslawing.

In hierdie opsig is prakties deur en deur bewys dat die belangrikste fort 'n gesonde en liefdevolle gesinslewe is bestaande uit pa, ma en kinders. Egskeiding kan katastrofaal wees, terwyl as die grootste maatskaplike euwel uitgewys is, nie net in SA nie maar wêreldoor, afwesige pa’s.

Ook vir die Afrikanervolk stel die proaktiewe bekamping van die dwelmgevaar ‘n geweldige uitdaging om sy geslag van môre te beveilig en te verseker. In die finale instansie bly dit egter in die eerste plek 'n saak van gebed, want niemand is te goed of te hoog vir hierdie plaag in 'n wêreld wat besig is om sy morele remme te verloor nie.

Ditsem Nuus stel vanjaar weer, soos die afgelope ses jaar, ‘n Geloftefeeskalender saam van Geloftefeeste wat landswyd gehou word en selfs in die buiteland. Dit word in die Desember 2018 uitgawe van Ditsem Nuus gepubliseer – in sowel die gedrukte uitgawe van die koerant wat te Bloemfontein, Kimberley en 12 dorpe in die Suid-Vrystaat en Noord-Kaap versprei word, as in digitale formaat op verskillende platforms op die Internet.

Daarbenewens word die Kalender ook op die Geloftefees Facebookblad geplaas, terwyl dit ook in elektroniese formaat verskaf word aan die borge van die Kalender, soos AfriForum, die FAK, die Voortrekkermonument, Die Afrikanerbond, ens., wat dit dan weer deur hul onderskeie strukture en netwerke versprei.

In 2013 is in die Kalender 109 Geloftefeeste gelys, in 2014 125 Geloftefeeste, in 2015 139 Geloftefeeste, in 2016 150 Geloftefeeste en verlede jaar 162 Geloftefeeste. Die plasing van die besonderhede van ‘n Geloftefees in die Kalender is gratis.

Ditsem Nuus glo dat vir sy voortbestaan die nakoming van die Gelofte noodsaaklik is vir die Afrikanervolk en daarom word die saak so goed as moontlik bevorder, veral in die huidige kritieke tye.

Teen hierdie agtergrond words lesers versoek om enige inligting omtrent ‘n Geloftefees vanjaar waarvan hulle bewus is, of van ‘n erediens op 16 Desember waartydens die Gelofte herdenk of gelees word, dit deur te gee na Hierdie e-posadres word van Spambotte beskerm. Jy moet JavaScript ontsper om dit te lees. of 053 207 0127 - nie later nie as 19 November 2018.

Op verskeie fronte in die land word miljarde rand begroot en gestoot vir uitsluitlik swart bemagtiging. So het pres. Cyril Ramaphosa tydens die spitsberaad oor werke (Jobs summit) op 4 Oktober in Johannesburg aangekondig dat die regering ʼn bedrag van R100 miljard oormerk om uitsluitlik swart nyweraars te finansier. Dit sal bestuur word deur die Financial Sector Transformation Council en die Dept. van Handel en Nywerheid.

 

Die jeugbemagtigingsprojek, YES, van pres. Ramaphosa, wat met algemene belastingbetaalde bedryf word, is slegs vir swart, bruin en Indiër jeugdiges en sluit spesifiek blanke jeugdiges uit. Die projek is daarop gemik om jeugdiges tussen die ouderdomme van 18 en 35 te ondersteun om spoedig ʼn werk of ʼn heenkome te vind.

Nog ʼn geval is Sanlam, wat ʼn eeu gelede as Afrikaner-besigheid begin is en pas sowat R9,4 miljard beskikbaar gestel het eksklusief vir swart bemagtiging. Dit sluit in hulp aan 75 swart skole en kom te midde van talle Afrikaanse blanke skole wat veg om oorlewing.

Pas is ook bekendgemaak dat Toyota SA en Volkswagen SA, in samewerking met die motornywerheidsbedryf, honderde miljoene rand gaan belê in eksklusiewe swart motorfirmas – die bedrag van R574 miljoen word genoem.

Te Kwaggafontein wes van Bloemfontein word tans een van die grootste ligte industriële en kommersiële ontwikkelings in sentraal Suid-Afrika voltooi. Die ontwikkeling bestaan uit drie komponente, nl. 38 Quagga Industriële Park met 95% voltooiing, ontwikkeling van die Industrial 44 industriële kompleks met 13 eenhede wat vinnig voltooiing nader en die beskikbaarheid van sowat 160 000 m2 grond met 'n verskeidenheid sonerings.

Wat hierdie ontwikkelings besonder gunstig en voordelig maak vir beleggers, is die uitstekende ligging naby die N1 snelweg en die N8 roete tussen Bloemfontein en Kimberley, asook ander groot besighede in dieselfde area, soos Makro, Volvo, MAN, Itau Milling, e.s.m. Daarby is die gebied waarin dit geleë is veilig en skoon, terwyl dit in wyer verband deel vorm van die Bloemfontein-Kimberley korridor.

Benewens die twee komplekse, gesels Qwaha Trust graag met bona fide entrepreneurs en voornemende beleggers oor ontwikkelingsvoorstelle vir die prima gesoneerde grond wat beskikbaar is. Vir meer besonderhede kontak Jan-Carel Wolhuter by Hierdie e-posadres word van Spambotte beskerm. Jy moet JavaScript ontsper om dit te lees. of 082 850 9419 of 051 875 2786.

Pres. Donald Trump van die VSA met sy aweregse beleid en polities-inkorrekte uitsprake bly steeds die grootste enkele nuusmaker op die wêreldtoneel, veral in soverre hy direk ingaan teen die strewes van die Nuwe Wêreldorde (NWO). So bv. word George Soros van die Open View Foundation en 'n voorste proponent van die NWO soos volg aangehaal : “Trump has almost destroyed the New World Order. I vow to redouble my efforts in pouring million of dollars into opposing everything Trump stands for.”

Dit bring mee dat wat die VSA as die magtigste moondheid ter wêreld ook al doen, ʼn impak het op die res van die wêreld, of mense dit nou wil weet of nie. So is die uitslae van die pasafgelope Amerikaanse middeltermynverkiesings van groot belang, want dit het ʼn invloed op die Amerikaanse beleid teenoor die res van die wêreld.

In die afgelope verkiesings het die Republikeine hul meerderheid in die Senaat versterk, maar hul meerderheid in die Huis van Verteenwoordigers prysgegee ten gunste van die Demokrate. In die verkiesing van goewerneurs van deelstate was die stryd baie gelykop tussen die Republikeine en Demokrate.

In geheel gesien, het die verkiesings ʼn redelike terugslag vir Trump beteken, hoewel hy steeds stewig in die saal sit. Dit is egter duidelik dat hy ernstig na sy styl en aanbieding behoort te kyk.

Met die land wat feitlik tot in die afgrond gekorrupteer is deur die ANC-regering, die staatskas wat bykans leeg is, die aanhoudende moorde van swart op wit beide op die platteland en in dorpe en stede en die ongeëwenaarde rassediskriminasie teen blanke burgers wil ons die eenvoudige vraag vra: Is daar ʼn volhoubare toekoms vir spesifiek die Afrikaner in Suid-Afrika?

In 1994 het die blankbeheerde regering die regering van SA op ʼn skinkbord aan die ANC as die numeries meerderheidsparty oorhandig. Toe het die land die sterkste ekonomie, weermag en maatskaplike struktuur op die vasteland van Afrika gehad, trouens dit was die enigste ontwikkelde industriële staat op die vasteland.

Hoe lyk die prentjie vandag ná 24 jaar van ANC-bewind? Die land verkoop aan die Guptas en ander rampokkers, die staatskas leeggeplunder deur staatskorrupsie, die weermag in vodde, misdaad van die hoogste in die wêreld en rassediskriminasie teen blankes baie erger as wat sg. apartheid ooit was.

Om ʼn lang storie kort te maak, een eenvoudige vraag: Gee vir ons drie goeie redes waarom die Afrikanervolk nog sy heil en toekoms binne die huidige SA moet soek en nie moet wegbreek om op eie gedeelte grondgebied sy selfbeskikking uit te leef nie? Is dit dalk tyd vir Afrikaner-leierskap om op te staan en die geregverdigde eise vir selfbeskikking tot op die vlak van soewereine vryheid op eie grondgebied te stel?

Op hierdie stadium blyk dit in SA twee nuwe banke plaaslik gaan open. Die eerste is een deur die landboumaatskappy Afgri Group Holding (AGH) wat die SA Bank of Athens (Saba) oorgekoop het en as ʼn bank gaan bedryf.

Die tweede is ʼn nuwe digitale bank, Bank Zero, wat hoofsaaklik op digitale platform bedryf gaan word as ʼn nuwe konsep in bankwese in die land. Die uitvoerende hoof is Michael Jordaan, voorheen uitvoerende hoof van FNB.

Albei banke het reeds die nodige klaring en lisensies by SA Reserwebank verkry.

Sol-Tech het aangekondig dat dit vanaf 2019 vir die eerste keer ’n oorbruggingsprogram vir toelating tot

ambagsopleiding by die kollege in vyf dorpe regoor Suid-Afrika gaan aanbied. Deur hierdie toevoeging hoop Sol-Tech om ambagsopleiding vir meer jongmense, ook in die platteland, toeganklik te maak.

Sodoende kry jongmense met onvoldoende skolastiese kwalifikasies die geleentheid om hulself te bekwaam vir gekrediteerde ambagsopleiding en behaling van kwalifikasies. Studente gaan die basiese beginsels van relevante vakke soos Wiskunde, Wetenskap, Ingenieursgrafika en -ontwerp, en ambag-spesifieke tegniese vakke leer om sodoende die nodige toepaslike onderbou vir verdere studies te verkry.

Die institusionele opleiding vind steeds by Sol-Tech in Pretoria plaas, maar die oorbruggingsprogram gaan net soveel meer jongmense toelating tot opleiding by Sol-Tech bied. Hierdie program word al vir ’n geruime tyd deur middel van voltydse kontaksessies in Pretoria aangebied vir studente wat reeds hul skoolloopbaan voltooi het en die Sol-Tech-keuring geslaag het. Vanaf 2019 sal dit egter vir die eerste maal ook deur middel van ’n

afstandsonderrigmodel met geskeduleerde kontaksessies in samewerking met vyf skole verspreid oor Suid-Afrika aangebied word.

Satellietkampusse op Wolmaransstad (Hoërskool Wolmaransstad), Bethlehem (Bethlehem Voortrekker Hoërskool), Naboomspruit (Hoërskool Hans Strijdom), Worcester (HTS Drostdy) en Klerksdorp (Hoërskool Schoonspruit) verseker dat studente toegang tot gehalte-onderrig in hul eie dorp kan kry. Opleiding gaan aaneenlopend oor ‘n tydperk van 24 weke geskied en leerders moet oor ’n graad 10-sertifikaat

beskik.

Vir meer besonderhede besoek www.sol-tech.co.za of skakel Schikkie Geldenhuys by 082 555 6865.

Ditsem Nuus werk tans om vanjaar vir die sewende agtereenvolgende jaar ʼn Geloftefeeskalender te publiseer van Geloftefeeste wat waar ook al gehou word, ook in die buiteland. ʼn Veldtog word trouens tans van stapel gestuur om vas te stel of Geloftefees nog deur Afrikaners in lande soos Namibië, Engeland, Australië, Nieu-Seeland, die VSA, Kanada, ens. gehou word en/of die Gelofte ten minste vanjaar op Sondag 16 Desember by eredienste gelees word.

Inligting oor Geloftefeeste kan gestuur word na Hierdie e-posadres word van Spambotte beskerm. Jy moet JavaScript ontsper om dit te lees. of skakel 053 207 0127 of besoek die Facebookblad. Vir die 2017 Geloftefeeskalender kliek hier.

Soos wat Ditsem Nuus kontak maak met die onderskeie kontakpersone wat Geloftefeeste landswyd reël, blyk dit dat daar ’n groeiende besef posvat onder Afrikaners van die noodsaaklikheid van nakoming van die Gelofte van Bloedrivier. Dit is asof mense onder die huidige landsomstandighede en bedreiging teen die Afrikaner al meer intens bewus raak van die noodsaak van die Gelofte.

Te midde van die meesal slegte nuus in SA kom ʼn brokkie goeie nuus in die vorm van die uiters besige Mount Edgecombe Wisselaar noord van Durban aan die KZN Noordkus wat pas voltooi is en op 30 Oktober deur Minister van Vervoer Blade Nzimande amptelik geopen is. Die wisselaar open ʼn bottelnek van verkeersophoping by die samevloeiing van die besige N2 en N41 roetes, met sowat 40 000 voertuie per dag wat die afgelope sowat twee jaarbygekom het.

Die wisselaar word gesien as ʼn ikoon i.t.v. siviele ingenieurswese en argitektoniese ontwerp, terwyl dit na beplanning sal bydra tot toename van miljarde rand beleggings in die KZN Noorkusgebied. Die totale projekkoste het R1,1 miljard beloop en is een van die grootste projekte wat Sanral nog in KZN aangepak het. Dit het ook ʼn enorme inspuiting beteken vir kleinsake ontwikkeling in die streek.

Bladsy 8 van 96
Go to top