►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Gevaar van Eskom-staking vir Suid-Afrika

Teenstrydige berigte word ontvang oor die dreigende staking van Eskom-werknemers, tot die mate dat daar sprake is van die kragvoorsiener te laat afskakel en sodoende die land grootliks sonder elektrisiteit te laat. Verskillende vakbonde is betrokke en aan die een kant word berig dat van hulle 'n aanbod onderteken het van 10% salarisverhoging vir die laer besoldigingskategorieë en 8,5% vir die hoër besoldigingskategorieë, maar aan die ander kant is NUMSA en NUM o.l.v. die militante Irvin Jim adamant en gaan met die staking voort.

Vanoggend word berig van militante stakers by kragstasies wat werknemers toelaat om die perseel te verlaat, maar niemand toelaat om binne te gaan nie. Gevolglik word blykbaar sommige eenhede by kragstasies genoodsaak om af te skakel.

Vroeër het die Eskom topbestuur aangedui dat die kragvoorsiener in 'n kontantvloeiprobleem is en dat daar eenvoudig nie geld vir hoër salarisse is nie. Daar word ook gewaarsku dat afskakeling van Eskom kan ernstige probleme vir die fisiese kragnetwerk meebring en dat dit moeilik sal wees om die skade te herstel. Intussen word miljoene onskuldige belastingbetalende landsburgers gyselaar gehou deur 'n klein minderheidsgroep en korrupte burokrasie.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top