►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Hoekom woordsoorte leer?

  1. Om beter te leer skryf

Om goed te kan skryf is ʼn vaardigheid wat jou kinders lewenslank handig te pas gaan kom. En om enige soort skryfopleiding te kan benut, moet ʼn kind weet wat is byvoorbeeld ʼn werkwoord of ʼn bywoord.

  1. Om beter te dink

Om te leer dat mens woorde in verskillende emmertjies kan gooi, verbreed ʼn kind se kennis van die wêreld. Om byvoorbeeld te weet daar is dingwoorde (naamwoorde) en doenwoorde (werkwoorde), en verder ook beskryfwoorde (byvoeglike naamwoorde en bywoorde) word die wêreld vir hom vertolkbaarder.

Die insig dat die “ding” (naamwoord) die kern is en die “beskrywing” (byvoeglike naamwoord) bykomend is, help hom om wat ander mense sê en skryf beter te beoordeel.

  1. Om beter na te dink

Ons mense kan van buite af na onsself kyk en dink oor hoe ons dink. Ons het selfbewussyn en die vermoë tot metakognisie. Deur na te dink hoe taal aanmekaargesit is, versterk ons ons vermoë om te dink hoe ons dink.

Vir ʼn houtkapper is ʼn byl sy vernaamste gereedskapstuk. Hy weet hy moet die houthef glad skuur vir ʼn lekker greep en om te keer dat splinters nie in sy hande steek nie. Die ysterpunt moet hy skerp hou om bome makliker af te kap.

Nes die byl vir die houtkapper is, is taal vir die mens. As jy verstaan dat taal uit verskillende dele bestaan, kan jy dit beter gebruik en jou lewe vergemaklik.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top