► MRK besluit om sy hoof van regsdienste Buang Jones te ondersoek en te verbied om weer met media te praat oor sy voortydige en rassistiese kommentaar oor Eben Etzebeth-saak ► Volgens die organisasie ToekomsVonk was daar vanaf 1 Januarie vanjaar tot 30 September 350 plaasaanvalle en 41 plaasmoorde in SA, oudste slagoffer 96 jaar, gemiddeld 4 aanvallers per voorval, met in een geval 20 aanvallers ► Volgens syfers van Minister van Basiese Onderwys Angie Motshekga is daar tans 1 126 openbare enkelmedium Afrikaanse skole in die land, teenoor 1 279 in 2017; 1 112 openbare skole dubbelmedium in Afrikaans en Engels, dus tans 2 238 skole wat onderrig in Afrikaans ► Universiteit van Vrystaat weier om erflating te aanvaar vir ’n “blanke, behoeftige, talentvolle student”; hooggeregshof in Bloemfontein staan aansoek van FNB toe dat “blanke” uit die testament geskrap word ► NG Kerk Algemene Sinode besluit om formulering van beleid oor selfdegeslagverhoudings van heel vooraf te begin ► Terwyl sommige banke takke sluit, kondig FNB aan dat dit vanjaar 7 takke gaan open in Oos-Kaap, Mpumalanga, Limpopo, Gauteng en Wes-Kaap ► Ter viering van 70-jaar van Kommunisme in China vertoon Chinese weermag in Beijing skrikwekkende interkontinentale wapentuig – sien videogreep ► Ditsem Nuus besig om spesiale fokus saam te stel getiteld Tuisskoling: Oplossing vir onderwyskrisis in die land – enige diensverskaffer of rolspeler in die bedryf wat inset wil maak, skakel 082 773 2150 of advertensies@ditsem.net ► Projek VatVyf kry reaksie op beplande projek Operasie Brandhout om blanke Afrikanermeisies en -vroue in Nigeriese seksslawehandel in die land te probeer bevry, nog medewerkers / ondersteuners / finansiering benodig – skakel 053 207 0127 of epos projekvatvyf@gmail.com – sien videogreep ►

Stemming vandag in Britse Laerhuis kan bepaal Brexit met ooreenkoms met EU, Brexit met geen ooreenkoms of geen Brexit nie

Op die internasionale front is van die belangrikste verwikkelinge die stryd wat pres. Donald Trump van die VSA teen die Demokratiese Huis van Verteenwoordigers het vir befondsing van $5 miljard vir ʼn muur op die grens met Meksiko; die veldtog wat eerste minister Theresa May voer om Brittanje op 29 Maart vanjaar te laat Brexit met uittrede uit die EU; die stryd wat talle lande in Europa het om hulself van parasitiese Moslem-instroming te red en hul nasionalisme te herontdek; die knou wat die VSA die magtige Chinese ekonomie toegedien het met die instelling van veel skerper invoertariewe; en die nuwe regse koers wat Brasilië en Meksiko in Latyns-Amerika inslaan onder onderskeidelik presidente Jair Bolsonaro en Andrés Obrador.

Geloftefees is afgelope 15 en 16 Desember met geesdrif deur Afrikaners gevier in ongeveer 200 Geloftefeeste en -dienste landswyd en selfs in die VK, VSA en Nieu-Seeland en is bewys daarvan dat daar nog ʼn kerngedeelte van die Afrikanersvolk is wat onherroeplik verbind is tot hul lotsbepaling onder die hand van God – besoek gerus die Geloftefeeskalender Facebookblad

Pres. Cyril Ramaphosa het met ANC-viering te Inanda, Durban, weereens beklemtoon dat grondonteiening sonder vergoeding “gaan gebeur of mense nou daarvan hou of nie.” Hierdie voorgenome skuif is onwettig, al het die Parlement dit sogenaamd goedgekeur en sou gepoog word om dit te implementeer, kan Suid-Afrika as staat sy kantelpunt bereik. Afrikaners is sagmoedige mense en nie offensief nie, maar as hul grond en eiendom nou goedsmoeds gesteel word, kan die onverklaarde burgeroorlog teen hulle beantwoord word.

laerskool reyneke   willem aangeval 11 1 19

Die Dubbelestandaarde wat tans in Suid-Afrika toegepas word om die blanke, in besonder die Afrikaner, in submissie in te boelie, skrei teen hemele.

Te Clifton-strand word deur swart politieke radikaliste gejil dat alle blankes in die see gejaag moet word en as hulle nie wil nie, moet hulle elkeen een koeël kry. ʼn Skaap word op barbaarse wyse geslag om die punt te bewys. Hieroor geen woord van repudiasie van die staatspresident, enige regeringsleier en die Menseregtekommissie (MRK) nie.

Aan die ander kant bars ʼn storm los oor een klassie in die Laerskool Schweizer-Reneke waar Gr. 0 kinders ter wille van taal in groepies verdeel is. Die ANC betoog in massa, terwyl die MRK ‘n diepgaande ondersoek na die aangeleentheid gelas. Terselfdertyd as voorbeeld, oorval ses swart aanvallers te Warden vir Willem Rademeyer (64) in sy huis, rand hom gruwelik aan en beroof hom, maar dit word nie gesien as rassisme nie.

Ons sê vir die Boere-Afrikaner is dit tyd om op te staan, heeltemal polities inkorrek te word, die waarheid te noem soos dit is en te se dat hierdie geboelie is verder totaal onaanvaarbaar. Indien dit voortduur, moet daar noodwendig gevolge wees wat seermaak.

In Duitsland tans gewelddadige betogings teen Moslem “immigrante” – nie aansluiting by golf in Frankryk?

Is werklike rede vir gewelddadige betogings in Frankryk teen pres. Emanuel Macron burgerlike weerstand teen Islamisering van Frankryk?

By Clifton slag swart radikales skaap as simbool om blankes dood te maak en MRK uiter nie woord en lig nie vraag; by Laerskool Schweizer-Reneke word swart en wit kinders in een klassie gegroepeer volgens taal en MRK begin diepgaande ondersoek. Wat dink jy daarvan?

Op die internasionale toneel slaan die blou blitse steeds hoofsaaklik uit om die persoon en administrasie van pres. Donald Trump van die VSA. Hy is besig om met sy polities-inkorrekte beleid van nasionalisme die kaarte en planne van die Nuwe Wêreld Orde (NWO) met hul globalisme lelik deurmekaar te krap. Die resultaat is ʼn volskaalse politieke oorlog tussen Trump en die NWO

Die NWO het as hul tentakels die internasionale media soos CNN, die BBC, die New York Times, ens. terwyl iemand soos pres. Emanuel Macron van Frankryk nasionalisme afgekam het as vyand van die mensdom. Die politieke vlamme wat tans in Brittanje hoog brand rondom eerste minister Theresa May met haar Brexit-plan, is ook deel van die stryd tussen nasionalisme en globalisme.

Intussen is nasionalisme egter besig om sterk veld te wen in talle lande in die wêreld, soos Pole, Hongarye, Italië, Griekeland, Serwië, Japan, ens.  By hierdie golf van nasionalisme is dit vir die Afrikanervolk ook besonder belangrik om by aansluiting te vind.

Dit lyk of Suid-Afrika ná 24 jaar van ANC-bewind rotsbodem geslaan het – munisipaliteite is bankrot, disfunksioneel en kan nie meer hul salarisse betaal nie; die SAL ná R33 miljard is nog nie lewensvatbaar nie; Transnet is bankrot; Denel kan nie meer salarisse betaal nie; Eskom is in miljarde rand skuld en wankel as nasionale kragvoorsiener; Telkom is besig om te sink; staatshospitale het selfs nie meer vir beddegoed geld nie; die SANW trek só noustrop dat dit kwalik meer die land kan verdedig; die SAID hardloop in die rooi; die SAPD het nie meer genoeg voertuie om misdaad te bekamp nie; en die staatskas is een kerf bo leeg.

Brandstofpryse was nog nooit so hoog nie; BTW styg en kospryse ruk handuit.

Korrupsie in die staatsektor van miljarde der miljarde rand, om nie eens te praat van kaping van die SA staat nie, het die land op sy knieë – inderdaad rotsbodem.

Voorwaar ʼn donker prentjie soos wat hierdie mooi en ryk land nog nooit voorheen gesien het nie. Wat is die oplossing, veral vir die Afrikaner?

Solidariteit praat van die blankes in die land verdig tot 30 dorpe, maar wat se langtermynoplossing bied dit?

Wat veral vir blankes en dan ook spesifiek vir Afrikaners van wesenlike belang is, is die ongelooflike onreg van sg. swart ekonomiese bemagtiging en regstellende aksie. Die swaarverdiende belastinggeld van blankes word direk deur die ANC-regering aangewend tot uitsluitlike voordeel van swartes en om spesifiek blanke te ondergrawe. Hoe lank gaan blankes nog hierdie sieklike situasie verduur?

Intussen is daar te Orania ʼn plekkie vir die Afrikaner om legitiem sy eie te noem. Daar kan die Afrikaner weer bou aan selfbeskikking tot by soewereiniteit, maar hoekom is Orania nog nie vir die Afrikaner ʼn bestemming van voorkeur nie?

Ons wil graag hoor wat sê ons lesers op hierdie vrae? Laat ons gerus weet by epos Hierdie e-posadres word van Spambotte beskerm. Jy moet JavaScript ontsper om dit te lees..">Hierdie e-posadres word van Spambotte beskerm. Jy moet JavaScript ontsper om dit te lees..

Op die SA nuusfront is die grootste en belangrikste gebeurtenis die afgelope week die aankondiging van die Grondwetlike Hersieningskomitee dat artikel 25 van die SA Grondwet gewysig moet word ten einde voorsiening te maak vir onteiening sonder vergoeding. Daarmee is beslis ʼn nuwe hoofstuk in die tragiese geskiedenis van SA sedert 1994 ingelui.

Om mee te begin, is dit na ons mening duidelik uit die formulering van die SA Grondwet in sy huidige vorm dat die bedoeling in 1994 was dat privaatregtelike besit van eiendom grondwetlik verskans moet wees en dat hierdie hoeksteen van ʼn vrye ekonomie onaantasbaar moet staan. Om nou die Grondwet te wil verander ter wille van onteiening, kom inderwaarheid neer op ook ʼn verbreking van die gees van die destydse Codesa-ooreenkoms vir magsoorname.

Voorts dien deeglik in gedagte gehou te word, dat tydens die openbare deelnameproses vroeër vanjaar. die meerderheid skriftelike voorleggings aan die Hersieningskomitee gekant was teen wysiging van die Grondwet. Daarenteen was op die openbare verhore oor die saak, gehou grotendeels op veneus in swart woongebiede, populistiese en militante swart massas oorwegend ten gunste van die wysiging van die Grondwet.

Daarby is dit opmerklik dat sopas die ANC in die Parlement geweier het dat politieke partye en belanghebbende instansies die inhoud van voorleggings aan die Hersieningskomitee bespreek en het die Komitee soos ʼn stoomroller sy aanbeveling gemaak. Daarmee is die siening bevestig dat die uitkoms van de Komitee lank vooraf deur die ANC, EFF en hul meelopers bepaal is en dat die komitee in werklikheid net  ʼn rookskerm was.

Tans is opposisiepartye in die Parlement, insluitende die DA, VF Plus, ACDP en andere, tesame met ʼn wye reeks van belanghebbende instansies, eensstemmig dat weens die onregmatigheid en kontaminasie van die proses, die stryd oor Grondwetwysiging vir doeleindes van grondonteiening sonder vergoeding nou eers begin het. Dit is duidelik dat daar baie sterk teenkanting teen die wysiging van die Grondwet en onteiening sonder vergoeding is en dat kompromie nie ʼn opsie is nie.

Dit is ons mening dat hierdie saak eenvoudig neerkom op staatsgesanksioneerde eiendomsdiefstal en dat dit ʼn groot stap sou wees om in SA ʼn Kommunistiese bestel te skep. Daarom moet dit teengestaan word met alle mag en ten alle koste.

Waar beter as om moed te skep, as uit die Woord van die Albeskikker – kom ons nader tot Hom wat betref Jesaja 40:1-3: Troos, troos my volk, sê julle God. Spreek na die hart van Jerusalem, en roep haar toe dat haar stryd verby is, dat sy uit die hand van die HERE dubbel ontvang het vir al haar sondes. ‘n Stem van een wat roep: Berei in die woestyn die weg van die HERE; maak gelyk in die wildernis 'n grootpad vir onse God!

Dit lyk of China, wat allerweë beskou word as die grootste hedendaagse imperiale moondheid, veral poog om soveel as moontlik van Afrika met sy natuurlike hulpbronne in te palm. Die patroon is dat die Chinese lenings verskaf vir die ontwikkeling van infrastruktuur wat hulle self dan onderneem en as Afrikalande dan nie kan terug betaal nie, dan neem die Chinese natuurlike hulpbronne en onbehoorlike politieke invloed in ruil.

In hierdie opsig is Suid-Afrika ooglopend vir die Chinese die kroonjuweel en is daar al meer getuienis hoe China vir homself voordeel trek uit die finansiële penarie waarin die ANC-regering hulself laat beland het. Van die gevalle van die uitbreiding van die Chinese invloedsfeer in SA, is die volgende:

  • Reeds in 2014 is aangekondig dat die maatskappy Shanghai Zendai die 1 600 ha terrein van AECI in Modderfontein, Johannesburg, naby Sandton, aangekoop het vir die ontwikkeling van ʼn volledige Chinese stad teen ʼn projek bedrag van sowat R1,2 triljard. Hoewel sedertdien min bekend is in die media omtrent hierdie projek word aanvaar dat dit steeds voortgaan met uiteraard enorme implikasies.
  • Vanjaar het die nuus gekom dat ʼn Chinese maatskappy grond van sowat 60 km2 in Musina-Makhado ekonomiese sone naby Musina in Limpopo gekoop het vir die oprigting van hul eie onafhanklike kragstasie om grootskaalse ontginning van hoërgraad steenkool, mangaan, ystererts en chroom te bedien. Daar is voorts sprake van ontwikkeling op dieselfde terrein van ʼn Chinese stad groter as Nelspruit, en dat dit vir China moet dien as een van sy hoofstede op die vasteland van Afrika.
  • Die tydskrif Mining Weekly berig dat ʼn afvaardiging van die Mineral Resources Reserves Evaluation Centre van die Ministry of Land and Natural Resources (MRREC) in Beijing, in Oktober vanjaar in SA was vir ʼn drie wekelange navorsingsbesoek oor die minerale opset van die land en hoe dit geadministreer word. Die afvaardiging het ook navorsing kom doen oor die registrasiestelsel van boorgate in SA, iets waarop die SA regering baie trots is.
  • Daar is aangekondig dat die Ontwikkelingsbank van China R33 miljard aan Eskom geleen het vir ontwikkelings- en bedryfskapitaal, maar tot op hede weier nóg Eskom nog pres. Ramaphosa om vrae oor die voorwaardes van hierdie lening te beantwoord.
  • Die totale handel tussen SA en China het die einde van 2017 R318 miljard beloop, met ʼn negatiewe balans met R87 miljard in die guns van China.
  • Verbasend is dat China tans besig om in samewerking met die SA

Polisiediens aantal gemeenskaplike polisiëringsentra in die land te vestig – die 13de een is pas te Port Elizabeth amptelik geopen deur die Oos-Kaapse kommissaris lt.genl. Liziwe Mtshinga en Yu Yuan van die Chinese ambassade in Pretoria.

  • 16 – 18 November 2018 word die 2018 Africa/China Expo in Roodepoort, Gauteng, aangebied, ʼn massiewe handelskou wat feitlik alle ekonomiese sektore dek.

Waarnemende Minister van Omgewingsake Derek Hanekom het pas die appèlle van 39 individue en organisasies, onder meer Agri SA, teen die omgewingsmagtigings wat deur die Departement van Mineraal Hulpbronne aan Rhino Oil & Gas ten aansien van olie- en gaseksplorasie verleen is, van die hand gewys. Die eksplorasieregte beslaan ongeveer 2,4 miljoen ha in Noordwes, Vrystaat, KZN en die Oos-Kaap.

Daar word gevrees dat die aansoeke mag lei tot grootskaalse skaliegasaktiwiteite soos hidrobreking in Suid-Afrika. Agri SA het teen Rhino Oil & Gas se omgewingsmagtigings appèl aangeteken vanweë die onsekerheid oor moontlike besoedeling van water, asook oor grond- en lugbesoedeling wat met hierdie tipe ontwikkeling gepaardgaan.

Die redes wat deur die minister voorgehou word vir sy besluit, word tans deur die beswaarmakers ondersoek.  Agri SA is egter reeds van mening dat gesien vroeëre hofbeslissings in die Oos-Kaap, die saak op hersiening geneem mag word.

Vir meer besonderhede, kontak Janse Rabie by 076 451 9601 of Hierdie e-posadres word van Spambotte beskerm. Jy moet JavaScript ontsper om dit te lees..

Volgens ‘n berig in Rapport beplan die SA Polisiediens (SAPD) om sowat 600 voormalige lede van Umkhonto weSizwe (MK) en Apla - in die vorige bedeling geklassifiseer as terroriste-organisasies - binnekort snelbevordering te gee, met in gevalle spronge van vyf tot sewe range. Dit sou behels o.m. dat 37 van hulle tot generaal bevorder word.

In een uitsonderlike geval word 'n sersant ‘n brigadier – 'n sprong van sewe range. Voorts sal na berig word 27 kapteins bevorder word tot majoor-generaal (sprong van vyf range) en 48 sersante tot kolonel (ook sprong van vyf range).

                                                                         
Intussen staan die bevordering stil van duisende ander SAPD-lede van dieselfde ouderdomme wat ten tye van die politieke oorgang in 1994 reeds in die SAPD was. Hulle is uiteraard oorwegend blankes. 

Verdere skokkende inligting wat aan die lig gekom het, is:  Daar is 33 persone op die MK en Apla lys wat afgetree het op ouderdom 60, maar desondanks word hulle aanbeveel vir bevordering al is hulle nie meer in diens nie. Voorts is daar op die lys vyf persone wat medies ongeskik verklaar is, maar nogtans aanbeveel word vir bevordering. Nog erger en onbegryplik is dat daar name op die lys is van 16 persone wat oorlede is, maar steeds vir bevordering aanbeveel word!

Wat hierdie nuus omtrent die SAPD onvermydelik impliseer, is dat, eerstens, daar 'n doelgerigte anti-blanke radikalisering plaasvind van die SA Polisie as die veronderstelde handhawers van wet en orde in die land; tweedens, dit burgerlike vertroue in die SAPD kan kelder, die mooipraatjies van Minister Bheki Cele desnieteenstaande; en, derdens, dat die SAPD erg korrup is.

Die Noord-Gautengse hooggeregshof het die appélaansoek van voormalige pres. Jacob Zuma van die hand gewys teen die staande hofbeslissing dat hy self verantwoordelik is vir sy regskoste om homself teen die aanklag van staatskaping te verdedig, soos wat vorige OB Thuli Madonsela aanbeveel het. Hierdie hofuitspraak stuur ‘n sterk boodskap dat persone in diens van die staat en wat aangekla word vir korrupsie, nie op belastingbetalergeld kan steun om hul regskoste te dra nie.

'n Veelpartykomitee het opdrag gekry om toe te sien dat die geld wat die Nasionale Tesourie bewillig het om die 46 stukkende pompstasies van die Emfuleni-raad (Evaton, Sebokeng, Vaal Oewer, Vanderbijlpark en Vereeniging) te herstel en opruimingswerk te doen, oordeelkundig spandeer word.

Die SA Nasionale Weermag Geniekorps, tesame met rolspelers van die Gauteng provinsiale regering en die Emfuleni Munisipaliteit, maak deel uit van die reddingaksie, wat so omvangryk is dat dit maande of selfs ’n jaar sal duur om die infrastruktuur te herstel en die besoedeling in die Vaalrivier op te ruim. Minister van Finansies Tito Mboweni het die wiel aan die rol gesit, waarna R200 miljoen vir die projek bewillig is.

Die betrokke rolspelers het besluit om plaaslike inwoners in diens te neem en op te lei wat  gaan help met basiese instandhouding. Hulle sal ook omsien na die projek wanneer die Weermag se taak afgehandel is. Genl.maj. Thembelani Xundu, hoofdirekteur van koöperatiewe dienste, het bevestig deel van die weermag se taak is om die pompstasies te omhein en te beveilig.

Dit word as skrikwekkend beskou dat die hulp van die Weermag ingeroep moes word in 'n geval waar die ANC-regering nie die mas opkom om dorpe suksesvol te bestuur nie. Die ineenstorting van die infrastruktuur en daarmee saam ’n bankrot munisipaliteit het ’n dreigende humanitêre krisis laat ontstaan.

Vir meer besonderhede, skakel 076 616 2124.

Die beslissing op 25 Mei 2018 van die Wes-Kaapse hooggeregshof dat dit ongrondwetlik is om die gebruik van dagga deur volwassenes in privaat wonings te verbied en dat derhalwe die besit, verbouing en gebruik van dagga by die huis vir privaat gebruik toegelaat moet word, het die deur wawyd oopgegooi vir toenemende dwelmmisbruik, veral onder die jeug. Wat gebeur, is dat die grens met dwelms vervaag en dat ‘n groot grys gebied geskep word waarbinne dit moeilik geword het om te bepaal of die gebruik van dagga en verwante dwelms inderdaad ‘n kriminele oortreding is.

Hierdie grys asrea word nou deur gewetenlose dwelmhandelaars uitgebuit om allerlei soorte daggaverwante dwelms te smokkel, sonder dat daar klinklare bewyse is waarop hulle gearresteer kan word. Hierdie onrusbarende verskynsel is reeds besig om soos onkruid op SA skoolterreine op te skiet

So doen video’s tans op sosiale media die rondte van kinders en en jongmense wat psigotiese aanvalle beleef nadat hulle ʼn onbekende middel gerook het. Minstens 13 mense, van wie sommige kinders so jonk as 14 jaar, moes mediese behandeling ontvang nadat hulle die middel Herbal blend gerook het. Nie net is dié middel ʼn lewensgevaarlike konkoksie van verskillende dwelms nie, dit word wettig oor die toonbank in verskeie winkels verkoop

Een van die video’s wat tans die ronde doen, wys twee jongmans wat in ʼn byna besete toestand is nadat hulle Herbal blend gerook het. Op die video kan gesien word hoe een (22) op ʼn bed rondspring en onbeheersd in ʼn kamer rondval, terwyl sy vriend op die grond lê, onherkenbare brabbeltaal uiter en aanhoudend ruk.

Herbal blend word in ongemerkte swart pakkies verkoop met selfs die geur van die inhoud wat op die pakkie aangedui word. ʼn Pakkie kos ongeveer R45 en sowat 10 sigarette kan uit een pakkie gerol word. Die middel lyk baie soos dagga, hoewel daar ooglopend veel meer as dagga in die hoogs potente mengsel is. Herbal blend is maar een van die “versterkte” daggaprodukte wat tans deur die smokkelmark beskikbaar gemaak word.

Hoewel gesê kan word dat in die Suid-Afrika van vandag, is dit die plig van die wetstoepassingsowerhede om die dwelmplaag hok te slaan, maar gegee die onbeheerste misdaadvlakke, grootlikse Godlose moraliteit en losbandige leefwyse, is dit 'n pypdroom op sigself. Die beste oplossing is natuurlik geleë in voorkoming - kinders en jong mense behoort betyds deeglik ingelig te word van die vernietigende gevare van dwelmmisbruik en verslawing.

In hierdie opsig is prakties deur en deur bewys dat die belangrikste fort 'n gesonde en liefdevolle gesinslewe is bestaande uit pa, ma en kinders. Egskeiding kan katastrofaal wees, terwyl as die grootste maatskaplike euwel uitgewys is, nie net in SA nie maar wêreldoor, afwesige pa’s.

Ook vir die Afrikanervolk stel die proaktiewe bekamping van die dwelmgevaar ‘n geweldige uitdaging om sy geslag van môre te beveilig en te verseker. In die finale instansie bly dit egter in die eerste plek 'n saak van gebed, want niemand is te goed of te hoog vir hierdie plaag in 'n wêreld wat besig is om sy morele remme te verloor nie.

Bladsy 8 van 96
Go to top