► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

DTI bevorder swart nyweraarsklas

In 'n mediaverklaring sê Adjunk-Minister van Handel en Nywerheid Mzwandile Masina die Dept. Handel en Nywerheid (DTI) beoog om radikale veranderinge aan te bring aan die swart ekonomiese bemagtiging (BEE) sertifiseringsprosesse en voorkeurbeleid in 'n poging om 'n nuwe klas van swart nyweraars te skep en "radikale" transformasie in die SA ekonomie te versnel.
Hy het ook aangedui dat die DTI beoog om binne die volgende drie jaar 'n minimum van 100 maatskappye onder beheer van swart nyweraars in spesifiek die vervaardigingsektor te skep. Hy beskryf dit as 'n "radikale" stadium in die land se ekonomiese "oorgang" en voeg by dat die DTI tans in samesprekings met die Nasionale Tesourie is oor hervorming van die Raamwerk Wetgewing op Voorkeurverkrygingsbeleid (Preferential Procurement Policy Framework Act: PPPFA).
Die DTI spandeer tans bykans R6 miljard per jaar aan die privaatsektor deur verskillende aansporingskemas en in die vervolg sal die grootste deel daarvan gaan aan swart nyweraars. Hiertoe is die DTI van plan om finansiële instellings soos die NEF, IDC, die Ontwikkelingsbank van Suider-Afrika, PIC en SEFA te monster.
Die voornemens van Masina het vurige ondersteuning gekry van die Black Business Council, Business Unity South Africa, die BEE Charter Council en die staatsbeheerde Enterprise Procurement Forum.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top