► Die koste van SA regering om sy skuld te diens het toegeneem van R89,4 miljard in 2012 tot R202,2 miljard in 2019, wat beteken dat tans meer geld bestee word om regeringskuld te diens, as wat in totaal in een jaar bestee word aan die polisiediens (R104,2 miljard), staatssekuriteit en weermag (R50 miljard) en howe en gevangenisse (R48,4 miljard) ► Solidariteit Helpende Hand se Studiefondssentrum (SFS) administreer tans meer as 240 studiefondse ter waarde van R164 miljoen, waardeur meer as 4 000 studente se studies moontlik gemaak word ► Volgens statistiek van TLU SA gister vrygestel, is 1 125 plaasaanvalle tussen 1990 en 1999 aangemeld, 1 407 plaasaanvalle in 2000 – 2009 (styging van 22%) en 2 616 plaasaanvalle vanaf 2010 – 2 019 (toename van 60%) ► Volgens pasvrygestelde syfers van TLU SA het 637 plaasmoorde vanaf 1990 tot 1999 plaasgevind, 799 plaasmoorde tussen 2000 tot 2009, terwyl 2010 tot 2019 die syfer afgeplat het na 586 plaasmoorde ► In mediaverklaring wys VF Plus daarop dat in SA R8 uit elke R10 wat deur die staat bestee word vir salarisse gaan; salarisrekening van staat beloop R587 miljard per jaar; “staatsdiens is werkskeppingsagentskap vir ANC-kaders” ► Verslag van Transparency International getiteld Global Corruption Barometer (GCB) gedoen ná ondersoek in 35 Afrika lande toon dat 59% van mense reken dat korrupsie toeneem, terwyl in Suid-Afrika 70% van mense meen dat korrupsie toeneem ► Verslag van Transparancy International toon ook dat een uit vier mense in Afrika wat verlede jaar van openbare dienste gebruik gemaak het, omkoopgeld moes betaal het ► Kabinet gee goedkeuring dat wetsontwerp oor Nasionale Gesondheidsorgversekering (NGV) in Parlement te tafel gelê word; geen aanduiding van koste nie, maar vorige minister dr. Aaron Motsoaledi het geraai sowat R259 miljard ► Minister van Omgewingssake, Bosbou en Visserye Barbara Creecy sê in Parlement Suid-Afrika is een van die 30 vuilste en mees omgewingsbesoedelende lande ter wêreld ► Rowers kaap graafmasjien van 60 ton by sandmyn naby Hobhouse en ry daarmee deur Caledonrivier en verdwyn in Lesotho ► MetroRail onderneem tans slegs 40% van treinritte in voorstedelike gebiede as 4 jaar gelede ► Netbal Wêreldbekertoernooi begin vandag in Liverpool, Engeland, met Proteas agt blankes uit span van 12 wat kans gegun word om goud in te oes ►

Getuienis van redding

Ek het die voorreg gehad om ʼn oud-kollega oor baie jare te groet. Op die begrafnis van Jimmy Barnard, Gideon van Randfontein-laer in Oktober 2013, het Johan aan my gesê dat ons ouens wat aan “hierdie goed” glo, seker reg is. Hy glo nie daaraan nie. My mond het oopgeval van verbasing. Voor my het ʼn uiters intelligente en begaafde mynbestuurder gestaan, wat op ʼn stadium saam met Jimmy as Inspekteur van Myne groot naam gemaak het vir homself. Ek kan nie my antwoord onthou nie. Sedert daardie dag het ek voortgegaan om hom op sy verjaarsdag te skakel en geluk te wens, soos dit die laaste 25 jaar die geval was. Verlede week het ek ʼn oproep gekry wat sy naam op die selfoonskerm vertoon het. Die stem was skaars hoorbaar en heeltemal onbekend. Hy moes drie keer sy naam sê voordat ek besef het dat dit wel Johan is. Hy noem dat hy terminaal aan keelkanker in die hospitaal lê, en dat hy so swak is dat hy nie die groot Bybel kan vashou nie. Sy versoek was egter verrassend: “Kan jy asseblief een van daardie 12 Apostels Bybeltjies vir my saambring?” Moet erken dat ek al baie benamingsweergawes van ons Gideons Testament gehoor het, maar hierdie een was uniek. As ek nie geweet het dat hy in saal 3D se bed lê nie, sou ek hom nie herken het nie. Wanneer mens 40 kg verloor en skaars kan praat, met pype en naalde oral in jou arms en nek gedruk, lyk mens bietjie anders as wanneer jy gesond is. Na ons gegroet het, het ek gevra of hy sy lewe met die Here reggemaak het. Weer verras hy met sy antwoord: “Drie jaar gelede het jy vir my op Jimmy se begrafnis gesê dat ek my lewe aan die Here moet oorgee, want eendag sal ek voor Hom moet staan. Wel, daardie woorde het vir ʼn jaar by my gespook, en uiteindelik het ek die kerk naby ons se leraar gaan besoek. Hy het my na Jesus gelei, en tot onlangs was ek deel van ʼn selgroep. My vrou het ook tot bekering gekom, en daar is baie mense wat vir my bid.” Ek weet ek sal hom nie weer in lewende lywe sien nie, maar hy sal daar voor God se troon wees dié dag wanneer ook ek huiswaarts keer. Aan God al die eer.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top