►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

CRL Commission wil alle kerke reguleer

Die Commission for the Promotion and Protection of the Rights of Cultural, Religious and Linguistic Communities (CRL Commission), ‘n artikel 9 instelling ingevolge die Grondwet, beveel ná driejaarlange ondersoek na kerkgemeenskappe en godsdiensgroepe in die land aan dat alle kerke by die Commission moet lisensieer en dat die wet sowel as Grondwet gewysig word sodat hulle alle kerke en kerkgemeenskappe kan reguleer. Hulle wil dit dan deur sg. mediasie of bemiddeling doen, bv. sou 'n homoseksuele predikant wil gelegitimeer word en sy kerk wil nie, dan kan hy/sy dit na die CRL Commission neem, wat waarskynlik ten gunste van die predikant sal beslis en dit wetlik afdwingbaar maak, omdat die landswet bepaal geen diskriminasie teen homoseksuele nie. Christelike kerke het tydens die ondersoek deur die bank ernstige beginselbesware teen die aanbevelings van die CRL Commission gemaak, maar dit is grootliks geïgnoreer in die verslag. Christelike en ander kerke is hoofsaaklik verteenwoordig in die organisasie Freedom of Religion South Africa (FORSA), wat weer sowat 20 miljoen mense in SA verteenwoordig. Vir meer besonderhede, besoek gerus onderskeidelik www.crlcommission.org.za en www.forsa.org.za.
Gradeer die artikel
(2 stemme)

1 comment

  • dr Sakkie van der Merwe - Donderdag, 06 Julie 2017

    Die tyd kom al hoe nader dat ons wyse van aanbidding en hoe en wie ons mag aanbid gereguleer gaan word. Dan word daar nog gepraat van 'n regering wat God respekteer.

    Report

Lewer kommentaar

Vul al die vereiste velde in (*)

Go to top