► Gister 16 Junie is Jeugdag amptelik in SA gevier ter herdenking van die Sharpville-opstand in 1960, maar dit is ook die herdenking van 16 Junie 1900 toe Lord Roberts proklamasie onderteken het vir inwerkingstelling van beleid van verskroeide aarde wat tot die lyding en dood van sowat 30 000 Boervroue, -kinders en bejaarde mans gelei het – kyk hierdie video ► Vir presies hoe die Anglo-Boere-oorlog 1899 – 1902 verloop het en hoe die Britse oormag die lyding van vroue en kinders misbruik het om die Boerekrygers tot oorgawe te dwing, volg hierdie skakel ► Ambassadeur vir SA in Denemarke Zindzi Mandela skel SA blanke burgers op Twitter uit vir “cowards” en “land thieves” en sê dr. Chris Barnard “learned the basics of heart surgery from his black gardener” ► AfriForum vra Minister van Internasionale Betrekkinge en Samewerkinge Naledi Pandor om Zindzi Mandela onmiddellik terug te roep en af te dank ► Furore oor Twitter-geskel van Zindzi Mandela omdat sy veronderstel is om alle Suid-Afrikaners te dien en sy betaal word met belastinggeld van alle Suid-Afrikaners ► Volgens konsepwetgewing tans voor Parlement Broad Based Black Economic Empowerment Amendment Bill word begunstiging van blanke vroue uitgehaal omdat hulle in die praktyk van die sg. benadeelde groepe die vinnigste in die SA ekonomie vorder – volg hierdie skakel vir meer besonderhede ► Met spanning in Midde-Ooste rondom Iran skiet goudprys op na $1 350/ons, hoogste in 14 maande ► Vakunie Association of Mineworkers and Construction Union (AMCU) kondig aan dat dit met onderhandelinge vir lone in platinumbedryf later vandeesmaand gaan vra vir basiese salaris van R17 000; AMCU verteenwoordig sowat 60 000 lede ► Berig dat SABC slegs salarisse betaal en nie meer enige diensteheffings aan Stad van Johannesburg en City Power betaal nie, vraag of SAUK volgende maand nog in bedryf sal wees ► Vragmotorbestuurder Bernard Groenewald wat by Touwsrivier so deur aanvallers met brandbomme bestook is, is in hospitaal aan sy wonde oorlede ► Die Voortrekkers o.l.v. dr. Danie Langner onthul op plaas naby Parys nuwe standbeeld van Die Penkop tesame met twee borde met name van 2 466 seuns tussen ses en 16 jaar wat dié oorlog oorleef het ► EPR veiligheidsbeampte, Christo Myburgh, te Krugersdorp oorval op perseel deur drie gewapende aanvallers vermoedelik zamas zamas en drie keer geskiet ► Vind by hierdie skakel passievolle pleidooi vir moedertaalonderrig, ook in Afrikaans, deur Johnell Pelser op sosiale media ►

God gebruik alle ervarings

sRomeine 8:28: En ons weet dat vir hulle wat God liefhet, alles ten goede meewerk, hulle wat na Sy voorneme geroep is.

Geen ervaring is 'n vermorsing as jy dit slim gebruik nie. God kan dit waardeur jy gaan, gebruik om jou te ontwikkel tot die persoon wat jy moet wees.

Moses het in pleegsorg grootgeword. As die aangenome seun van die Farao se dogter, het hy 40 jaar lank die taal en die lewenswyse van die Egiptenare aangeleer, maar hy moes egter ook 'n paar persoonlike lesse leer. God het hom toe 40 jaar in die woestyn laat bly om na skape om te sien. Die kleinseun van die Farao het 'n nederige skaapwagter geword.

Niks sal jou so nederig maak soos om 'n werk te moet doen waarvoor jy oorgekwalifiseer is nie, veral wanneer dit jou eie mislukking is wat dit veroorsaak het. Gedurende daardie jare in die arm deel van die dorp, het God vir Moses egter geleer om met mense wat swaarkry te identifiseer.

Uiteindelik, toe hy 80 was, was Moses gereed om sy roeping te vervul. Die punt is: Moses se 80 jaar van opleiding was nie vermors nie. 40 jaar in 'n paleis het hom voorberei om die Farao te hanteer, en 40 jaar in die woestyn het hom voorberei om God se mense deur die wildernis na hulle bestemming te lei.

Alhoewel jy eerder enige plek anders wil wees as waar jy nou is, onthou: God gebruik alle ervarings. Hy sal dit tot jou voordeel gebruik en tot Sy eer alleen.

 

Gradeer die artikel
(0 stemme)

Lewer kommentaar

Vul al die vereiste velde in (*)

Go to top