► Op AfriForum Netwerk, aanlyn databasis van ondernemings wat in Afrikaans sake doen, al sowat 2 000 sake-ondernemings geregistreer ► Groep van ondersoekende joernaliste bekend as amaBhungane toon in verslag dat EFF-lede na bewering voordeel getrek het uit brandstoftender van bykans R500 miljoen van Tshwane in Januarie 2019 ► Arvitha Doodnath, jong regsdosent, by Vaal Universiteit van Tegnologie, Saterdagaand in Johannesburg doodgeskiet tydens motorkaping ► Einde Junie 2019 10,2 miljoen verbruikers in SA het skuldprobleme en verswakte kredietgeskiedenis, swakste sedert Junie 2015 ► Eben Etzebeth dien deur sy prokureurs teenaanklag in by MRK en vra dat hul saak by Gelykheidshof in hersiening geneem word ► Kommissie vir Versoening, Bemiddeling en Arbitrasie (KVBA) waarsku in jaarverslag dat 4de-nywerheidsrewolusie (4NR) en tegnologiese outomatisasie in SA kan lei tot derduisende werksverliese regdeur hele ekonomie ► Pres. Xi Jinping waarsku, met verwysings na aanhoudende betogings in Hong Kong, dat “enige pogings om China te verdeel sal lei tot gebreekte liggame en beendere tot poeier gemaal” ► Siriese weermag span kordon soldate en wapentuig oor hele linie tussen Turkse invalsmag en Koerdiese gebied; pres. Trump dreig Turkye met sanksies wat hul “ekonomie kan breek” ► Spaanse hof lê tronkstraf op vir 9 leiers van afskeidingsbeweging in Katalonië, vra vir uitlewering van hoofleier Carles Puigdemont wat in 2017 na België gevlug het ►

In ʼn mediaverklaring wys die VF Plus soos volg op slaggate wat betref ontplooiing van die Weermag binnelands in SA, soos wat die regering in die Wes-Kaap wil doen en inderdaad gedoen het:

 
“Die ontplooiing van die SANW die Wes-Kaap om misdaad te bekamp is ʼn erkenning van die regering dat hy die stryd teen misdaad verloor het, en die vraag is of die weermag en die polisie se opleiding voldoende is om in sulke situasies saam te werk.
 
“Artikel 200 van die Grondwet stel dit duidelik dat die doel van die weermag is om seker te maak die land se territoriale integriteit word beskerm. Almal weet daar is tans geen internasionale of buitelandse bedreiging teen Suid-Afrika nie. Daar is wel ʼn interne bedreiging in die weermag en dit is ontoereikende begroting.
 
“Die begroting is steeds te min, maar in die media word berig van ʼn senior weermagoffisier wat honderde miljoene rande aan korrupte tenders bestee waar daar boonop ʼn buite-egtelike verhouding ter sprake was en waar belastinggeld gebruik is om homself te verryk. Dit is waarskynlik die grootste bedrag wat ooit met belastingbetalers se geld aan lobola betaal is.
 
“Die binnelandse bedreiging is tans korrupsie. Hoe kan daar van belastingbetalers verwag word om meer geld te gee as honderde miljoene rande van hul geld weens korrupsie verlore gaan?
 
“Die vraag moet gevra word of die soldate voldoende opgelei is om te weet hoe om misdaadsituasies te hanteer. Nog ʼn vraag is of die polisie se opleiding sy lede in staat stel om te weet hoe om saam met die weermag te werk. Daar is reeds ʼn botsing van ego’s in die polisie self. In die bende-eenheid is daar klaarblyklike afgunstigheid in die bevelstruktuur wat selfs lei tot die mislukking van operasies teen bendes waarin polisielede doodgeskiet word.”

Pres. Donald Trump van VSA het die top weermageenheid van Iran, die Islamitiese Revolusionêre Wag (IRGC), tot terreurorganisasie verklaar.

Dit is die eerste keer dat ’n land ’n ander land se weermag ’n terroriste-organisasie noem. Trump sê in ’n verklaring die IRGC is die Iranse regering se hoofmag waarmee hy wêreldwyd sy terroristeveldtog voer. VSA kritiseer Iran reeds lank weens sy invloed in Irak, Sirië en Jemen.

Trump se verklaring is deur Iran veroordeel en daar word nou vergeldingsaanvalle gevrees. Luidens Iran se staats TV het die opperraad van nasionale veiligheid in die land die Amerikaanse magte in antwoord ook as ’n terroriste-organisasie bestempel.

Trump se kommer oor Iran en die IRGC word gedeel onder senior Amerikaanse militêre bevelvoerders, maar hulle het die verklaring tot ’n terroriste-organisasie tot dusver teengestaan uit vrees vir vergeldingsaanvalle en vir probleme wat dit vir Amerikaanse vennote in die Midde-Ooste kan skep.

Go to top