►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

As redaksionele kommentaar kortliks die volgende:

Adv. Thuli Madonsela: Ons salueer hierdie vrou vir haar onverskrokke diens as Openbare Beskermer die afgelope sewe jaar. Sy gaan in hierdie pos gemis word. Wat is die kans dat sy staatspresident kan word?

Regbank nog onafhanklik: Weereens met die uitspraak van die Grondwethof in die appélsaak van die bedrogaanklagte teen pres Zuma het hoofregter Mogoeng Mogoeng getoon dat die regbank in die land nog onafhanklik staan en redelik vertrou kan word.

Studente-onluste: Waarnemende Nasionale Polisiekommissaris lt. genl. Khomotso Phahlane, iemand vir wie ons ook ons hoed afhaal vir die professionele uitvoering van sy amp, het dit raak saamgevat oor die studente-onluste: Dit lyk of ‘n groep leiers ontwikkel waaroor die land nog spyt sal wees.

Bokrugby: Kenners het dit reg – om Bokrugby reg te ruk, moet die hele SA Rugby hiërargie vervang word, vanaf utvoerende hoof Jurie Roux en die verkose bestuur met hul knieval voor die ANC-regering tot die hele afrigtingspan, met die kwotastelsel wat dadelik geskrap moet word - en nie eens te praat van die groot sondebok Minister van Sport Fikile Mbalula nie. Voor dit gebeur is daar min of geen hoop. 

Gradeer die artikel
(0 stemme)

Lewer kommentaar

Vul al die vereiste velde in (*)

Go to top