► “’n Monument van grootskaalse korrupsie” is hoe Noord-Kaapse premier dr. Zamani Saul nuwe psigiatriese hospitaal in Kimberley geopen het 13 jaar nadat konstruksie begin is @ R290 miljoen, maar nou eers voltooi is teen R2 miljard ►Appèlhof handhaaf beslissing van Noord-Gauteng hooggeregshof dat Cash Paymaster Services (CPS) R316 miljoen aan Sassa moet terugbetaal ►Transnet toon wins van R6 miljard vir finansiële jaar 2018/19; eerste staatsonderneming in baie lank tyd wat wins toon ►Plaasterreur 30 September, Malmesbury, twee aanvallers in plaashuis, huiseienaar skiet een dood ►Groot dele van die land vanaf Limpopo tot in die Wes-Kaap ondervind erge droogtetoestand met minder as 50% van die gemiddelde reënval in 2018/19 seisoen – sien by hierdie skakel hoe in Steytlerville-distrik droogte ervaar word; aan die ander kant sien by hierdie video hoe gejuig word oor goeie reën in distrik Beaufort-Wes ►Kampioen Boran stoetbul genaamd Mr. Million, gekoop vir R1 miljoen, se hakskeensenings deur veediewe op plaas by Brits afgekap, moes vankant gemaak word ►Intensiewe driedaagse-kursus oor in- en uitvoer en internasionale handel aangebied te Midrand, Kaapstad en Durban, kontak Ronell 073 291 0450 of events@norcaz.biz►

Op hierdie stadium is die Noord-Kaap die provinsie in die land met die meeste sonkragaanlegte – 17 in totaal. Dit verteenwoordig 100% van die gekonsentreerde sonkragaanlegte in die land en 65% van die son PV-aanlegte en dra 72,5% oftewel 2 112 MW by van die 2 992 MW sonkrag wat in die land opgewek word. Hoewel Eskom tans ‘n moratorium geplaas het op verdere groenkragopwekking het die Dept van Energie 13 225 MW geoormerk om teen 2025 tot die nasionale netwerk bygedra te word.

Donald Trump is enkele ure weg daarvan om as 45ste president van die VSA ingehuldig te word, maar rondom hom woed nasionale sowel as internasionale storms soos waarskynlik nooit tevore in die Amerikaanse geskiedenis nie.

Behalwe vir die politieke teenkanting en betogings teen sy inhuldiging, moes Trump die afgelope week ‘n geweldige propaganda-aanslag van die Nuwe Wêreldorde en hul media, soos CNN, afweer, wat hom beskuldig het van sameswering met die Russiese regering en van seksuele eskapades. Hierdie aanslag het egter gesneuwel omdat geen tasbare feite op die tafel geplaas kon word nie.

Erger as hierdie teenstand is egter die feitelike berigte dat die Amerikaanse veiligheidsdienste ontsettend versplinter is, met o.a. die CIA wat in drie magtige faksies verdeel is en wat mekaar in die praktyk dikwels opponeer. Daarby is daar dikwels geen samewerking met die Pentagon / Dept van Verdediging en die Homeland Security departement nie en ook dikwels veg hulle teen mekaar soos wat die geval in Sirië was en steeds is, asook in ander wêrelddele. Die werklike verhaal is ‘n riller om te lees, maar hierdie skakel verskaf ietwat meer besonderhede.

Nog ‘n mega storm waarna die nuwe Trump-administrasie sal moet handel, is die nuwe Amerikaanse weermagsbegroting wat Republikeinse senator John McCain ten bedrag van $640 miljard pas ingedien het - $54 miljard meer as wat die Obama-administrasie beplan het. Daar word gesê dat die VSA nodig het om sy verdediging op te gradeer, maar dan word gevra of dit werklik nodig is teen hierdie duiselingwekkende bedrag, veral gegee die bestaande astronomiese skuldlas van die Amerikaanse regering. 

http://beforeitsnews.com/r2/?url=http://themillenniumreport.com/2017/01/exposed-cia-the-swamp-monsters/

Terwyl daar in SA ‘n groot mate van welwillendheid tussen swart, wit en bruin is, is daar ook ‘n sterk dryf om die blanke te kriminaliseer, te marginaliseer en eintlik uit die land te verwyder. Dit is die lank en die kort van die politieke gebeure en nuus in die land tot dusver vanjaar.

Op die voorpunt is die ANC gelei deur pres. Jacob Zuma en saam met hom die EFF onder Malema. Kyk en luister gerus na TV-kanaal 405 van ANN7 en ervaar eerstehands hoe die vlamme van haat aangeblaas word. Dit word gerugsteun deur feitlik alle staatsaksies, wetgewing en begrotings met belastingbetalergeld.

Deel van die aanslag is bv. die keel van ‘n blanke boervrou in ‘n rolstoel wat afgesny word en waarna feitlik geen haan kraai nie, maar as ‘n swart vrou agter op ‘n bakkie met tralies vervoer word, dan word ‘n kabaal van haatspraak opgeskop. Die terrorisme met die Wes-Kaapse brande, eintlik gemik op die DA-beheerde Wes-Kaap met sy groeiende blanke bevolking, is nog ‘n voorbeeld.

Dit kom neer op niks minder as ‘n onverklaarde burgeroorlog teen die blankes van die land nie, in besonder teen Afrikaners.

Die groot vraag is, wat gaan laasgenoemde daaromtrent doen? Gaan ons wol oor ons oë trek en hoop vir beter dae, of het die tyd aangebreek vir terugveg – op elke lewensterrein insluitende polities en selfs militêr?

Natuurlik berus die lot van die land in die hand van God, maar soos Cromwell eeue gelede vir die Engelse gesê het: “Put your trust in God and keep your powder dry.”  

Beskrywing per WhatsApp ontvang:

 

Aan die suidpunt van Afrika bly daar ’n spesiale klomp mense. Al tel hulle onder minder as 8% van die land se bevolking, is hierdie mense besonder merkwaardig:

Só merkwaardig dat die ANC-meerderheidsregering amper daagliks wette moet skep of wysig om hierdie klein minderheidsgroepie te kriminaliseer, te marginaliseer en te penaliseer;

Só merkwaardig dat hul sonder parlement, polisie, stemkrag en staatshulp elke dag aan ’n toekoms voortbou omdat hul glo dat God hulle hier geplaas het met ’n spesifieke doel en roeping; en

Só merkwaardig dat hul vir bykans vier eeue hier oorleef – geboelie deur die magtige Brittanje, die Groot Depressie, die onregverdige ANC en barbaarse plaasaanvalle.

Die omstandighede waarin hierdie mense leef, is ontwerp om hulle te vernietig, maar hulle word net sterker en sterker, en hul geloof in God net groter.

Hulle eet biltong en beskuit, drink moerkoffie en gaan Sondae kerk toe. Hulle sing “Ou ryperd” en hou vakansie by die see; hulle hou van braai (met mieliepap of patats); hulle help mekaar en hulle help graag ook ander.

Hulle is trotse Afrikaners – en ek is ook een!

Daar is gister op ‘n mediakonferensie bekendgemaak dat die bekende staatsaanklaer by die Nasionale Vervolgingsgesag (NVG), adv. Gerrie Nel, met 24 uur kennisgewing bedank het en by AfriForum aangesluit het waar hy ‘n nuwe private vervolgingseenheid op die been gaan bring. Nel, wat bekendstaan as “die bulhond” vanweë suksesvolle vervolgings in verskeie hoëprofielsake, sê dat daar geen politieke oogmerke is met sy skuif nie, maar dat sy nuwe eenheid binne wetlike riglyne gaan fokus op sake waarin die NVG besluit het om nie te vervolg nie. Kallie Kriel, uitvoerende hoof van AfriForum, sê: “Korrupte mense moet weet niemand is bo die reg verhewe nie – selfs nie die land se president nie.” Die nuus van Nel se aansluiting by AfriForum het skokgolwe deur die radikale swart politieke spektrum gestuur en word dit volgens kommentaar as ‘n groot bedreiging gesien. 

Veral twee wetsontwerpe bedreig vryheid van die gewone burger in SA soos nooit tevore nie, nl. die Wetsontwerp op Haatspraak en die Wetsontwerp op Kubermisdade en –sekuriteit. Dit is veral eersgenoemde wetsontwerp wat ‘n ongekende gevaar vir godsdiensvryheid inhou in die sin dat die definisie van haatspraak so wyd is dat dit bv. ‘n uitlating deur iemand dat volgens die Bybel homoseksualisme verkeerd is, dit as haatspraak geklassifiseer en gekriminaliseer kan word met selfs tronkstraf in geval van skuldigbevinding.  

Die wetsontwerp tas godsdiensvryheid soos in die SA Grondwet verskans, wesentlik aan. Dit is benewens die ooglopende agterliggende verdere doel van die Wetsontwerp om kritiek van blankes teenoor swart mense as haatspraak te klassifiseer. Openbare kommentaar en besware kon gelewer word tot en met 31 Januarie 2017 en vir doeleindes daarvan kan gerus www.forsa.org.za besoek word.

Die wetsontwerp op kubermisdaad en-sekuriteit beoog om “kwaadwillige kommunikasie soos ‘n data-boodskap waarvan die verspreiding skade kan aanhits of veroorsaak aan ‘n persoon of groep of sy / hul eiendom wat sonder die betrokke persoon of groep se toestemming aanlyn versprei word. Weereens is die formulering baie wyd en dus oop vir skadelike subjektiewe vertolking en toepassing. Vir meer besonderhede besoek www.justice.gov.za

AfriForum en die SA Polisiediens (SAPD) het verlede maand ʼn geskiedkundige en betekenisvolle samewerkingsooreenkoms onderteken met die doel om misdaad te bekamp en gemeenskappe meer betrokke te kry by die voorkoming van misdaad. Die waarnemende nasionale Polisiekommissaris, lt.genl. Khomotso Phahlane, het die memorandum namens die SAPD onderteken en Ian Cameron, AfriForum hoof van Gemeenskapsveiligheid namens AfriForum. Kragtens die ooreenkoms onderneem die partye om mekaar wanneer nodig en waar toepaslik behulpsaam te wees, om met mekaar te skakel oor hoe AfriForum sy aktiwiteite met die strategiese doelwitte van die SAPD kan belyn en om te verseker dat inligting deur die AfriForum-strukture verkry, wat die SAPD behulpsaam kan wees om misdaad te bestry, gedeel word. In die praktyk behaal die AfriForum-buurtwagstelsel dwarsdeur die land groot sukses en word dit as ‘n deurbraak beskou dat die SAPD onder lt.genl. Phahlane, formeel daaraan gekoppel word.

Sedert pres. Jacob Zuma met die ASNC 105-jarige viering in Soweto op 8 Januarie aangekondig het dat die ANC deur die regering vanjaar radikale ekonomiese transformasie gaan versnel deur die aanvaarding en toepassing van die Wetsontwerp op Onteiening, is daar opvallende angstigheid onder talle swartmense dat die tyd vir grondgryp en uitdrywing van blankes uit die hoofstroom ekonomie aangebreek het. Zuma het sy aandrang herhaal by ‘n verdere ANC-viering te Burgersfort, Limpopo, op 22 Januarie en bygevoeg: “Die ANC is aan die mense se kant en God aan die ANC se kant. Ons kan nie verloor nie.” Wat duidelik hierdeur aangeblaas word, is ‘n haatveldtog teen blankes en in effek propagering van die beweerde regverdiging vir ‘n burgeroorlog.

Dit is ongelooflik om te ervaar hoe DStv kanaal 405 van ANN7 wat onder eienaarskap van die veelbesproke Gupta-familie is, feitlik 24/7 haatspraak teen blankes pomp. In nuus en kommentaar word voortdurend gewys op die sg. immoraliteit van “white monopolistic capitalism” wat die rede sou wees vir die verontregting van swart mense in die land ook veral oor die afgelope 22 jaar. Dit word uitgesaai aan die hand van onderhoude wat TV-aanbieder Sindy Mabe met paneellede voer en waar ‘n paneellid dikwels tot 15 minute per spreekbeurt kry om erge haatspraak teen blankes uit te rammel, soos dat swart mense onmiddellik grond en eiendom van blankes moet oorneem sonder vergoeding en die blankes uit die land verdryf. Een van die paneellede wat gereeld gebruik word, is die verbete swart aktivis Andile Mngxitana, wat deur en deur kwalifiseer om vir haatspraak aangekla te word. 

In SA en in die VSA word tans ‘n hernude veldtog teen aborsies van stapel gestuur, met plaaslik die Christian Action Network wat daarop wys dat aborsie-op-aanvraag op 1 Februarie 1979 in SA gewettig is en dat die afgelope 20 jaar ‘n geskatte 1 400 000 babas geaborteer is. Dit is slegs wettige aborsies, met belastingbetalergeld en dek nie die groot aantal onwettige aborsies nie. In die VSA word die 44ste viering van die berugte Roe vs. Wade hofsaak herdenk waardeur aborsies gewettig is. Vise-president Mike Pence het ‘n skare van meer as 500 000 Pro Life ondersteuners toegespreek, terwyl pres. Donald Trump getwiet het: “To all of you marching – you have my full support.” In SA word gedurende Februarie ‘n hele program in verskillende stede van stapel gestuur teen aborsies – vir meer besonderhede besoek www.christianaction.org.za.  

In SA en in die VSA word tans ‘n hernude veldtog teen aborsies van stapel gestuur, met plaaslik die Christian Action Network wat daarop wys dat aborsie-op-aanvraag op 1 Februarie 1979 in SA gewettig is en dat die afgelope 20 jaar ‘n geskatte 1 400 000 babas geaborteer is. Dit is slegs wettige aborsies, met belastingbetalergeld en dek nie die groot aantal onwettige aborsies nie. In die VSA word die 44ste viering van die berugte Roe vs. Wade hofsaak herdenk waardeur aborsies gewettig is. Vise-president Mike Pence het ‘n skare van meer as 500 000 Pro Life ondersteuners toegespreek, terwyl pres. Donald Trump getwiet het: “To all of you marching – you have my full support.” In SA word gedurende Februarie ‘n hele program in verskillende stede van stapel gestuur teen aborsies – vir meer besonderhede besoek www.christianaction.org.za.  

AfriForum het die Openbare Beskermer Busisiwe Mkhwebane versoek om die leefstyl van die omstrede president van die ANC Jeugliga Collen Maine te ondersoek nadat dit an die lig gekom het dat hy in 2015 glo hulp van die Guptas ontvang het om ‘n spogwoning ter waarde van meer as R5 miljoen in die gesoekte Woodhill-landgoed in Pretoria te koop. Na bewering beloop die huisverband van Maine, ‘n stoere Zuma-ondersteuner, sowat R140 000 per maand, terwyl hy glo net tussen R30 000 en R50 000 per maand verdien.

AfriForum het die Openbare Beskermer Busisiwe Mkhwebane versoek om die leefstyl van die omstrede president van die ANC Jeugliga Collen Maine te ondersoek nadat dit an die lig gekom het dat hy in 2015 glo hulp van die Guptas ontvang het om ‘n spogwoning ter waarde van meer as R5 miljoen in die gesoekte Woodhill-landgoed in Pretoria te koop. Na bewering beloop die huisverband van Maine, ‘n stoere Zuma-ondersteuner, sowat R140 000 per maand, terwyl hy glo net tussen R30 000 en R50 000 per maand verdien

Drie feeste vind vanjaar binne die volgende twee maande in sentraal SA plaas: Eerstens, die Hopetown Landbouskou 16-18 Februarie te Hopetown (tel. 082 550 5130); tweedens die Quennafees te Gariepdam 24-26 Februarie (tel. 071 8975 995) en die Karoofees te De Aar 23-25 Maart (tel. 071 689 0938).

Die 2017 Majubafees word vanaf 24-26 Februarie aangebied aan die voet van Majuba net buite Volksrust. Dit is die 33ste agtereenvolgende jaar wat die Slag van Majuba van 27 Februarie 1881 op ‘n besondere wyse herdenk word. Die fees in sy huidige formaat het in 1985 begin en dit is nou reeds ’n instelling vir Afrikaners om jaarliks op Majubadag, 27 Februarie, of die naaste naweek daarvoor of daarna die oorwinning van die Boere te herdenk. Groot moeite word gedoen met die spesiale program wat oor die drie dae strek – vir meer besonderhede besoek www.apa.ac.za of skakel Claudia Beyers by 072 528 9655 of epos Hierdie e-posadres word van Spambotte beskerm. Jy moet JavaScript ontsper om dit te lees..">Hierdie e-posadres word van Spambotte beskerm. Jy moet JavaScript ontsper om dit te lees..

Na berig word, is Vodacom van plan om aandele ter waarde van sowat R15 miljard van die Openbare Beleggingskorporasie (OBK) oor te koop en dit in ‘n afsonderlike swart bemagtigingsmaatskappy te noteer. Vodacom wil blykbaar ‘n gedeelte van die belang van die OBK van 12,4% in homself terugkoop en word onderhandelinge daaroor tans gevoer. Indien die transaksie realiseer, kan dit een van die grootste SEB-transaksies nóg in SA wees. Die markwaarde van Vodacom op die JSE word op sowat R225 miljard geraam. Verlede jaar het MTN ‘n SEB transaksie geloods ter waarde van R9,9 miljard. In reaksie op die jongste Vodacom-aankondiging, sê Solidariteit dit het ʼn skrywe aan Vodacom gerig waarin meer duidelikheid gevra word oor die voorgenome transaksie, een van die grootstes van sy soort in die SA geskiedenis en wys dan daarop dat Vodacom reeds in 2008 ʼn SEB-transaksie ten bedrae van R7,5 miljard aangegaan het t.b.v. YeboYethu Limited. Volgens Solidariteit “sluit hierdie tipe transaksies klaarblyklik persone wat nie as swart geklassifiseer word nie, uit sekere SEB-aandeleskemas uit en dit kan met die oneweredige toekenning van aandele volgens ras in werknemersaandeleskemas (ESOPs) gepaard gaan - iets waaroor Solidariteit bekommerd is.”

Na berig word, is Vodacom van plan om aandele ter waarde van sowat R15 miljard van die Openbare Beleggingskorporasie (OBK) oor te koop en dit in ‘n afsonderlike swart bemagtigingsmaatskappy te noteer. Vodacom wil blykbaar ‘n gedeelte van die belang van die OBK van 12,4% in homself terugkoop en word onderhandelinge daaroor tans gevoer. Indien die transaksie realiseer, kan dit een van die grootste SEB-transaksies nóg in SA wees. Die markwaarde van Vodacom op die JSE word op sowat R225 miljard geraam. Verlede jaar het MTN ‘n SEB transaksie geloods ter waarde van R9,9 miljard. In reaksie op die jongste Vodacom-aankondiging, sê Solidariteit dit het ʼn skrywe aan Vodacom gerig waarin meer duidelikheid gevra word oor die voorgenome transaksie, een van die grootstes van sy soort in die SA geskiedenis en wys dan daarop dat Vodacom reeds in 2008 ʼn SEB-transaksie ten bedrae van R7,5 miljard aangegaan het t.b.v. YeboYethu Limited. Volgens Solidariteit “sluit hierdie tipe transaksies klaarblyklik persone wat nie as swart geklassifiseer word nie, uit sekere SEB-aandeleskemas uit en dit kan met die oneweredige toekenning van aandele volgens ras in werknemersaandeleskemas (ESOPs) gepaard gaan - iets waaroor Solidariteit bekommerd is.”

‘n Stryd woed tans oor beplande uraanontginning in die Karoo in ‘n streek tussen Beaufort-Wes en Rietbron wat sdeur skaap- en sybokhaarboerdery gekenmerk word. Van die grootste besware is dat die Australiese maatskappy Peninsula Energy nie behoorlike omgewingsimpakstudies en ‘n openbare deelnameproses gedoen het nie en dat uraanontginning skadelike radio-aktiewe materiaal kan vrystel vir mens, dier en omgewing. Reeds in die sestigerjare is Uraan in die Karoo deur die oliemaatskappy Soekor ontdek, maar daar is nog nooit tot ontginning oorgegaan nie. Verskeie belanghebbende instansies vanaf Agri Oos-Kaap tot Earth Life Africa staan die voorgenome ontginning teen in ‘n aansoek in die Kaapstadse Hooggeregshof, wat vandeesmaand verhoor sal word.  

Bladsy 91 van 96
Go to top