► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Vier nuwe buitelewe-roetes

Die volgende vier opwindende nuwe buitelewe-roetes is pas bekendgestel: • Eco Ranger Experience: Dit is 'n negedaagse ervaring in die Kruger Nasionale Park waar mense geleer word om in die bos te oorleef. Dit geskied onder toesig van 'n ervare gids en hoewel geskoei op veldwagterslees, is dit bedoel vir toeriste wat wil ontspan. • Pafuri Voetslaanroetes: Dit is in die noordelikste gebied van die Kruger Nasionale Park en, oop vanaf April tot Oktober, is dit vir meer avontuurlike buitelewe-entoesiaste wat op minimalistiese wyse die landskap wil verken. Dit geskied ook onder toesig van ervare veldwagters. • Cycle Namaqualand: Escape Cycle Tours bied 'n 8-dag, 7-nag fietstoer in Namakwaland, tussen Julie en Oktober wanneer die veldblomme in volle prag staan. Tussen 20 en 50 km per dag word afgelê o.l.v. 'n professionele gids, terwyl 'n ondersteuningsvoertuig ook die toer meemaak. Dit sluit ook in wynproegeleenthede en 'n besoek aan die Augrabies. • Cape St. Francis Hiking Experience: 'n Driedag-voetslaanervaring wat elke dag by die Cape St. Francis Resort begin en eindig en sluit in besoeke aan die Irma Booysen Flora Reserve, die Dune Ridge Nature Reserve en die Sealpoint Nature Reserve. Die roetes is maklik, is o.l.v. 'n gids en met spyseniering verskaf. Die Engelse benaminge word gegee, omdat dit so vir internasionale bemarkingsdoeleindes gebruik word. Vir meer besonderhede besoek www.tourismupdate.co.za.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top