► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

3 Christelike tienerfeeste landswyd

Die landwye Christelike tienersaamtrek #Imagine is 18-20 Maart 2017 vir die vierde keer aangebied en bykans 10 000 jong mense het vanjaar die drie feeste bygewoon - een op Nampopark by Bothaville, een buite Plettenbergbaai en een op Agripark buite Bredasdorp. Sowat 3000 jongmense van die Vrystaat, Noordwes, Gauteng, Limpopo, Mpumalanga en KZN het die noordelike saamtrek op Nampopark bygewoon, waarvan die meeste in tente of sale geslaap het. Volgens ds. Fouché de Wet, ‘n organiseerder en NGK-leraar, is #Imagine, ‘n projek wat op tienerbediening fokus en om jongmense vir die toekoms toe te rus. Hy sê die saamtrekke word beskou as ‘n beginpunt van waar jongmense hul lewe verander en ‘n verskil in hul omgewing maak. Vanjaar se tema was oor die verhaal van Paulus en wat jong mense van Paulus kan leer. Temas soos dwelmmisbruik, seks, verhoudings en groepsdruk word bespreek. Opgeleide sorgspanne is op elke saamtrek byderhand om tieners met emosionele probleme by te staan. Die tieners word gehelp om ná die saamtrek ook in hul tuisdorpe berading en hulp in hul onderskeie kerke te kry. Die #Imagine-projek is die grootste ekumeniese projek in die land en die jongmense kom van 400 tot 500 verskillende kerke en gemeentes.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top