► Abel Sithole as uitvoerende hoof van die Government Employees’ Pension Fund (GEPF) getuig voor Mpati-kommissie dat ʼn “belegging” van R4,3 miljard sonder sy medewete gemaak is uit die GEPF na die firma Ayo Technologies van omstrede Iqbal Survé; blykbaar kan of wil Ayo dit nou nie terugbetaal nie ► Mynmaatskappy Rio Tinto het sy Rössing Uraanmyn in Namibië, in produksie sedert 1976 en wat tans jaarliks sowat 4,6 miljoen pond uraan lewer, verkoop aan die China National Uranium Corporation (CNUC) vir $106,5 miljoen; Rio Tinto het sedert 2017 beleggings van $11,2 miljard uit Namibië onttrek ► Nuwe Minister van Water, Sanitasie en Menslike Nedersettings Lindiwe Sisulu sê in Parlement skade in die departement weens korrupsie en wanbestuur is feitlik “onmeetlik” en dat drastiese omdraaistrategie dringend nodig is ► Munisipaliteite skuld die nege waterrade en Dept. van Water R14 miljard vir waterdienste gelewer ► Adjunk-minister van Landbou, Landelike Ontwikkeling en Grondhervorming Mcebisi Skwatsha sê in Parlement dat onteiening sonder vergoeding binnekort ʼn werklikheid gaan wees, “maar onwettige grondgryp nie toegelaat sal word nie” ► Vrystaat Landbou sê massiewe armoede in Lesotho bedreig wet en orde in Vrystaat en dat dit verskillende tipes misdaad in die provinsie veroorsaak ► Volgens verslag van PwC is vergoeding van ʼn uitvoerende hoof van mynmaatskappy in SA gemiddeld sowat R16,8 miljoen per jaar en dié van ʼn finansiële hoof sowat R6,9 miljoen per jaar ► Projek VatVyf gebaseer te Orania benodig borgskap vir twee behoeftige blanke leerlinge in Bloemfontein wat as prefekte gekies is om einde vanjaar elkeen ʼn oriënteringskamp by te woon – R1 000 vir seun in hoërskool en R500 vir dogter in laerskool – kontak projekvatvyf@gmail.com of 082 773 2150 ►

Tans in Orania oorskry die vraag na residensiële akkommodasie die aanbod by verre, terwyl 'n nypende tekort aan sakepersele ondervind word. Met gemiddeld sowat 40 nuwe intrekkers per maand (volwassenes en kinders) in Orania en 'n nog groter getal wat na Orania wil trek, maar nog nie hul verblyf- en trekreëlings gefinaliseer het nie, is beskikbare akkommodasie om verskeie redes 'n probleem.

Hoewel daar tans sowat 20 individuele bouprojekte te Orania aan die gang is, is dit relatief kleinskaal in omvang en is aansienlike versnelling en uitbreiding van die boubedryf ooglopend noodsaaklik. Nuwe intrekkers en entrepreneurs met wie Ditsem Nuus gepraat het, voel dat veel meer en groter private ontwikkelingsprojekte van stapel gestuur moet word, dat in die proses innoverende omgewingspraktyke ingevoer behoort te word, dat veral in die groot vraag na bekostigbare middelklasbehuising met eie tuin voorsien moet word en dat die kleinsakesektor gestimuleer behoort te word deur beskikbaarheid van moderne bekostigbare sakepersele hetsy te huur of te koop.

Met die verslegtende situasie in die land en die groeiende vyandiggesindheid van die regering en swart politieke aktivisme jeens blanke burgers, sien toenemend al meer Afrikaners Orania as hul

volkstuiste van voorkeur. Om hierdie uitdaging die hoof te bied , sal die owerhede van Orania spoedeisend visionêre beplanning moet implementeer.

Gradeer die artikel
(3 stemme)

3 opmerkings

  • Piet Pietersen - Maandag, 18 Maart 2019

    Oos Wes, Orania Bes

    Report
  • Estelle van Wyk - Dinsdag, 12 Maart 2019

    Mag ORANIA net van krag tot krag gaan.
    Dankie vir n pragtige skoon dorp wat eersdaags n stad gaan wees.

    Report
  • Anthony Schlemmer - Maandag, 11 Maart 2019

    Wonderlik om te sien die dorp toon sterk groei. Daar is veiligheid in groot getalle....

    Report

Lewer kommentaar

Vul al die vereiste velde in (*)

Go to top