► Op AfriForum Netwerk, aanlyn databasis van ondernemings wat in Afrikaans sake doen, al sowat 2 000 sake-ondernemings geregistreer ► Groep van ondersoekende joernaliste bekend as amaBhungane toon in verslag dat EFF-lede na bewering voordeel getrek het uit brandstoftender van bykans R500 miljoen van Tshwane in Januarie 2019 ► Arvitha Doodnath, jong regsdosent, by Vaal Universiteit van Tegnologie, Saterdagaand in Johannesburg doodgeskiet tydens motorkaping ► Einde Junie 2019 10,2 miljoen verbruikers in SA het skuldprobleme en verswakte kredietgeskiedenis, swakste sedert Junie 2015 ► Eben Etzebeth dien deur sy prokureurs teenaanklag in by MRK en vra dat hul saak by Gelykheidshof in hersiening geneem word ► Kommissie vir Versoening, Bemiddeling en Arbitrasie (KVBA) waarsku in jaarverslag dat 4de-nywerheidsrewolusie (4NR) en tegnologiese outomatisasie in SA kan lei tot derduisende werksverliese regdeur hele ekonomie ► Pres. Xi Jinping waarsku, met verwysings na aanhoudende betogings in Hong Kong, dat “enige pogings om China te verdeel sal lei tot gebreekte liggame en beendere tot poeier gemaal” ► Siriese weermag span kordon soldate en wapentuig oor hele linie tussen Turkse invalsmag en Koerdiese gebied; pres. Trump dreig Turkye met sanksies wat hul “ekonomie kan breek” ► Spaanse hof lê tronkstraf op vir 9 leiers van afskeidingsbeweging in Katalonië, vra vir uitlewering van hoofleier Carles Puigdemont wat in 2017 na België gevlug het ►

Statistiek Suid-Afrika maak bekend dat werkloosheid in die eerste kwartaal van vanjaar met 0,5 persentasiepunte toegeneem tot 27,6%. Die syfers bevestig ekonome se vermoede dat ekonomiese groei in die eerste kwartaal negatief was en werkloosheid nog steeds een van SA se grootste uitdagings is.

Die SA ekonomie het die jaar op ’n bitter noot begin met werkloosheid wat tot 27,6% opgeskiet het nadat dit in die vierde kwartaal van 2018 op 27,1% gestaan het. Die aantal mense in diens , is aansienlik minder as ’n jaar gelede en het met 86 000 mense, tot minder as 16,3 miljoen mense gedaal.

Daarteenoor het die getal werkloses met 3,7% tot 6,3 miljoen mense gestyg en die getal ontmoedigde werksoekers met 7,5% tot byna 3 miljoen. Dit beteken dat byna 9,2 miljoen Suid-Afrikaners van werkende ouderdom nie op skool is, studeer nie verder en is nie vrywilliglik sonder werk. Die syfers kom uit Statistieke SA se kwartaallikse indiensnemingsopname (QLFS) vir die eerste kwartaal van 2019, maar groeisyfers word eers in Junie uitgereik.

Volgens ekonoom Dawie Roodt is ekonomiese groei in SA te swak om genoeg werkgeleenthede te skep en beurtkrag deur Eskom help nie veel om werkskepping te steun. Nywerhede soos AngloGold Ashanti beplan hul uittog ten einde weg te kom van Eskom se onvoorspelbaarheid met kraglewering en tariefaanpassings , asook ingewikkelde arbeidsproblematiek.

Jongste kwartaallikse arbeidsyfers van Stats SA, wys landbousektor het in eerste kwartaal vanjaar geraamde 12 000 werksgeleenthede verloor.

Jongste syfers van Stats SA toon Oos-Kaap het in eerste kwartaal van vanjaar 90 000 werksgeleenthede verloor, wat uitgebreide werkloosheidkoers in provinsie op 48,3% te staan bring – dus elke tweede volwassene in Oos-Kaap sonder werk.

Boere in erg droogtegeteisterde dele van die Noord-en Oos-Kaap is in sak en as en word deur hul omstandighede gedwing om hulself te laat likwideer, hul plaashekke te sluit en werk te gaan soek. Ná jare van droogte is daar eenvoudig nie meer kapitaal of skuldruimte om voer te koop en vir die vervoer daarvan te betaal nie en is kuddes feitlik reeds tot niet.

Geen bystand word verleen deur die regering op provinsiale of sentrale vlak nie. Tog is daar boere in ander dele van die land wat diep delf in hul eie reserwes om die drooggeteisterdes te help en word konvooie voer aangery, met selfs talle mense wat R10 afknyp om ʼn private droogtehulpfonds te ondersteun.

Met die goeie reëns wat op hierdie tydstip wyd oor die sentrale binneland uitsak, word gebid dat dit ook in die droogtegebiede uitkoms sal bring en dat daar tog nog ‘n kans vir daardie boere sal wees. Wat sê ons lesers – het die huidige reëns ook die droogtegebiede bereik en, indien wel, wat is die effek?

Go to top