► Verskoning gister geen Hooftrekke weens onvoorsiene omstandighede, vandag dubbel ► Afrikaner-gemeenskap ontstoke oor haatspraak van Panyaza Lesufi Gauteng LUR vir Onderwys teen Afrikaans, wat sê dit “gaan sy verstand te bowe dat daar stryd is in skole vir Afrikaans as daar nie meer een universiteit is wat Afrikaans as onderrigmedium het nie” ► In terreuraanval 20 Mei op plaas tussen Fochville en Westonaria deur agt gewapende aanvallers op pa (55) en dogter (17) is dogter herhaaldelik verkrag ► Nog terreuraanvalle op plase: ► 21 Mei by Louis-Trichardt, Limpopo, Annette Kennealy voormalige DA raadslid vermoor in haar plaashuis aangetref ► 19 Mei by Addo, Oos-Kaap, vroulike plaaswerker deur twee gewapende aanvallers met messe gesteek, kontant geroof ► 17 Mei by De Doorns, Wes-Kaap, vyf gewapende aanvallers oorval bejaarde egpaar laataand in hul huis , beroof, geen verder besonderhede tans beskikbaar nie ► 87-jarige man in Tshwane in Distrikhospitaal erg aangerand deur personeel toe hy hulle aanspreek omdat hulle hom in Zoeloe en Tswana spot ► Pretoria Hooggeregshof gee uitspraak dat bevinding van OB Busisiwe Mkhwebane in saak van Estina-suiwelprojek by Vrede in Vrystaat so swak is dat dit tersyde gestel word ► Geweldige uittog van voorste SA rugbyspelers na klubs in die buiteland Engeland, Europa, Japan en VSA, o.a. Bulle-kaptein en Springbok-losskakel Handré Pollard ► Berigte dat hongersnood dreig in Zimbabwe a.g.v. droogte en lae vlak van Karibadam, sowat 3 miljoen mense benodig voedselhulp en beurtkrag word toegepas ►

Wonderbaarlike massabekerings in China

ʼn Pulitzer-pryswenner en skrywer van die boek The Souls of China: The Return of Religion after Mao, Ian Johnson, glo dat wat tans in China plaasvind, niks minder is as “een van die grootste geestelike herlewings in die wêreld” nie. Hy sê: “Mense in China is op soek na ‘n nuwe morele kompas vir die samelewing.” Johnson het ses jaar lank die “waardes en gelowe van moderne China” ondersoek en bevind dat die dryfveer van hierdie “godsdiensrevolusie” is ongeregistreerde kerke of sg. huis- of ondergrondse kerke, wat verbasend goed georganiseer is. Dit het daartoe gelei dat die getal Protestantse Christene in China van ongeveer 1 miljoen tot die huidige 60 miljoen toegeneem het. CBN News het ook hierdie ongekende herlewing gedokumenteer en bevind dat van die platteland tot die groot stede is daar ‘n nuwe geslag gelowiges wat die aangesig van die Christendom verander. In sommige gevalle raak hierdie herlewing selfs China se staatsbeheerde kerke wat bekend staan as die Drie-Self-Kerk. 'n Getuienis deur die Amerikaanse sendingpastoor Wayne Cordeiro oor die verstommende toegewydheid van Chinese Christene kan gesien word op die kort videogreep hieronder. Sien ook op die tweede videogreep met watter waardering Chinese Christene 'n eerste eie Bybel bejeën. Bekyk die videogrepe hier: Video 1 en Video 2

Gradeer die artikel
(0 stemme)

Lewer kommentaar

Vul al die vereiste velde in (*)

Go to top