► Verskoning gister geen Hooftrekke weens onvoorsiene omstandighede, vandag dubbel ► Afrikaner-gemeenskap ontstoke oor haatspraak van Panyaza Lesufi Gauteng LUR vir Onderwys teen Afrikaans, wat sê dit “gaan sy verstand te bowe dat daar stryd is in skole vir Afrikaans as daar nie meer een universiteit is wat Afrikaans as onderrigmedium het nie” ► In terreuraanval 20 Mei op plaas tussen Fochville en Westonaria deur agt gewapende aanvallers op pa (55) en dogter (17) is dogter herhaaldelik verkrag ► Nog terreuraanvalle op plase: ► 21 Mei by Louis-Trichardt, Limpopo, Annette Kennealy voormalige DA raadslid vermoor in haar plaashuis aangetref ► 19 Mei by Addo, Oos-Kaap, vroulike plaaswerker deur twee gewapende aanvallers met messe gesteek, kontant geroof ► 17 Mei by De Doorns, Wes-Kaap, vyf gewapende aanvallers oorval bejaarde egpaar laataand in hul huis , beroof, geen verder besonderhede tans beskikbaar nie ► 87-jarige man in Tshwane in Distrikhospitaal erg aangerand deur personeel toe hy hulle aanspreek omdat hulle hom in Zoeloe en Tswana spot ► Pretoria Hooggeregshof gee uitspraak dat bevinding van OB Busisiwe Mkhwebane in saak van Estina-suiwelprojek by Vrede in Vrystaat so swak is dat dit tersyde gestel word ► Geweldige uittog van voorste SA rugbyspelers na klubs in die buiteland Engeland, Europa, Japan en VSA, o.a. Bulle-kaptein en Springbok-losskakel Handré Pollard ► Berigte dat hongersnood dreig in Zimbabwe a.g.v. droogte en lae vlak van Karibadam, sowat 3 miljoen mense benodig voedselhulp en beurtkrag word toegepas ►

Aanvaar jou opdrag

Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het. - Efesiërs 2:10


Ek het U op die aarde verheerlik deur die werk te volbring wat U my gegee het om te doen.
- Johannes 17: 4

Jy is op aarde geplaas om 'n bydrae te lewer.

Jy is nie geskep net om hulpbronne te verbruik nie – om te eet, asem te haal, en ruimte in beslag te neem nie. God het jou ontwerp om 'n verskil te maak met jou lewe.

Jy gaan jou lewe gee vir iets. Sal dit 'n loopbaan, sport, 'n stokperdjie, roem of
rykdom wees? Nie een van hierdie sal blywende betekenis hê nie. Diens is die pad na ware betekenis. Dit is deur bediening dat ons die betekenis van ons lewens ontdek.

As jy nie betrokke is by enige diens of bediening nie, watter verskoning het jy tot nou toe gebruik? Abraham was oud, Jakob was onseker, Lea was onaantreklik, Josef was misbruik, Moses het gestotter.

Gideon was arm, Simson was afhanklik (co-dependent), Ragab was immoreel, Dawid het 'n buite-egtelike verhouding en allerhande gesinsprobleme gehad, Elia het selfmoordneigings gehad, Jeremia was depressief, Jona was huiwerig, Naomi was 'n weduwee, Johannes die Doper was eksentriek om die minste te sê.

Petrus was impulsief en het ‘n slegte humeur gehad, Marta het haar baie bekommer, die Samaritaanse vrou het verskeie mislukte huwelike gehad, Saggeus was ongewild, Thomas het getwyfel, Paulus se gesondheid was swak en Timoteus was skugter.

Dit is nogal 'n verskeidenheid van wanaangepastes, maar God het elkeen van hulle gebruik in sy diens. Hy sal jou ook gebruik, as jy ophou om verskonings te maak.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top