► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Ek lees tans die boek Wanneer julle vas van die Amerikaanse pastoor Jentezen Franklin en dit is nogal ‘n oogoopmaker oor die konsep van vas. Franklin sê Jesus het basies drie opdragte gegee: Bid, gee en vas – soos hy sê, ‘n driedubbele tou wat nie maklik verbreek word nie.
Voordat Jesus met sy bediening begin het, het Hy 40 dae en nagte gevas en daartydens die Satan verslaan, waarna Hy met sy rits wonderwerke begin het (Matt. 4:1-11). In Mark. 9:28-29 het Jesus gesê ‘n bepaalde hardnekkigheid van die Satan kan net oorwin word deur gebed en vas.
Vas speel ‘n groot rol regdeur die Bybel vir geestelike verdieping en oorwinnings – slaan maar self na. Iemand het dit só opgesom: Dit was deur te eet dat Adam die Paradys vir ons verloor het en dit was deur nie te eet nie, dat Jesus dit teruggewen het.
Daar is iets geweldigs Geestelik daarin om jouself ‘n tyd van kos te onthou en jou aan God te wy. Franklin sê daar is verskillende maniere van vas – geheel van vaste kos en net water drink, van net sekere kosse, ens. Vas kan ‘n dag of meer wees, ens.
Dit is die basiese boodskap – die Woord en die boek van Franklin het meer besonderhede. Lees dit gerus, dit het die potensiaal om lewens positief om te keer.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top