► Gister 16 Junie is Jeugdag amptelik in SA gevier ter herdenking van die Sharpville-opstand in 1960, maar dit is ook die herdenking van 16 Junie 1900 toe Lord Roberts proklamasie onderteken het vir inwerkingstelling van beleid van verskroeide aarde wat tot die lyding en dood van sowat 30 000 Boervroue, -kinders en bejaarde mans gelei het – kyk hierdie video ► Vir presies hoe die Anglo-Boere-oorlog 1899 – 1902 verloop het en hoe die Britse oormag die lyding van vroue en kinders misbruik het om die Boerekrygers tot oorgawe te dwing, volg hierdie skakel ► Ambassadeur vir SA in Denemarke Zindzi Mandela skel SA blanke burgers op Twitter uit vir “cowards” en “land thieves” en sê dr. Chris Barnard “learned the basics of heart surgery from his black gardener” ► AfriForum vra Minister van Internasionale Betrekkinge en Samewerkinge Naledi Pandor om Zindzi Mandela onmiddellik terug te roep en af te dank ► Furore oor Twitter-geskel van Zindzi Mandela omdat sy veronderstel is om alle Suid-Afrikaners te dien en sy betaal word met belastinggeld van alle Suid-Afrikaners ► Volgens konsepwetgewing tans voor Parlement Broad Based Black Economic Empowerment Amendment Bill word begunstiging van blanke vroue uitgehaal omdat hulle in die praktyk van die sg. benadeelde groepe die vinnigste in die SA ekonomie vorder – volg hierdie skakel vir meer besonderhede ► Met spanning in Midde-Ooste rondom Iran skiet goudprys op na $1 350/ons, hoogste in 14 maande ► Vakunie Association of Mineworkers and Construction Union (AMCU) kondig aan dat dit met onderhandelinge vir lone in platinumbedryf later vandeesmaand gaan vra vir basiese salaris van R17 000; AMCU verteenwoordig sowat 60 000 lede ► Berig dat SABC slegs salarisse betaal en nie meer enige diensteheffings aan Stad van Johannesburg en City Power betaal nie, vraag of SAUK volgende maand nog in bedryf sal wees ► Vragmotorbestuurder Bernard Groenewald wat by Touwsrivier so deur aanvallers met brandbomme bestook is, is in hospitaal aan sy wonde oorlede ► Die Voortrekkers o.l.v. dr. Danie Langner onthul op plaas naby Parys nuwe standbeeld van Die Penkop tesame met twee borde met name van 2 466 seuns tussen ses en 16 jaar wat dié oorlog oorleef het ► EPR veiligheidsbeampte, Christo Myburgh, te Krugersdorp oorval op perseel deur drie gewapende aanvallers vermoedelik zamas zamas en drie keer geskiet ► Vind by hierdie skakel passievolle pleidooi vir moedertaalonderrig, ook in Afrikaans, deur Johnell Pelser op sosiale media ►

Wat gaan vir wat in wêreldpolitiek

Die wêreldpolitiek oor die algemeen is op sy beste verwarrend met baie grys areas, sodat 'n mens nie altyd weet wat gaan vir wat en wie is aan die “regte” kant en wie nie. Ons beskeie siening is basies dat die sterkste menslike faktor in die wêreldpolitiek, naas nasionalisme, is die Illuminati oftewel Nuwe Wêreldorde (NWO). Dié bestaan uit 'n gekoördineerde ekonomiese en finansiële mag, in die hande van die Bose, wat as mikpunt het wêreldoorheersing en gerekenariseerde beheer oor die ganse mensdom. Om dit te bereik, manipuleer hulle sover hulle kan elke politieke en ander mag en is in die proses gewetenloos – oorloë, hongersnood, ekonomiese ellende, selfs siektes, is bloot instrumente wat hulle gebruik. Die NWO is hoofsaaklik in die Westerse wêreld gesetel en het selfs al bv. instansies soos die Amerikaanse en Britse geheime dienste sodanig geïnfiltreer dat hulle dit grootliks beheer. Vandaar dat huidige berigte sin maak dat die CIA van Amerika tot 95% van terroristiese aanslae in die wêreld orkestreer en dat die NWU 'n skakel het met die Britse skakelmaatskappy BellPottinger wat glo namens die ANC die rassistiese aanvalle op blankes in SA stook. Een van die staatslui in die wêreld wat moontlik nie inpas by die NWO agenda nie, is pres. Vladimir Putin van Rusland. Die NWO-geïnfiltreerde Amerikaanse regering het die afgelope ses jaar verskeie stabiele, Westersgesinde diktature in die Midde-Ooste, soos Tunisië, Egipte en Libië, omver laat werp en hulle in onstabiliteit of chaos laat verval. Hulle het hard probeer om dit met Sirië ook reg te kry, maar pres. Al-Assad het vasgeskop en 'n bloedige burgeroorlog teen Moslem-militantes was die gevolg. Rusland het met sy lugmag ingegryp en die skaal in die guns van die Siriese regering geswaai. In die proses is ISIS in Irak en in 'n deel van Turkye 'n nekslag toegedien. Toe kom die gifgasaanval in Sirië, wat die Amerikaanse regering sê die werk van die weermag van Assad was en waarvoor Rusland ook verantwoordelikheid moet aanvaar. Uit weerwraak beveel pres. Trump dat die Siriese regering gebombardeer moet word en dit bring konfrontasie met Putin, met wie Trump vroeër politieke voetjie-voetjie gespeel het. Hierdie skuif van Trump maak nie sin nie, want vroeër is anvaar dat hy wat Trump is ook anti-NWO is en hul kaarte lelik deurmekaar krap. Dit is teen hierdie agtergrond dat Putin sê dat 95% van terroristiese aanvalle in die wêreld CIA-georkestreer is en dat hy deeglike ervaring daarvan het. T.o.v. die internasionale mediawêreld word gesê groot media soos CNN, die BBC, Al Jazeera, New York Times, Washington Post e.s.m. is in die hande van die NWO en sing hul gesang, terwyl RT televisie pro-Russies en anti-NWO is. Daarom propageer die NWO-media dat Putin / Rusland die skurk van die wêreld is, terwyl RT 'n presies teenoorgestelde storie vertel. Dit wil dus voorkom dat die tradisionele siening van Wes (VSA, Wes-Europa, Japan, Australië, Suid-Korea en Taiwan, ens.) vs. Oos (Rusland op sy eie, China op sy eie, Noord-Korea, ens.) nie heeltemal korrek is nie. Instede is Rusland onder Putin, hoewel nie vlekkeloos nie, eintlik die goeie Cowboy in die jongste verhaal. Insiggewend in hierdie verband is dat sedert die VSA en sy Europese bondgenote militêr in die Midde Ooste begin inmeng het oor die laaste sowat 15 jaar, het die Christendom in die Midde Ooste baie swaar begin kry en in getalle drasties afgeneem. Sedert Rusland egter die laaste twee jaar die stad skaal geswaai het en ISIS se rug gebreek het, toon die Christendom oplewing in die Midde Ooste en begin hul getalle weer toeneem. In hierdie verband skryf Geopende Deure met hul intieme ondersteuning van die Vervolgde Kerk in hul jongste SA nuusbrief: “Indien ons die huidige situasie in die Midde Ooste vergelyk met verlede jaar, kan ons sien dat omstandighede vir ons broers en susters in Christus wonderbaarlik verbeter het. In Irak – namate sommige areas van die beheer van die Islamitiese Staat bevry is – het sommige Christene teruggekeer na hul tuistes. Ons is vol hoop dat ander binnekort sal volg.”
Gradeer die artikel
(1 Vote)

Lewer kommentaar

Vul al die vereiste velde in (*)

Go to top