►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Die naskoolse en werkende jeug in Orania het ‘n inisiatief geloods ter ondersteuning van die konsep van Orania en waarin hulle o.a. d.m.v. ‘n mandaat verklaar dat hulle waardeer wat die ouer geslag vir Orania gedoen het en dat hulle aansluiting vind by die selfbeskikkende strewe van leierskap in Orania. Op die foto lede van JongOrania tydens ‘n funksie in hierdie verband by die kantore van die Orania Beweging, van links, Benjamin Boshoff, Joost Strydom (Orania Beweging), Mia Conradie en Frans de Klerk jnr.

Foto: Ditsem Nuus

Met sy nooienstoespraak in die Parlement het dr. Wynand Boshoff ook as Noord-Kaapse VF Plus leier gefokus op die SKA-teleskoopprojek by Carnarvon as wetenskaplike pronkstuk, maar wat in moontlike newe-effekte min vir die Noord-Kaap as provinsie beteken. Die probleem is eerstens dat die SKA met sy wetenskaplike kennis slegs werksgeleenthede tydens die konstruksiefase in die gebied geskep het en dat kennisgebaseerde werksgeleenthede uit die projek in universiteitstede en in die buiteland geskep word.

Weens die vereiste radiostilte wat die staking van alle boerderybedrywighede noodsaak, is groot dele produktiewe weiding uit die ekonomie onttrek en is daar bv. 16 000 minder ooie in die gebied. Ook die wildlewe ly omdat in die verlate dele van die omgewing waterbronne nie meer deur veeboere onderhou word nie.

Volgens Boshoff rapporteer gemeenskapslede rapporteer dat die openbare deelnameproses vooraf frustrerend was. Diegene met die nodige inligting was nie beskikbaar nie en beloofde opvolgwerk het agterweë gebly. Die projek het ook vereis dat meer grond van veeboerdery onttrek word as wat aanvanklik gesê is.

In reaksie het die Minister van Wetenskap en Tegnologie gesê dat daar meer byvoordele was wat uit die SKA-projek voortgevloei het, maar nie veel substantiewe gegewens verskaf nie. Hy het ook aangedui dat meer positiewe aspekte na vore sal kom soos die projek verder uitgerol word.

  • Johan Terblanche, Christ Alone Ministries

Die wêreldbekende prediker Charles Spurgeon het aan 'n student gesê: "Maak nie saak waar jy in Engeland is nie, jy sal altyd 'n pad na Londen vind." Hy het voortgegaan om te verduidelik dat maak nie saak uit watter vers in die Bybel jy preek nie, daar is ‘n pad na Jesus Christus.

Ek wil jou aanmoedig deur hierdie illustrasie te gebruik: "Maak nie saak waar jy in Engeland is nie, jy sal altyd 'n pad na Londen kry." Net so, ongeag waar jy jouself bevind, daar  is 'n pad na Jesus. 

Ons is almal in verskillende plekke of in verskillende ruimtes. Party van ons het in sonde verval of groot foute gemaak. Iemand het dalk gesteel, gelieg of geskinder.

'n Getroude persoon was dalk ontrou aan sy of haar gade en het hom of haar dalk bedrieg. 'n Ander mag dalk geskei gewees het of 'n vrou het 'n aborsie ondergaan.

Maar ongeag van wat jy gedoen het, ongeag van die foute wat jy gemaak het of die sonde wat jy gepleeg het, daar is 'n pad terug, 'n pad wat lei tot Jesus Christus en die ewige lewe. Maar op hierdie pad is daar 'n paar stoppe om te maak; ‘n paar kruisings wat gekruis moet word. 

Die eerste ding wat die Here van ons verlang, is om opregte berou te toon. Dan wil die Here hê dat ons tot Hom moet kom en Jesus Christus as Verlosser moet erken, moet bekeer van ons sondes en God se genadige vergifnis aanvaar. (Lees 1 Johannes 1:9 en Handelinge 2:38-39)

Jy sal ook diegene wat teen jou gesondig het, moet vergewe. Jy sal hul moet vryspreek. (Kolossense 3:13) En as dit voel asof jy dit nie kan doen nie, kan jy die Here vra om in te gryp, om jou die krag en moed te gee om te doen wat die Here van jou vra.  

Jesus Christus wat was en is en wat kom, is nog steeds binne bereik. As ons net bereid is om ons sondige weë of sondige natuur neer te lê en toelaat dat God in ons kom woon of bly. 

Waarom gee jy nie die Here vandag 'n kans nie? 

Nou mag sommiges sê: "Ek het reeds my lewe aan Jesus gegee!" Vir jou sê ek: "Wel gedaan!"

Maar laat ons ons onsself daagliks aan die Here oorgee. Moet nooit toelaat dat sonde 'n wig vorm tussen die Here en ons of toelaat dat sonde ons vrymoedigheid om God te nader van ons wegneem nie. Amen. 

Benodig jy gebed of Bybelse leiding?  Kontak ons deur 'n epos te stuur aan Hierdie e-posadres word van Spambotte beskerm. Jy moet JavaScript ontsper om dit te lees. of Hierdie e-posadres word van Spambotte beskerm. Jy moet JavaScript ontsper om dit te lees. 

Diefstal behels die opsetlike en wederregtelike toe-eiening van iets wat aan iemand anders behoort. So kan ook enige misdaad gedefinieer word, bv. moord, ens.

Die woord “onteiening” beliggaam die dilemma: Jy kan slegs iets onteien indien dit rééds iemand se wettige eiendom is. Om dit egter te onteien sonder vergoeding, verg die wettiging van ʼn misdaad – naamlik diefstal.

Op voetspoor hiervan loop die mosie wat gister in die Parlement aanvaar is dat art. 25 van die Grondwet gewysig moet word ten einde onteiening sonder vergoeding “moontlik” te maak. Sodoende betree die ANC en hul meelopers die teater van die absurde en maak ʼn bespotting van SA as klugregstaat voor die oë van al die egte demokrasieë in die wêreld.

By hierdie kommentaar van ons moet ons die volgende uittreksel voeg uit ‘n mediaverklaring van die VF Plus: “Die mosie moet na regte lui: ʼn Mosie oor hoe om Suid-Afrika se ekonomie en sy toekoms te vernietig.

“Daar is steeds mense wat dink slegs landbougrond is ter sprake by onteiening sonder vergoeding. Artikel 25 van die Grondwet maak dit duidelik dat eiendom nie beperk is tot grond nie, maar sluit roerende en intellektuele eiendom in.”

Die volgende is ʼn beoordeling deur dr. Anthony Turton, bekende waterkundige, in Afrikaans vertaal:

“Wat my skok, is die koers van de-industrialisasie in SA. Word daar onthou dat slegs 25 jaar gelede:

  • Ons spesialisentiteite gehad het soos Usco wat gesofistikeerde staalprodukte vervaardig het, bv. geweerlope.
  • Ons was leiers in die vervaardiging van brandstof uit steenkool.
  • Ons was met Yskor die enigste staalprodusent op die kontinent.
  • Ons het met African Cables koperkabels gemaak.
  • Daar was ʼn groter energiekonsentrasie in ʼn 100 km2 in Vereeniging as in enige ander Afrikastaat se totale energie verbruik per uur.
  • Samancor het gespesialiseerde allooie vervaardig, terwyl Stewarts & Lloyds gesofistikeerde presisieprodukte soos pompe vervaardig het.
  • Dorbyl het swaar ingenieurskomponente vervaardig.
  • Aan die militêre kant het ons oor ʼn kernvermoë beskik en was ons op die drumpel om kernplofkoppe te vervaardig soos wat Noord-Korea vandag doen.

“Dit alle was moontlik – en ek sê nie dit was goed of sleg om kernvermoënd te kon wees nie – slegs omdat ons oor toptegnologiese kapasiteit beskik het.

“Binne twee dekades het hierdie wêreldklas kapasiteit verlore gegaan en nou oorvloei rou riool die kelderverdiepings van geboue.

“Die ineenstorting was totaal en snel. Die episentrum van die mees gekonsentreerde vorm van primêre produksie op die vasteland van Afrika is met een veeg uitgewis.

“Die land wat die pioniers van hartoorplantings gelewer het, kweek nou nuwe patogene wat waarskynlik ʼn gesondheidskatastrofe van ongekende afmetinge tot gevolg gaan hê.

“Dit getuig van die onvermoë van ʼn vryheidsbeweging om te regeer.

“Dit is die skokkende waarheid wat min bereid is om te erken.

“Die weermag wat slegs 25 jaar gelede die mees gesofistikeerde artillerie geproduseer het, wat op ʼn stadium gereken is as die mees gevorderde militêre mag in die wêreld naas Israel en wat ʼn aanvalshelikopter ontwikkel het gelykstaande aan die Apache, trek nou terug van Emfuleni Munisipaliteit nie in staat nie om sy missie van verlede jaar uit te voer nie.

“Cry the beloved country.

“Moontlik sal SA binnekort net nog ‘n patetiese samelewing wees soos Zimbabwe en Mosambiek waar mense broodtrokke kaap om kos te kry en waar verhongerde kinders rotte jag en eet.”

In hierdie fokus op KragDag 2019 adverteer die volgende uitstallers by die ekspo om daarmee te sê, eerstens, dat hulle gerus persoonlik by hul stalletjies besoek kan word en, tweedens, dat hulle ook graag hul produkte en dienste wil uitbrei na die strategiese teikenmark wat deur Ditsem Nuus bedien word, nl. Bloemfontein, Kimberley, deel van die Vrystaat en deel van die Noord-Kaap, asook wyd op die Internet – alles met middel- en hoër-inkomste Afrikaanssprekendes:

  • Advanced Shooting Products
  • AllSolar Renewable Energy Soluttions
  • BioSewage
  • Gener8 Sustainable Energy Solutions
  • GeyserWorx
  • Hydro Solutions
  • Sonman

Elim as die enkelkwartiere vir enkellopende mans in Orania is besig om ‘n nuwe baadjie aan te trek, met inwoners wat self ook besig is om hand by te sit met skoonmaak en opgradering. Op versoek van inwoners van Elim by ‘n openbare vergadering vir die woonbuurt Kleingeluk, het Projek VatVyf, as instansie vir maatskaplike opheffing ook betrokke geraak, in oorleg met die eienaarmaatskappy Gousblom Ontwikkeling.

Aansienlike skoonmaakaksie is al onderneem, terwyl boukundige opgradering deur Gousblom gedoen word. Op die foto is twee inwoners, Abram Pretorius en Danie Swanepoel, besig om badkamers en toilette skoon te spuit.

Foto: Ditsem Nuus

Julie is die bedrywigste sportmaand wêreldwyd en vanjaar is geen uitsondering nie - van die hoogtepunte is die volgende:

  • Wêreldbeker Krieket: Die Proteas het onvoorsiens ʼn rampspoedige deelname beleef en slegs drie uit agt wedstryde gewen, maar ietwat vergoed deur die hoogaangeskrewe Australië in die laaste wedstryd met 10 lopies te geklop het. Die toernooi is uiteindelik deur die gasheer Engeland op skouspelagtige wyse gewen nadat die epiese eindstryd teen Nieu-Seeland presies gelykop geëindig het op 241 lopies elk, maar Engeland meer grenshoue geslaan het.
  • Wimbledon: Simona Halep (Roemenië) buit die enkelspeltitel vir vroue toe sy die formidabele Serena Williams (VSA) binne 56 minute 6-2, 6-2 onder die stof loop. In die mansenkels kom Novak Djokovic (Serwië) uiteindelik heelbo uit nadet hy die gunsteling van die skareRoger Federer (Switserland) klop met 7-6, 1-6, 7-6, 4-6, 13-12 in die langste mansenkelstryd in die geskiedenis van Wimbledon.

Ander merkwaardighede by Wimbledon vanjaar was die 22-jarige Suid-Afrikaner Lloyd Harris wat die ongelukkige loting gehad het om in die eerste rondte teen Roger Federer te moes speel, maar die eerste stel op heldhaftige wyse 3-6 gebuit het, waarna hy die aftog moes blaas met 6-1, 6-2, en 6-2.

Die 15-jarige Cori Gauff (VSA) was die jongste speler wat nog vir Wimbledon kon kwalifiseer en het in die eerste rondte die vyfmalige kampioen Venus Williams (39) uitgeskakel. Gauff was nog nie eens gebore toe Williams haar eerste Wimbledon titel verower het nie en is uiteindelik eers in die vierde rondte deur die uiteindelike wenner Simona Halep gestuit.

  • Wêreldbeker Netbal: Die gemotiveerde Proteas (5de op wêreldlys) onder Australiese afrigter Norma Plummer het sover aldrie hul wedstryde gewen, insluitende teen Jamaika (2de op wêreldlys) 55 – 52. Daar is hoop dat hulle by goud gaan uitkom.
  • Afcon 2019 Sokker: Die Afrika Nasiesbeker is tans nog in Egipte in volle swang, maar Bafana Bafana is, nadat hulle Egipte as die gasheerland en een van die gunstelinge met hul beste spel in jare 1-0 uitgeskakel het, deur Nigerië met 2-1 huistoe te stuur.
  • Rugbykampioenskap: Vandeesmaand skop die Rugbykampioenskap tussen die Bokke All Blacks, Wallabies en die Poemas af en sal gesien moet word hoever nuwe afrigter Rassie Erasmus en verpligte spankwotas kom.
  • Curriebeker: Op die tuisfront begin hierdie reeks met nuwe lewe wat daarin geblaas word en behoort dit as sulks 'n peiling te verskaf van die diepte van SA senior rugby.

Met al meer nasionale handelsmerke wat in Orania vestig, is die jongste geval Orion Hardeware wat ʼn franchise van DIY Depot bekom het. Nadat Ronel en Frik Bekker Orion Hardeware onlangs oorgekoop het, het hulle met die nasionale hardewaregroep DIY Depot begin onderhandel oor ʼn franchise ten einde hul produkreekse uit te brei en meer mededingend te kan aanbied.

Die resultaat was ʼn suksesvolle ooreenkoms en vanaf 1 Julie 2019 is Orion Hardeware DIY Depot in volle bedryf. Die amptelik opening van die uitgebreide en opgegradeerde winkel is 7 – 10 Augustus, waartydens ʼn massa spesiale aanbiedinge geld.

Ronel sê hulle nooi alle bestaande en voornemende klante om hulle veral in hierdie tyd te besoek ten einde voordeel te trek uit ongekende spesiale aanbiedinge.

DIY Depot het landswyd ʼn netwerk van meer as 140 winkels / franchises en vorm weer deel van die groter hardewaregroep Legendary Retail Brands. Hul onderliggende filosofie is uitnemende klantediens.

Bestaande reeds 28-jaar as Afrikanertuiste op eie grond met eie arbeid, maar bevattende tans slegs sowat 1 600 inwoners, is dit duidelik dat Orania nog nie betekenisvol deur Afrikaners as bestemming van voorkeur beskou word nie. Dit word bevestig deur die groot getal blanke Afrikaanssprekendes wat vanaf Gauteng en ander noordelike provinsies na veral die Wes-Kaap en Suid-Kaap migreer.

Voorts is daar, sonder dat presiese getalle bekend is, ʼn beduidende stroom blanke Afrikaanssprekende emigrante na bestemmings soos Australië, Nieu-Seeland, Kanada, ens. Die grootskaalse rassediskriminasie teen blankes in die land en onaanvaarbare hoë misdaadvlakke bring as’t ware ʼn bevolkingsverskuiwing ook onder Afrikaners te weeg na veiliger oorde. Dit is egter duidelik dat Orania met sy spesifieke etos nie uit hierdie verskuiwing skep soos logieserwys verwag sou word nie.

Die velerlei redes hiervoor is feitlik almal intern in Orania en kan breedweg o.m. soos volg aangestip word:

  • Orania is ʼn gestruktureerde gemeenskap en nie bloot ʼn toevlugsoord nie en geskied vestiging d.m.v. ʼn formele verblyfregproses. Dit skep getalsbeperkende filtrering.
  • Interne knelpunte soos nog nie plaaslike ekonomie van skaal nie, tekort aan behuising, tekort aan besigheidsakkommodasie, onstabiele arbeidsaanbod, hoë eiendomspryse, ens. werk ook beperkend in.
  • Gebrekkige gemeenskapkohesie veroorsaak ʼn uitvloei van inwoners wat Orania weer