Aletheim 1

►►► Solidariteit Jeug gaan regstappe neem namens een van sy lede, Danie van der Merwe, wat werkloos is en uitgeluit is uit die presidensiële program YES4Youth ► Eskom skuldlas kan binne afsienbare tyd eskaleer vanaf R400 miljard na R550 miljard – HUB Phakamani Hadebe ► AfriForum verklaar dispuut met Parlement oor grondonteiening sonder vergoeding, Parlement sê dit sal dit opponeer ► Volgens Ouditeur-generaal wys jaarverslae van staatsdepartemente en staatsondernemings vir 2017/18 korrupsie van R51 miljard, uitgesluit Eskom en Transnet, wat gesamentlik sowat R28 miljard korrupsie kan oplewer ► Voormalige kantore van The New Age koerant van Guptas in Johannesburg word op 28 November 2018 deur Park Village Auctioneers opgeveil ► Minister Pravin Gordhan getuig voor Zondo-kommissie dat oud-pres. Jacob Zuma destyds aanhoudend vir kabinet gelieg het oor staatskaping en Guptas en “hom sodoende aan grofste vorm van korrupsie skuldig gemaak het” ► Elektrisiteit van perseel van Vrystaatse Wetgewer vir tweede agtereenvolgende dag afgesny weens wanbetaling deur verhuurder aan Centlec elektrisiteitsverskaffer ► Verwagting dat pres. Cyril Ramaphosa vanmiddag kabinetsskommeling gaan aankondig ná afsterwe van Edna Molewa en bedanking van Malusi Gigaba ► Gewapende rowers skiet drie vrouedokters by Letaba Hospitaal, Tzaneen, een kritiek in waakeenheid ►►►

Die verbysterende spoed waarteen die waarde van die kriptogeldeenheid bitcoin styg, beteken sy markwaarde is nou meer as die BBP van sommige lande. Dit is ook meer werd as die bates van die rykste mense ter wêreld.

Teen 'n prys van meer as $11 000 per eenheid, het dit vanjaar reeds met meer as 1 000% in waarde toegeneem. Al die bitcoins in die wêreld is saam sowat $190 miljard werd.

Nieu-Seeland se BBP is volgens die Wêreldbank $185 miljard – dit is $5 miljard minder as die markwaarde van bitcoin. Die BBP van Katar, Koeweit en Hongarye is ook minder as die markwaarde van die kriptogeldeenheid.

Twee van die grootste banke ter wêreld, Goldman Sachs en UBS, se markwaarde is $97 miljard en $67 miljard onderskeidelik. Selfs al tel jy die twee saam, steek hulle steeds nie bitcoin verby nie.

Bill Gates en Warren Buffett is twee van die wêreld se rykste miljardêrs, maar selfs al voeg hulle hul fortuine saam, is dit steeds nie meer werd as bitcoin nie. Gates is tans sowat $90 miljard werd en Buffett $83 miljard.

Gradeer die artikel
(0 stemme)

Lewer kommentaar

Vul al die vereiste velde in (*)

VVK2 banier