► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Afrikanervolk veroot-moediging

Die Volkseie Verootmoedigingsaksie (VEVA) doen steeds ‘n oproep vir gestruktureerde en volgehoue verootmoediging van die Afrikaner voor God Drieënig ingevolge die genade en belofte vervat in 2 Kronieke 7: 13-14. Die VEVA sê tereg in ‘n mediaverklaring: ”Intensiewe introspeksie is nodig, sonder dat dit hoegenaamd gaan oor die vals skuldgevoel wat die liberalisme soos ‘n albatros om die nek van die Afrikaner wil hang. Dit gaan alleenlik oor wat die Afrikaner in ootmoed, berou en opregtheid direk teenoor die Alhoë bely in die geloof dat Hy ons genadig sal wees en sal uitlei.” Meer besonderhede oor die verootmoedigingsaksie word verskaf op die Facebook-blad van die VEVA. Die skakelpersoon van die VEVA is dr. Jann Schlebusch – sel 072 959 3214 of epos Hierdie e-posadres word van Spambotte beskerm. Jy moet JavaScript ontsper om dit te lees. .

Gradeer die artikel
(0 stemme)

Lewer kommentaar

Vul al die vereiste velde in (*)

Go to top