► Helen Zille teen wense van leier Mmusi Maimane verkies as federale voorsitter van DA; interessant wat van DA gaan word ► Herman Mashaba bedank as DA burgermeester van Johannesburg oor verkiesing van Zille ► Bejaarde egpaar Henning (82) en Hilda (80) Schourie in hul huis in Sophiatown wreed doodgeslaan ► Agnes Elaine Burns (91) en Rosemary Landton (87) vermoor in aftree-oord in Port Elizabeth, 5 verdagtes 4 mans en vrou in hegtenis, vrou versorger by oord. ► Beroemde sangpaar Lance James (81) en Min Shaw (85) deur FAK van dr. Danie Langner met spesiale toekenning vereer vir hul bydrae tot die Afrikaanse musiekbedryf ► Wêreldbeker Rugby Springbokke vs. Wallis en All Blacks vs. Engeland in halfeind ► Supersoniese Bloodhound kom in SA aan vir aanslag op landspoedrekord op Hakspeenpan in Noord-Kaap met doel om 1 600 km per uur te bereik ► Telkom kondig aan dat dit kopernetwerkinfrastruktuur vir ADSL en telefoonlyne gaan opskort en dat verbruikers ander opsies moet vind, waarskynlik optiese vesel, goedkoper as ADSL ►

Met dinge in Suid-Afrika wat lelik skeef loop en dit met die land slegter gaan as ooit in die geskiedenis, word die vraag of vrae gevra wat die redes is, of wat ons kan doen om die situasie te beredder? Gewoonlik is die antwoord iets in die lyn van ons moet ons voor God verootmoedig en terugkeer na sy voorskrifte soos in die Bybel.

Met die strekking van die antwoord gaan ons akkoord, want dit is alleenlik by God-Drieënig waar die antwoord en oplossing lê. As ons dit dan wil doen, wat van die vierde gebod, heiliging van die Sabbat? Komende Sondag is die kwarteindstryd in die Rugby Wêreldbeker tussen die Springbokke en Japan en word rondom dit ʼn groot euforie opgeblaas – sonder om te noem dat dit sport op Sondag/die Sabbat is en dus verbreking van die vierde gebod.

Het ons so afgestomp geraak dat hierdie gewaande tikkie wêreldglorie belangriker geag word as die voorskrif van die Skepper van die mens – en dus ook die wel en weë van ons in hierdie land?

Span die natuur in teen plaagbestryding!

Veeldoelig – selfs teen jakkalse en kraaie

Nuwe baanbrekerstegnologie waardeur die natuur op unieke wyse ingespan word vir plaagbestryding asook vir ander opbouende toepassings, is sowat twee jaar gelede deur die maatskappy Agri Frequencies (Pty.) Ltd. van Benoni aan die Oos-Rand op die mark beskikbaar gestel. Gebaseer op internasionale navorsing oor jare sedert die vorige eeu en wat deur Jan du Plessis van Agri Frequencies met sy eie navorsing vir Suid-Afrikaanse toestande verfyn is, werk die tegnologie basies op die beginsel van die natuurlike frekwensies van kwartskristalle wat aangewend word om die frekwensies van organismes te manipuleer.
Dit behels dat frekwensies wat uit radioniese navorsing ontwikkel is, deur kwantumfisiese aanwending die frekwensies van organismes óf positief of negatief manipuleer. Alle organismes beskik oor natuurlike frekwensies en as hierdie frekwensies ekstern aangevul word, bevorder dit die groei en potensiaal van die organisme, maar as die frekwensies buite hul ritme gestel word, dan lei dit tot die degenerasie van die organisme en die dood daarvan.
Frekwensies vanaf kwartskristalle word in verskillende formate vir verskillende doeleindes opgestel en wel sodat dit altyddurend uitstraal. As sulks word dit deur Agri Frequencies kommersieel beskikbaar gestel vir o.a. plaagbestryding, die stimulering van plante en grondorganismes en die verryking van water.
In die praktyk het die toepassings van Agri Frequencies fenomenale sukses opgelewer. So bv.  is boere in die Karoo, Oos-Kaap, die Vrystaat en Namibië baie tevrede nadat toepassings roofdiere weggejaag het en is hul skape rustiger en in beter kondisie. Jakkalse en rooikatte het die wyk geneem - dit alles nadat Agri Frequencies hul nuwe kristaltegnologie geïmplementeer het.
Solank as roofdiere gejag word, teel hulle steeds aan, maar waar hul area kleiner gemaak word, beperk hulself hul aanteel en kom die natuur weer in balans. Die proses is effektief en boere vind dat van die jakkalse wat binne hul jakkalsdraad vasgekeer was, nie meer lammers vang nie, selfs al loop hulle in dieselfde kamp, want hul pense is leeg hulle het vermaer.
As gevallestudie sê Giel van Niekerk van Prieska dat foto's van kameras wat hy opgestel het by suipkrippe toon dat geen jakkalse of rooikatte suip meer daar water nadat hy produkte  van Agri Frequencies ingestel het nie. Hulle sien ook nie meer spore van die roofdiere daar rond nie.
Baks Laubscher van Marydale sê sy spoorsnyers tel ook nie meer roofdierspore op nadat Afri Frequencies ingetree het nie. Wat meer is, die skape van die buurman kom nou teen die draad na sy weiding, waarskynlik omdat die jakkalse hulle aan die anderkant pla.
Agri Frequencies pas selfs effektief toe wat betref kraaie wat lammers se oë uitpik. Die uitfase-frekwensies van Agri Frequencies is hoewel subtiel, nogtans sterk genoeg om rotte en insekte te dood en terselfdertyd roofdiere en voëls in die teikengebied te verwilder.
Ander toepassings van Agri Frequencies-produkte is dat dit plante 30% minder water laat gebruik, met waterstrukturering wat ook oor die oppervlakte versend kan word, so goed soos reën. Gestruktureerde water is watersuiwerend, maak pype, ketels en geisers skoon en hou krippe en damme algevry.
Voorts kan deur 'n verskeidenheid van toepassings bosluise, parasiete en vlieë beheer word, frekwensies kan in-fase aangewend word om plante en diere beter te laat presteer en deur veldstimulasie kan die drakrag vir vee verhoog word.
Meer in besonderhede behels die metodes van Agri Frequencies dat foto's van roofdiere geneem word om hul frekwensies bepaal en dan word daarmee 'n teenfrekwensie ontwikkel waardeur die spesifieke spesie gemanipuleer word.
Elke organisme het sy eie frekwensie en word uit-fase gekopieer deur ook daarvan 'n foto te neem, wat dan met 'n kwantumskandeerder in kristalpoeier ingekopieër word.
Die behandelde kristalpoeier word met 'n kwantumsender gestuur na enige afgebakende area op aarde met behulp van 'n lugfoto en word dan vir daardie area geaktiveer. Die proses is akkuraat en teiken slegs die geselekteerde spesies in die bepaalde teikenarea. Die metode van kristalfrekwensies is in opsigte uiteraard veel ekovriendeliker, veiliger en meer gevorderd as chemiese middels.
Die toepassings en produkte van Agri Frequencies is bekostigbaar @ slegs R10 per ha per jaar, met spesiale korting vir boere met groot gronde  of waar boere gesamentlik bestel. Agri Frequencies bied ook 'n reeks produkte op huishoudelike skaal @ slegs R800 vir dekking van'n area met radius 40 meter.
Vir meer besonderhede oor hierdie unieke en hoogs doeltreffende kristaltegnologie,  deur Du Plessis as 'n stokperdjie begin en oor 'n tydperk van 28 jaar ontwikkel, besoek www.agrifrequencies.com, of kontak Du Plessis by 082 429 4055 of Hierdie e-posadres word van Spambotte beskerm. Jy moet JavaScript ontsper om dit te lees., of skakel die area-agent vir sentraal-SA Danie Minnaar by 083 4177 236.

agrifreq 2

Hierdie brief in Volksblad deur Ds. Dawie Botes van Welkom stel dit so raak, dat ons nie kan help om dit ook aan te haal nie – kommentaar waarmee ons onsself volkome vereenselwig:

“Met die uitspraak dat lyfstraf nou teen die wet is, maak iets nie meer sin nie.

“Wat van geweld teen die ongebore kind? Is dit reg as daar geweld is teen ongebore kinders, mag hulle maar om die lewe gebring word?

“Êrens is daar dubbele standaarde. Aan die een kant hoor ons van die regte van een groep, maar het die ongebore kinders nie ook regte nie?

“Iemand sal ook moet opstaan vir ongebore kinders. Klein mensies wat uitgelewer is aan omstandighede buite hul beheer en waar daar maklik besluit word weg met jou as ʼn klein babatjie wat reeds gevorm is.

“Daar is derduisende aborsies in ons land, mense doen wat hulle wil en wil dan nie verantwoordelikheid vat vir hul gedrag nie. Natuurlik is daar uitsonderings op aborsies.

“Êrens moet wetgewers weer gaan besin: Jy mag nie ʼn kind lyfstraf gee nie, maar jy mag ʼn ongebore kind wreed vermoor. Is dit reg?

“Êrens is ons besig om die hele punt te mis in die land met sy wetgewing.

“Kom ons bly bid vir ons mooi land.”

Herdie brief deur André Bekker, stigter van Voice of the Voiceless Advocacy, in Volksblad word aangehaal:

“Die afgelope paar jaar is die politiek korrekte, maar wetenskaplik ongegronde, narratief geskep dat ʼn mens gay gebore word en nie kan verander nie. Dit het daartoe gelei dat eks-gays se stemme verdoof is en dat hul bestaan as leuenagtig afgemaak word.

“Die onhoudbare situasie het daartoe aanleiding gegee dat ʼn Christelike menseregte-organisasie Voice of the Voiceless Advocacy, gestig is. Dit verleen aan eks-gays weer ʼn stem.

“Dit stel ons in staat om die vooruitsig te hê dat ons ons waardes en geloofsoortuigings vry en sonder vrees kan uitleef. Hierdie stem verander die hele gay-debat, want dit is die bewys dat verandering moontlik is.

“Ons getalle groei daagliks. Alle eks-gays is welkom om op Facebook by ons aan te sluit.”

Die afgelope week met die sitting van die Algemene Sinode van die NG Kerk is ‘n beginsellose ja-nee besluit oor selfdegeslagverhoudings in die kerk geneem – nóg vis nog vlees. Ons sê egter dat die Woord duidelik sê oor hierdie onderwerp dat dit sonde is en dat dit as sulks bejeën moet word – sonder om die sondaar te verdoem.

Sien in besonder hierdie brief.

Indien die propagandiste van gays in NG-geledere egter volhard om die kerk in hul rigting te probeer dwing, sê ons dat hulle eerder die pad moet vat en hul eie kerk gaan stig. Daar is nie sprake van dat volgers van die suiwer Woord die NG Kerk gaan verlaat nie. Dis die ander wat moet loop.

Hoogste gebou in Afrika, die Leonardo in Sandton, op 234m open in Oktober 2019, ontwikkel @ R3 miljard is dit eenstop leefstylsentrum met 254 woonstelle, drieverdieping dakwoning, vyf verdiepings kantore en talle winkels en restaurante

Transnet toon wins van R6 miljard vir finansiële jaar 2018/19; eerste staatsonderneming in baie lank tyd wat wins toon

Fluitjieblaser kol. Dhanajaya Naidoo getuig voor Zondo-kommissie hoe Richard Mdluli, voormalige hoof van SAPD Misdaadintelligensie, geheime fonds van Polisie misbruik het om een luukse motor na die ander vir homself te koop en terselfdertyd luukse motors vir sy familie uitgedeel het, het ook huise, meubels en kruideniers vir homself uit die fonds aangekoop

Bothaville, eens trots bekend as die Mieliehoofstad van SA, vandag ‘n puinhoop weens geen munisipale dienslewering nie – elektriese substasies gestroop, riool vloei direk in Valsrivier, munisipale werkers lê leeg op straat en huishoudelike afval en bourommel oor 50 ha rondom dorp

Macufe Fees 4 – 13 Oktober 2019 in Bloemfontein @ R34 miljoen belastingbetalergeld, reuse markiestente vir produksies oral in stad opgerig

Solidariteit Beweging en al sy instellings beplan Toekomsberaad op 10 Oktober 2019 vir Afrikaners en Afrikaanse taalgemeenskap – meer besonderhede by hierdie skakel

Pres Cyril Ramaphosa ontvang Nigeriese pres. Muhammadu Buhari op staatsbesoek in SA, voer indringende samesprekings oor handel en verseker Buhari dat Nigeriërs in SA soos gaste behandel word – dit kan egter aanvaar word dat kwessie van Nigeriese dwelmsmokkelaars wat honderde meisies landswyd in SA as seksslawe aanhou, nie op die agenda is nie

SAPD Polisiestasie op Windsorton op 2 Oktober deur 4 gewapende aanvallers om 23:00 oorval, twee SAPD-lede op diens vasgebind en van hul 9mm dienspistole beroof, kry sleutels van kluis, roof nog vuurwapens en vlug met sleutels van SAPD-voertuig

Hoofregter Mogoeng Mogoeng sê ʼn persoon het aan hom R600 miljoen aangebied om te help met die “modernisering” van die hofstelsel in SA

Facebook #IAmStaying vir Suid-Afrikaners, meesal blankes, wat deur Jarette Petzer begin is en waarop mense bevestig dat hulle in die land gaan aanbly as hul tuisland, het al meer as 6,5 miljoen besoeke ontvang en het volgelingetal van meer as 480 000

Nogal insiggewend dat terwyl pres. Donald Trump as sy nuwe veiligheidsraadgewer en sleutelpersoon in die Amerikaanse regering benoem het Robert O’Brien, wat in die tagtigerjare as Amerikaanse uitruilstudent nagraads aan die Universiteit van die Vrystaat studeer het en met ʼn boeremeisie van Burgersdorp getroud is, hy ‘n Amerikaanse vrou wat in Oos-London gebore is, Lana Marks (65), aangestel het as nuwe ambassadeur in Suid-Afrika.

Suid-Afrika is waarskynlik die land op die vasteland met die meeste miljoenêrs en dit alles met komplimente van ANC-kaderbevoorregting. Dit blyk bv. uit syfers van die DA die afgelope week dat die regering tans sowat R30 miljard in belastingbetalergeld spandeer om ‘n totaal van 27 650 senior en middel bestuurders in die staatsdiens te onderhou @ gemiddeld R1,4 miljoen per jaar per bestuurder.

Dit beteken dus dat 27 650 persone op miljoenêrs lewensstandaard onderhou word met belastingbetalergeld. Dít terwyl die gaping tussen ryk en arm in SA van die grootste ter wêreld is en miljoene swartburgers krepeer van ellende.

Dit is skreiende en skandalige dubbele standaarde wat toegepas word met die aanklagte teen die Springbokslot Eben Etzebeth n.a.v. ʼn onderonsie met bruin manne in ‘n Kaapse kuierplek en die beweerde gebruik van die h... woord. Daaroor wil anti-blanke bruin rassiste in die Wes-Kaap die stuipe kry, terwyl die MRK alles in sy vermoë om Etzebeth aangekla te kry.

Intussen is in September in Suid-Afrika 46 plaasaanvalle en 7 plaasmoorde gepleeg, dit terwyl die syfers vir Augustus 2019 45 plaasaanvalle en 4 plaasmoorde was – alles swart op wit. Dan word daar nog nie eens genoem van die talle ander swart op wit aanrandings, verkragtings en huisbrake die afgelope maand nie, insluitende bv. in een geval die verkragting ‘n blanke plaasvrou deur drie swart gewapende aanvallers.

In laasgenoemde opsig skitter die MRK en ook blanke liberaliste in hul swye en afwesigheid! So kan dit mos nie aangaan nie!

Hieronder voorsmaakie van ons Nuushooftrekke die afgelope maand – op sigself spieëlbeeld van nuus wat saakmaak!

 

Appèlhof beslis ten gunste van VF Plus dat BLF ingevolge OVK-regulasies nie as politieke party kwalifiseer nie omdat blanke lidmaatskap nie toegelaat word nie; OVK deregistreer BLF as politieke party

In reaksie op Zuma-getuienis voor Zondo-kommissie sê DA hy moet verduidelik hoe tydens sy presidentskap plundering en korrupsie van een-derde van SA BNP van R 4,9 triljard plaasgevind het

Mynmaatskappy Rio Tinto het sy Rössing Uraanmyn in Namibië, in produksie sedert 1976 en wat tans jaarliks sowat 4,6 miljoen pond uraan lewer, verkoop aan die China National Uranium Corporation (CNUC) vir $106,5 miljoen; Rio Tinto het sedert 2017 beleggings van $11,2 miljard uit Namibië onttrek

Tans drama by die Zondo-kommissie met regsverteenwoordiger van voormalige pres. Jacob Zuma,

Vandag in Zondo-kommissie DA-getuies oor staatskorrupsie van sowat R650 miljoen met Estina-suiwelplaas by Vrede met implisering van voormalige premier Ace Magashule

Minister van Finansies Tito Mboweni sê staat leen R1,2 miljard per dag om likied te bly

Mosie in Parlement aanvaar ten gunste van grond onteiening sonder vergoeding 189 teen 67, magtig heraanstelling van Ad Hoc Komitee vir ondersoek na wysiging van Grondwet; stemming 189 – 67, met ANC, EFF, PAC, AIC en NFP daarvoor en DA, IVP, ACDP en VF Plus daarteen

ANC Jeugliga in Gauteng reël vir lede militêre opleiding, wapenhantering en guerrilla-oorlogvoering - luister hierdie onderhoud en sien hierdie kennisgewing

Navorsing van Solidariteit toon dat die blanke bevolking van die land van 0-14 jaar met sowat 17 000 toegeneem het en dat totale blanke bevolking sedert verlede jaar met 130 000 mense gegroei het; dus groot behoefte aan werkskepping vir blankes

Ditsem Nuus skep opwindende digitale markplein, DitsemMarkplein, vir Afrikaanssprekende- en Afrikaner-besighede op Telegram-program vir selfone – om te besoek en in te skakel, volg hierdie skakel

Met ʼn skuld van R441 miljard toon Eskom bedryfsverlies vir 2018/19 finansiële jaar van R20,7 miljard in vergelyking van R2,3 miljard in 2017/18 finansiële jaar, dus styging van 800% in verlies; munisipale skuld by Eskom styg van R13,6 miljard na R19,9 miljard

318 renosters in eerste 6 maande van die jaar in SA gestroop, 190 hiervan in Kruger Wildtuin, dus meer as 50 renosters per maand; in eerste 6 maande van 2018 386 renosters landswyd gestroop

Volgens navorsing verdien 48% van die bevolking van Welkom tans minder as R2 000 per maand

VSA verhoog nuwe invoertariewe op handel met China met $300 miljard, wat iPhone’s en skootrekenaars insluit, finansiële markte in Asië tuimel, groter druk op Chinese ekonomie

Zoeloekoning Goodwill Zwelithini sê as Presidensiële Adviespaneel oor Grondhervorming die 2,8 miljoen ha van die Ingonyama Trust wil vat, is dit oorlog

Volgens jongste verslag van SA Inkomstediens (SAID) het kumulatiewe begrotingstekort van Nasionale Tesourie vir die eerste kwartaal meer as verdubbel tot R57,5 miljard; totale inkomste van die staat vir die jaar beloop R317,99 miljard, terwyl die totale uitgawes op R375,45 miljard staan

Daily Maverick berig dat Eskom beplan om R4,32 miljard op diesel te spandeer om ligte aan te hou tot einde van hierdie jaar

Volgens die Vryemark Stigting word elke SA Express passasier gesubsidieer met belastingbetalergeld @ R3 850 per passasier enkelkaartjie en R7 700 op retoerkaartjie; word aanvaar dat gemiddeld 50 passasiers per vlug aanboord van SA Express is, dan kom dit neer op die ekwivalent van twee HOP huise vir elke enkelvlug en vier huise per retoervlug

Volgens die aangehaalde gegewens het SA Express in November verlede jaar ʼn reddingsboei van R1,24 miljard van die staat ontvang en nou weer staatsgewaarborgde finansiering van R300 miljoen

Konferensie getiteld Afrikaner Akkoord en Selfbeskikking op 31 Augustus 2019 in die Amfisaal, Voortrekkermonument, Pretoria, meer as 80 voorbereide dokumente word voorgelê

Antwoord op Parlementêre vraag toon dat SAPD 9,5 miljoen patrone en sowat 4 300 vuurwapens die afgelope 6 jaar deur diefstal verloor het

Pasgepubliseerde Woordeboek van die Afrikaanse Taal Deel XV (WAT) wat slegs gedeelte van letter ‘s’ vanaf ‘skool’ tot ‘SRU’ met ongeveer 9 000 lemmas, toon ontsaglike woordeskat van Afrikaans, ver meer as enige ander amptelike taal in die land behalwe Engels

Afgetrede finansiële hoof van Vrystaatse regering Anna Fourie getuig voor Zondo-kommissie dat op 15 Junie 2012 druk op haar geplaas is deur hoofde van destydse Dept. van Landbou om onmiddellik sonder tenderdokumente en dienslewering R30 miljoen oor te betaal aan Gupta Estina-maatskappy vir Vrede-melkprojek

Betogings in Hong Kong eskaleer in feitlike volskaalse opstand teen Chinese Kommunistiese regering, Hong Kong lughawe gesluit vir alle vlugte; Chinese militêre voertuie naby Hong Kong-grens

VSA Nasionale Veiligheidsraadgewer John Bolton op besoek aan Brittanje bied vryehandelsooreenkoms aan Britte aan in geval van Brexit sonder ooreenkoms

Vandag, 14 Augustus, amptelik die 144ste verjaarsdag van Afrikaans as taal, nadat dit op 14 Augustus 1875 in die Paarl met die stigting van die Genootskap van Regte Afrikaners (GRA) beslag gekry het

TLU SA stel Plaashuise Register bekend om boere te huisves wat hul plase verloor het – navrae Elanza Joubert by 012 804 8031 of Hierdie e-posadres word van Spambotte beskerm. Jy moet JavaScript ontsper om dit te lees.

Die nuus die week dat die Gelykheidshof in Johannesburg beslis dat die openbare vertoon van die van die vorige landsvlag op haatspraak neerkom, is niks minder as ‘n skreiende ongeregtigheid teen oor die Afrikaner en ook skreiende skandalige dubbele standaarde. Die vorige landsvlag is vir behoudende lede van die Afrikanervolk ‘n kosbare kultuurskat en ‘n simbool van selfbeskikkende vryheid.

Ons self sal die vorige landsvlag altyd respekteer en koester en dit met trots vertoon. Daaronder het ons ons vryheid verwerf en ook getrag om ander volke in SA hul vryheid te gee, ‘n strewe in die as geslaan is, met die wrange vrugte wat vandag a.g.v. hierdie verkeerde besluite geneem is.

Ons weet dat agter die hofuitspraak van gister sit die Illuminati en NWO as die bose vyande van die Afrikanervolk en dat die ANC en hul meelopers slegs marionette is in die stryd om die Afrikaner finaal te ondergrawe. Wat ons betref, neem ons saam met eensgesindes die stryd op en sal dit voer tot uiteindelike oorwinning.

In hierdie nuusbulletin gee ons eerstens ‘n agtergrond van die vorige landsvlag soos deur Hanne Engelbrecht op sosiale media versprei, ‘n uiteensetting waarmee ons volkome identifiseer. Daarna verskaf ons die selfverduidelikende voorblad artikel getiteld Drie vlae – en hul verhale, ‘n artikel wat ons aan die hele wêreld wil wys en wat ons hoop ook so versprei sal word.

Die Oranje-Blanje-Blou

  • Hannes Engelbrecht

Ná die Spaanse godsdiensoorlog is die Hollandse vlag se rooi baan in ere van Willem van Oranje na oranje verander. Dit is hierdie oranje-wit-blou vlag wat Jan van Riebeeck by die kasteel gehys het, vandaar die naam “Die Van Riebeeck”-vlag.

Die Republiek Natalia het teruggegryp na die rooi-wit-blou met die Groot Trek. Op 14 Februarie 1840 het Andries Pretorius met ʼn kanonskoot die hysing van hul vlag gevier. Met die Engelse verowering van Natal in Junie 1842 is die vlag weer gestryk ten gunste van die Union Jack.

Tydens die vlagontwerp van die Vrystaat in Februarie 1856 het die Hollandse gesant Hiddigh ʼn versoek van die Huis van Oranje oorgedra dat die nuwe Vrystaatse vlag oranje moet vertoon.

Transvaal het egter in Februarie 1858 besluit om voort te gaan met die rooi-wit-blou. President Burgers was ontevrede en wou die ou Voortrekkervlag van Stephanus Schoeman terug hê. Die Vierkleur (waarby groen bygevoeg is) is eers in Oktober 1874 aangeneem en op 6 Januarie 1875 deur Ds Dirk van der Hoff ontwerp en in Potchefstroom gehys.

Na Uniewording het die Vlagkommissie die openbare mening getoets en bevind dat die meerderheid mense die ou “Van Riebeeck”-vlag verkies.

Twee maande voor die amptelike ingebruikneming van die Oranje-blanje-blou is dit reeds in Havana, Kuba, gehys deur Eric Louw, die Unie se handelskommissaris in New York, tydens ‘n konferensie oor immigrasie op 30 Maart 1928.

Met die hysing van die vlag by die Parlementsgebou in 1928 het die skare spontaan gesing:

“Dis die tyd, dis die dag

Om te handhaaf en te bou,

Hoog die hart, hoog die vlag,

Hoog Oranje-blanje-blou”.

Interessant is dat die vlagkleure, ook onder Hollandse invloed, aanvaar is as die stadsvlag van Manhatten in die VSA.

“Once again a flag is flying

O’er Manhatten, old and new,

And it tells the city’s story

In the Orange, White and Blue”.

Dit is ook minder bekend dat die Tsaristiese Rusland die vlag aanvaar het as die vlag van die Slawiese ras. Slowakië en Slowenië, asook Tseggo-Slowakye, het ook die drie-baan vlag aanvaar.

Die digter en skrywer CJ Langenhoven, skrywer van Die Stem, het ook Die Vlaglied geskryf:

“Nooit hoef jou kinders wat trou is te vra,

Wat beteken jou vlag dan, Suid Afrika –

Ons weet hy is die seël van ons vryheid en reg

Vir die naaste en vreemde, vir oorman en kneg;

Die pand van ons erf’nis, geslag op geslag,

Om te bou vir ons kinders se kinders wat wag”.

Drie vlae – en hul verhale

  • Johann Dannhauser

 Die tersaaklike feite blyk indien kortliks gelet word op die onderskeie geskiedenisse van die volgende drie vlae: Die vorige landsvlag, die huidige landsvlag en die Kommunistiese vlag oftewel die hamer-en-sekel. Wat het in die geskiedenis van elk van hierdie drie vlae gebeur, m.a.w. wat is die verhaal van elkeen?

 Die vorige landsvlag:

rmo1vq79.jpg

  • Onder hierdie vlag is God-Drieënig erken as die Albeskikker en is die land basies ooreenkomstig Bybelse riglyne van geregtigheid, billikheid, vrede, omgee en dienslewering regeer. Ja, alles was nie volmaak nie, maar dit was ʼn ander bedeling waarin die lewegewende vereistes van die Skepper van die mens erken en gerespekteer is.
  • Die beleid onder die eerste ministerskap van dr. HF Verwoerd 1958-66 was afsonderlike ontwikkeling, d.w.s. volledige vrymaking van individuele swart volke op hul eie grondgebied en nie diskriminerende “apartheid” nie. Daarvan getuig o.a. die state en regeringstrukture soos Transkei, Bophuthatswana, Ciskei en andere wat met hoofsaaklik blanke belastingbetalergeld tot stand gebring is.
  • In die vroeë sestigerjare het die BBP van SA jaarliks teen 'n koers van 6% gegroei, terwyl die inflasiekoers 2% was. Die land was selfversorgend vir sy voedsel, terwyl hy 'n vername uitvoerder van vrugte en graanprodukte geword het.
  • Met die stigting van Sasol en die verkryging van brandstof uit steenkool, was die land besig om hom van sy afhanklikheid van die buitelandse oliemark te speen. Sy verdedigingsmag het een van die doeltreffendste ter wêreld geword, terwyl op die gebied van wetenskap en kernnavorsing Suid-Afrika 'n wêreldleidende rol begin speel het.
  • Slegs 5% van die swart bevolking was teen 1966 nog werkloos. In 1970 verdien swart werkers 'n totaal van R1 751 miljoen oftewel 25,5% van die totale loongeld in SA, 'n syfer wat styg tot R17 238 miljoen in 1984 (1 000% groei).
  • Die begrotingsbedrag vir swart onderwys styg jaarliks vanaf 1970 met bykans 30% meer as enige ander staatsdepartement. Van 1955 tot 1984 styg die aantal swart skoliere van 35 000 tot 1 096 000, d.w.s. 31-voudig.
  • Teen 1972 besit swartmense in SA 360 000 voertuie - meer as in al die swart state van Afrika saam. In die laat tagtigs was daar in Soweto alleen meer as 2 300 geregistreerde firmas, 1 000 taxi-ondernemers en 50 000 motoreienaars.
  • In Soweto het die blanke regering 'n reuse hospitaal vir swart mense, Baragwanath, gebou met 3 000 beddens - een van die grootste en modernste ter wêreld. Sy 23 operasieteaters is voorsien van die heel modernste toerusting en word swart mense teen 'n nominale koste van R2 vir 'n onbeperkte tydperk behandel. Die hospitaal het 8 000 personeellede in diens gehad, waaronder 450 voltydse dokters wat jaarliks 112 000 binne-pasiente en 1,62 miljoen buite-pasiente behandel.
  • In 1978 bou die SA regering die hoogs moderne opleidingshospitaalkompleks, Medunsa, op die grens van die destydse onafhanklike Bophuthatswana teen R70 miljoen op 35 ha. Hierdie “stad” in die kleine het woongeriewe vir manlike en vroulike studente bevat waar swart dokters, tandartse, veeartse en paramediese personeel opgelei kon word - die enigste gespesialiseerde universiteit van sy soort in Afrika. Praktiese opleiding het plaasgevind in die nabygeleë Garankuwa Hospitaal waar die hele spektrum van menslike kwale behandel is.
  • In die 1986/1987 boekjaar betaal blankes R9 000 miljoen belasting, swartes R171 miljoen, Indiërs R257 miljoen en Kleurlinge R315 miljoen.
  • In 1985 was 42 000 swart studente aan SA universiteite ingeskryf, met 5 swart universiteite en 28 inrigtings vir hoër onderwys, almal staatsgefinansier.
  • SA het in die graanbehoeftes van sy buurlande en wyer voorsien - in 1980 word 250 000 ton mielies na Zambië uitgevoer, 150 000 ton mielies en 50 000 ton koring na Mosambiek, 128 000 ton mielies na Kenia en 100 000 ton mielies na Zimbabwe. Verder ontvang ook Angola, Ivoorkus, Malawi, Mauritius, Tanzanië en Zaïre SA graan.
  • SA is aangekla deur die wêreld dat dit 'n polisiestaat is, maar in SA was 1,4 polisiemanne vir elke 1 000 mense, teenoor die ooreenstemmende syfer van 2,2 vir Brittanje, 3,5 vir Israel, 4,3 vir New York, en 10 vir Moskou.
  • In die loop van die tagtigerjare het die SA Weermag die Grensoorlog in die noorde van die destydse SWA / Angola teen die Russiese en Kubaanse invalsmagte gewen en het dit 'n sleutelrol gespeel in die uiteindelike val van die Sowjetryk. Teen hierdie weermag het die ANC-Umkhonto we Sizwe geen kans gestaan nie en ook geen veldslag gewen nie.
  • Die vorige SA regering, veral onder oud-pres. PW Botha het sterk probeer om deur politieke “hervormings” by radikale en buitelandse eise aan te pas, maar in sy woorde: “Hoe meer hervorming ons deurvoer, hoe meer word ons verdoem. Hoe meer ons wegbeweeg van apartheid, des te woedender word die internasionale veldtog teen ons…”
  • Natuurlik was alles in die vorige bedeling nie maanskyn en rose nie en het daar ook slegte dinge gebeur. Die punt is egter dat daar in die vorige bedeling, onder die vorige landsvlag, veel was wat goed was en waarin die Afrikaner die leidende rol gespeel en die oorwig van die las gedra het.
  • Trouens onder die vorige landsvlag was daar baie om op trots te wees, inderdaad soveel so dat hierdie vlag integraal en simbolies deel van die DNA en van die kultuurerfenis van die regsinnige Afrikaner geword het.

Die huidige landsvlag:

i6rhys1w.jpg

  • Onder die huidige landsvlag het in 1994 'n Grondwet en staatkundige bedeling in werking getree waarin God-Drieënig as die Albeskikker geïgnoreer en buite orde gestel is en dit aan die mens as die skepsel oorgelaat is om self sy heil uit te werk. Met die bewindsaanvaarding van die ANC het hierdie sekulêre en voorheen terroristiese organisasie in effek die hoogste gesag geword – met wat later geblyk het uiters rampspoedige gevolge te wees.
  • Die aanvanklike euforie van die kunsmatige samevoeging van die SA bevolkingsverskeidenheid het spoedig plek gemaak vir ontnugtering met die eensydige en eskalerende bevoordeling van slegs die regeringselite oftewel kaderbegunstiging. Dit het begin met massiewe korrupsie van die sg. wapenskandaal – voorspel tot die voorheen ondenkbare hoofstukke van staatskaping wat sou volg met Eskom, Transnet, OBK, SAID en andere en wat behels het die blatante uitverkoop van SA en sy burgers aan buitelandse rampokkers in ruil vir persoonlike wins.
  • Onder die ANC-bewind het nepotisme, korrupsie en onbevoegdheid hande gevat om alle staatsondernemings te laat verval in verliese van miljarde rand, is feitlik alle munisipaliteite in die land geplunder tot leë doppe en wanfunksionaliteit en het voorheen trotse dorpe en stede gekrepeer tot vuil lokasies. Die geldvloei van die staatskas het via staatsdepartemente, provinsiale regerings en die nasionale Tesourie in der mate agteruitgeboer dat dit tans permanent in die rooi loop.
  • As voorbeeld op provinsiale vlak toon 'n verslag van die Instituut vir Rasseverhoudinge hoe die Vrystaat as provinsie onder premierskap van Ace Magashule verskroeide aarde gemaak is – meeste geld in gekaapte projekte, hoogste werkloosheid, minste beleggings van buite, grootste tekort aan HOP-huise, swakste munisipaliteite en laagste lewensverwagting.
  • Die nasionale ekonomiese groeikoers het gekrimp tot 0,9 %, werkloosheid het oorhand toegeneem tot na prakties raming meer as 50% gemiddeld en op plekke selfs meer as 90% en die aantal afhanklikes van staatstoelaes het opgeskiet tot sowat 17 miljoen – meer as die aantal belastingbetalers.
  • 'n Sleutelkomponent in die nuwe bedeling is die eskalerende implementering van sg. regstellende aksie en SEB om die swart meerderheid teen die blanke minderheid te beskerm – meer neo-apartheid op die wetboek as ooit voorheen – met rampspoedige gevolge vir die land i.t.v. vaardighede, entrepreneurskap en produktiwiteit.
  • Op onderwysvlak het rampspoedige leerplanne en grootlikse wegdoen met moedertaalonderrig daartoe gelei dat slegs sowat 30% van graad 1 leerders uiteindelik Matriek maak en dat van laasgenoemde minder as 1% 'n universiteitsgraad behaal. Met die wegdoen van lyfstraf en behoorlike dissipline het skoolterreine in talle gevalle slagvelde vir geweld, dwelms en swangerskappe geword. Daarby volgens die Nasionale Raad vir Mense met Gestremdhede (NCPD) gaan minstens 500 000 gestremde leerlinge glad nie skooltoe nie.
  • Op mediese en gesondheidsgebied is dit ellende in staathospitale en klinieke, met talle wat al eenvoudig gesluit moes word. Pasiënte moet daagliks in lang toue sit en wag om dalk êrens gehelp te word. Een voorbeeld van die situasie: 'n Onlangse besoeker aan die eens trotse Baragwanath Hospitaal sien toevallig duisende nuwe hospitaalbeddens onbenut opgestapel op 'n oop perseel – dit terwyl honderde selfs duisende pasiënte in staatshospitale in Gauteng en elders op matrasse op vloere moet lê.
  • Die tragiese gevolg is dat plakkerskampe oral soos paddastoele opskiet en dat dit oorhand uitbrei, met haglike sosio-ekonomiese gevolge en 'n swart en bruin jeugmassa in die land wat óf halfopgelei óf onopgeleid is vir enige betekenisvolle werk. Dit lei weer tot desperate sg. diensleweringsbetogings, wat as net een enkele voorbeeld in Pretoria ontaard het in betogers wat die kerk van die Hervormde Gemeente Wesmoot geplunder het, loodglasvensters uitgegooi, kerkbanke omgegooi en boeke en Bybels rondgestrooi het.
  • Misdaad in die land vier hoogty en in 2018 is volgens SAPD-syfers 20 336 mense vermoor oftewel gemiddeld 57 per dag. Word gelet op die praktyk, dan blyk dit dat in gevalle van moorde op blankes, dit feitlik 99% swart op wit is, met slegs enkele gevalle waar swartes die lewe laat a.g.v. blankes. Dit geld veral die onophoudelike stroom plaasaanvalle en –moorde die afgelope 25 jaar – net vir vanjaar volgens statistiek van ToekomsVonk was daar in SA van 1 Januarie tot 30 April 162 plaasaanvalle en 16 plaasmoorde - wat beteken ʼn plaasaanval elke dag en ʼn plaasmoord elke 7,5 dae.
  • Hierdie totale situasie het gekulmineer in internasionale afgradering van Suid-Afrika na amptelik rommelstatus - en dit alles onder die huidige landsvlag. Die rekord in hierdie verband spreek dus vanself.

 Onder die Kommunistiese vlag:

nfrunygi.jpg

  • Onder die hamer-en-sekel is van die grootste en onmenslikste menseslagtings in die geskiedenis van die wêreld gepleeg en het in Rusland en China onder Kommunistiese rewolusies konserwatief beraam meer as 100 miljoen mense omgekom. Behalwe vir die lewensverlies, was menslike lyding onbeskryflik, terwyl lande letterlik verwoes is.
  • Hoewel beraamde getalle van navorsers wissel, word in die gesaghebbende en internasionaal-erkende boek The Black Book of Communism: Crimes, Terror, Repression deur Stéphane Cotois en ander Europese akademici, die volgende sterfte onder Kommunistiese diktatuur gelys: China 65 miljoen, die Sowjet-unie 20 miljoen, Kambodja 2 miljoen, Noord-Korea 2 miljoen, Ethiopië 1,7 miljoen, Afganistan 1,5 miljoen, Oos-Europa 1 miljoen, Viëtnam 1 miljoen, Latyns-Amerika 150 000 en in nog ander lande 10 000 plus nog ongenoemdes.
  • Sterftes onder Kommunisme was breedweg summiere teregstellings, massahongersnode, volksmoorde, ontberings in strafkampe, ens.
  • Vandag in China word Kommunistiese diktatuur sterker as ooit toegepas, met o.a. meedoënlose vervolging van die reeds ondergrondse maar snelgroeiende Christelike Kerk. In die gekolonialiseerde provinsie Xinjiang, in oppervlakte drie keer groter as Frankryk, word meer as 1 miljoen inheemse Uyghurs in konsentrasiekampe aangehou vir doeleindes van sg. heropvoeding. Te Hong Kong word nasionalistiesgesinde leiers lang tronkstrawwe opgelê deur die Chinese owerheid.
  • Wat Kommunistiese Noord-Korea betref, word in ‘n onlangse nuusbrief van Geopende Deure weereens gewys op die ergste vervolging van Christene ter wêreld, waar Christene en hul families tot selfs in die vierde geslag tereggestel word, maar desniteenstaande is daar steeds sowat 300 000 ondergrondse Christen-gelowiges in die land. Nagenoeg 50% van die bevolking van 25,5 miljoen is ondervoed.
  • Ongeag hierdie bloedige verhaal sonder presedent in die geskiedenis van die wêreld mag in SA die bose hamer-en-sekel vryelik wapper.

Teen hierdie agtergrond kan tot die volgende slotsom gekom word:

  • Wat opbouendheid betref, staan tussen die drie vlae die vorige landsvlag kop en skouers uit, trouens daar is eintlik nie 'n vergelyking nie.
  • Die vorige landsvlag is vir die Afrikaner as volk 'n eiendomlikheid wat gekoester en beskerm moet word.
  • Die huidige landsvlag is grondwetlik tans die amptelike vlag, wat as sulks vireers erken en gerespekteer moet word.
  • Gegee die geskiedenisse van die drie vlae, kom dit neer op gruwelike dubbele standaarde om die vorige landsvlag te wil verbied, maar die hamer-en-sekel vryelik toe te laat.
  • Daar is ‘n bose verborge agenda agter die huidige dryf om die vorige landsvlag te kriminaliseer en derhalwe behoort dit met alle mag teengestaan te word.
  • Die aanslag teen die vorige landsvlag is inderwaarheid 'n aanslag teen die wese van die Afrikaner.
  • Die vertoon van die hamer-en-sekel behoort eintlik in enige vrye land gekriminaliseer te word.

Alle vorige ANC-presidente van die land, behalwe Motlanthe, het bande met Guptas gehad – Mandela, Mbeti, Zuma en Ramaphosa

In 'n tyd waarin in Suid-Afrika sentimente, retoriek en aksies teen die Afrikaner ongekende vlakke bereik – trouens dit wil voorkom of 'n onverklaarde burgeroorlog teen die Afrikaner deur die regering en bondgenote gevoer word – het die FAK sopas aangedui dat dit oor tyd 100 nuwe Afrikanermonumente landswyd gaan oprig. Dit is beslis 'n sterk uitwaartse stap ter bevestiging van die volkskap van die Afrikaner, van die inheemsheid van die Afrikaner in die land en van die feit dat SA die enigste vaderland van die Afrikaner is.

In 'n mediaverklaring sê die FAK: “Die lys van Afrikanerbouers, met bewese en uitnemende prestasies, is baie lank. Dit is bouers wie se nalatenskap die toets van tyd deurstaan het en positiewe vrugte dra. Daarom gaan die die FAK 100 nuwe Afrikaner-monumente bou waarmee ons aan die vergete bouers van ons verlede die erkenning wil gee wat hulle toekom.

“Dit word beplan om die monumente oor die volgende paar jaar op te rig. Vanjaar fokus ons veral op die Anglo-Boere-oorlog vanweë die 120ste herdenking van die uitbreek van die oorlog en is pas die Penkopmonument op die terrein naby Parys onthul ter nagedagtenis van sowat 2 400 seuns tussen die ouderdomme 6 en 16 jaar wat aan die oorlog deelgeneem het en gely het, talle waarvan ten koste van die hoogste tol.

Die volgende monument wat onthul word, is by Irene konsentrasiekamp op 12 Oktober vanjaar. Volgende jaar gaan ons 'n monument vir Afrikanerdogters oprig, langs die Penkopbeeld by Parys. Ons beplan ook monumente vir ons Afrikaner-sporthelde, -sakemanne, -digters, ens.

“Teen die plan van die FAK word teenkanting uit sekere oorde ervaar, aan die wortel waarvan lê die verwagting dat Afrikaners hulle taal, geskiedenis, kultuur en tradisies moet onderwerp aan die meedoënlose rassetransformasie wat op die samelewing afgedwing word. Vir die uniekheid van kultuurgemeenskappe en hulle verhale is daar in die inklusiwiteitsbeskouing geen plek nie.

“Selfs al skep die Grondwet ruimte vir diversiteit en kulturele identiteit, irriteer dit die eksponente van onverdraagsame inklusiwiteit grensloos. Hierdie onverdraag-saamheid is egter voorspelbaar, want daarvolgens moet geskiedenis slegs beoordeel word aan die hand van 'apartheid', want anders kan rassetransformasie nie geregverdig word nie.

“Afrikaners durf nie trots wees op die prestasies van hulle voorouers nie, word geredeneer, want 'apartheid' het dan al die goeie bouwerk en uitnemende prestasies van die verlede tot niks gemaak. Afrikaners mag nie kinders van konsentrasiekampe vereer sonder 'n rits polities korrekte voorwaardes nie.

Wanneer argumente opdroog, word die holruggeryde cliché dat Afrikaners na 'apartheid' terughunker, roekeloos rond-geslinger. Die slot is altyd dieselfde - wit mense word as sondebokke ontmasker en Afrikaner-organisasies wat nie gedienstig en skuldig die nek onder die juk van die meesterverhaal buig nie, word as rassiste verdoem.

“Laat dit vir eens en altyd duidelik gestel word: Die FAK glo aan 'n ruimteskeppende en medemenslike Suid-Afrika. Inklusiwiteit beteken vir die FAK om saam te werk aan sake van gemeenskaplike belang en saam te bou aan 'n beter toekoms vir al Suid-Afrika se kinders. Die FAK weier volstrek om swart rassisme met wit rassisme te beantwoord en glo dat die meerderheid wit, swart en bruin Suid-Afrikaners mekaar nie haat nie.

Inklusiwiteit beteken vir die FAK dat verdraagsame, ontspanne ruimtes geskep word waarbinne die veelvoud van kultuur-gemeenskappe in Suid-Afrika kan floreer. In 'n verdraagsame verstaan van inklusiwiteit is daar vryheid - vryheid om saam te werk en om self te doen. Dit is nie nodig om alles vir almal te probeer wees nie.

“Die FAK is ontspanne oor die feit dat daar verskillende perspektiewe op die geskiedenis is. 'n Verdraagsame inklusiwiteit soek balans tussen eenheid en verskeidenheid - balans wat bevorderlik is vir sosiale kohesie.

“Die FAK probeer nie met die bou van nuwe Afrikanermonumente iemand 'n punt bewys nie, kraak geen kultuurgroepe af nie, probeer niemand verneder, of ander se kulturele identiteit te misken nie. Niemand word gedwing, voorgesê of omgekoop om met die Afrikanermonumente te assosieer nie.

“ Die Afrikanermonumente word beplan op veilige plekke waar dit beskerm, bewaar en waardeer kan word. Dit word ook nie gebou met staatsgeld of belastinggeld nie, maar met die hulp van gewone Afrikaners wat vrywillig tot die FAK Geskiedenisfonds bydra.

“Dit is Afrikaners wat sê ons mag trots wees op wie ons is en op die bouwerk van ons voorouers. Dit is Afrikaners wat nie net monumente bou nie, maar ook toekomsgerigte organisasies, besighede, skole en 'n nuwe Afrikaanse universiteit ontwikkel.”

Om by te dra tot die FAK Geskiedenis-fonds, besoek www.fak.org.za/vat-ons-geskiedenis-terug.

Wat betref die polemiek in die media en op sosiale media rakende beweerde finansiële onreëlmatighede in die Orania Beweging, word Ditsem Nuus as Orania-gebaseerde koerant deur lesers om kommentaar gevra. Daarom kan ons die situasie nie ignoreer nie en lewer derhalwe soos volg kommentaar:

  • Eerstens dien daarop gewys te word dat die Orania Beweging en Orania twee verskillende Identiteite is, wat struktureel losstaan van mekaar. Die Orania Beweging met sy besondere geskiedenis funksioneer vandag met sy eie personeel en finansies as ʼn selfstandige promosieliggaam van Orania. Die dorp as sulks word besit en bestuur deur Vluytjeskraal Aandeleblok (VAB), wat as amptenary het die Orania Dorpsraad en wie se finansies afsonderlik staan van die Orania Beweging. Dan is daar nog die Orania Verteenwoordigende Raad (OVR) as oorkoepelende plaaslike owerheid oor Orania dorpsgronde plus verskillende aangrensende gebiede bekend as die Groter Oraniagebied. Dus is die Orania Beweging slegs ʼn kleiner eenheid binne die groter Orania-opset.
  • Tweedens, wat die beweringe rakende Orania Beweging betref, sê ons die volle finansiële prentjie moet openbaar word ter wille van volkome deursigtigheid. Sou daar negatiewe reperkussies uitkom, moet die reg sy gang gaan, sonder aansiens des persoons. Dit is al hoe die huidige polemiek te ruste gelê sal kan word.
  • Derdens, vir die rekord, Ditsem Nuus is ʼn onafhanklike koerant onder alleeneienaarskap sedert sy ontstaan in 2008 en het tans sy kantoor te Orania.

Dit lyk of MultiChoice/DStv-debakel vonk van nasionalisme by Afrikaners wakker gemaak het – sien musiekvideo 'Hoor jy die Stemme' in die verband

Die nuwe regulasies van die Gautengse Onderwysdepartement  wat bepaal waar leerlinge aanstaande jaar d.m.v. ʼn aanlynproses geplaas kan word ongeag taal of voorkeur, was duidelik ʼn poging deur LUR Panyaza Lesufi, bekende anti-Afrikaanse aktivis, om Afrikaanse skole in die provinsie nek om te draai. Die nuwe regulasies vir die inskrywing van leerders vir aanstaande jaar, geskeduleer om op 13 Mei te geopen het, stel taal glad nie meer as ʼn vereiste oor waar kinders ingeskryf mag word nie.

Die vereistes wat nou voorop gestel word, is o.m. die skool naaste aan die woonplek van die leerders en of daar reeds in 'n skool familielede van die leerders is wat aansoek doen. Die aanlynproses is anoniem en leerders wat aansoek doen, moet eenvoudig die uitslag van hul aansoek sonder voorbehoud aanvaar.

Leerders kan dus nie meer aansoek by 'n spesifieke skool doen nie, terwyl 'n skool gedwing kan word om voorsiening te maak vir onderrig in die taal van keuse van die nuwe leerders. Of daar plek in 'n skool is, sal ook nie meer noodwendig as 'n rede vir weiering kan geld nie.

Die VF Plus sê tereg in ʼn mediaverklaring: “Taal is nie meer ter sprake nie, en die voorskrifte is volgens die VF Plus ongrondwetlik aangesien dit enkelmediumskole duidelik sal dwing om leerders van ander tale te akkommodeer. Die geldigheid van hierdie regulasies sal in ʼn hof getoets moet word, aangesien dit geen ruimte laat vir enkelmedium-moedertaalonderrig nie.”

Die nuwe aansoekstelsel kan dus hoogs nadelig wees vir tradisionele Afrikaanse skole. Die wortel van die probleem is ooglopend tweeledig: Aan die een kant, het die Gautengse Dept. van Onderwys gefaal om genoeg nuwe skole en klaskamers te bou vir die ontploffende getalle leerders en nou word, in die tweede plek, die bal aangegee na hoogsfunksionele Afrikaanse skole om hoofsaaklik swart nuwe leerders te akkommodeer.

Weens 'n agterstand in instandhouding moet skole in Gauteng, soos ook in die res van die land, handel met verouderde en verslegtende skoolinfrastruktuur. Daarvan is die Driehoek-brugtragedie vroeër vanjaar in Vanderbijlpark sprekende 'n voorbeeld en ten opsigte waarvan Lesufi en sy departement strafregtelike aanklagte in die gesig staar.

Die Gauteng onderwysdepartement begroot jaarliks R1 miljard vir die opknapping en opgradering van openbare skole, maar die behoefte in hierdie verband in terme van geldwaarde, beloop alreeds ʼn massiewe R5 miljard. Volgens 'n ondersoek deur die Nasionale Raad van Provinsies (NRP) is daar jaarliks ’n toename van ongeveer 85 000 leerders in Gauteng , wat huidig 'n tekort van 142 nuwe skole meebring, waaronder 85 primêr en 57 sekondêr.

Hoe dit ook al sy, AfriForum en Fedsas het gesamentlik ernstig beswaar gemaak teen die nuwe aanlynregistrasiebeleid en dreig om dit hoftoe te neem, waarop Lesufi gedeeltelik toegegee het en die opening van die aanlynproses met 'n week uitgestel het. Vanoggend 20 Mei 2019 om 08:00 is die aanlynstelsel egter in werking gestel en het reeds meer as 250 000 Gr. 1 en Gr. 8 aansoeke plaasgevind.

Inmiddels het Lesufi gespog dat hy sy ideaal verwesenlik het “deur alle voor-1994 spore van apartheidskole uit te wis en dat dit nou net geïntegreerde en gelykgemaakte onderwys is wat geld.” Daarmee is moontlik die doodskoot gegee vir eens trotse Afrikaanse skole.

In nasionale verband kan volgens die Suid-Afrikaanse Instituut vir Rasseverhoudinge minstens 75% van skole in SA as wanfunksioneel beskou word en tot 80% van graad 4’s as funksioneel ongeletterd. Daar is wetenskaplik bevind dat ʼn meerderheid kinders uit SA staatskole nie op die vereiste opvoedkundige vlak is vir hul graad of ouderdom nie en dat dit hulle swak voorbereid laat vir tersiêre studie en die werksplek.

Die nuwe stelsel en beleid in Gauteng laat die rooiligte flikker vir onderwysowerhede in die res van die land, veral wat betref die voortbestaan van Afrikaanse skole. Derhalwe behoort sulke onregmatige en rampspoedige beleidsrigtings in die kiem gesmoor te word voordat onberekenbare skade aangerig word.

Plastiek het ’n bedreiging van epidemiese omvang in die wêreld se oseane geword en volgens wetenskaplikes van die Verenigde Nasies word na raming 100 miljoen ton plastiek in die see gestort wat seelewe ernstig benadeel, tot op diepste diepte van sowat 10 kilometer. SA lê 11de op die wêreldranglys van lande wat die oseane met plastiek besoedel.

Victor Vescovo, ’n afgetrede vlootoffisier en ontdekkingsreisiger van Texas, het onlangs met ’n miniduikboot amper 11 km (10 928 m) die diepste tot nog toe geduik –tot op die bodem van ’n punt in die Mariana-trog in die Stille Oseaan. Tydens sy ekspedisie is nuwe spesies ontdek maar ongelukkig ook afval produkte onder andere plastiek en metaal. Vescovo hoop om met sy ontdekking die bewusmaking te verskerp oor die storting van afval produkte in die oseane en vra dat die regerings moet ingryp deur bestaande regulasies daarteen te verskerp of nuwes in te stel.

Altesaam 80% van alle plastiek wat weggegooi word, beland in oseane en volgens die SA se departement van omgewingsake word minstens 267 verskillende spesies nadelig geraak weens verstrengeling of die inneem van mariene afval, dit sluit seevoëls, karetskilpaaie, robbe, walvisse en visspesies in. Die Ellen MacArthur-stigting voer aan dat ongeveer 8 miljoen ton plastiek elke jaar in die see beland en na raming 13 000 stukke plastiekafval in elke vierkante kilometer oseaan ronddryf. Sonder drastiese optrede sal daar in die toekoms meer plastiek as visse in die wêreld se oseane wees.

Bladsy 1 van 96
Go to top