► Navorsing van Solidariteit toon dat die blanke bevolking van die land van 0-14 jaar met sowat 17 000 toegeneem het en dat totale blanke bevolking sedert verlede jaar met 130 000 mense gegroei het; dus groot behoefte aan werkskepping vir blankes ► Ditsem Nuus skep opwindende digitale markplein, DitsemMarkplein, vir Afrikaanssprekende- en Afrikaner-besighede op Telegram-program vir selfone – om te besoek en in te skakel, volg hierdie skakel ► Solidariteit kondig omvattende wettige belastingprotesveldtog aan, insluitende minstens ses regsaksies, teen staatsondernemings en belastingplunderaars, sê staat kan nie belasting gebruik om te steel nie ► Met ʼn skuld van R441 miljard toon Eskom bedryfsverlies vir 2018/19 finansiële jaar van R20,7 miljard in vergelyking van R2,3 miljard in 2017/18 finansiële jaar, dus styging van 800% in verlies; munisipale skuld by Eskom styg van R13,6 miljard na R19,9 miljard ► Minister van Openbare Ondernemings Pravin Gordhan kondig aan dat huidige voorsitter van raad van Eskom Jabu Mabuza ook aangestel is as waarnemende uitvoerende hoof ► Verslag van Stats SA toon dat werkloosheidskoers in SA van 27,6% in eerste kwartaal gestyg het na 29% in tweede kwartaal, na raming 17 miljoen werkloses in Suid-Afrika; vermoede dat werklike werkloosheid minstens 60% kan wees ► Diensbetogers te Petrus-Steyn brand uit frustrasie huis van ANC burgermeester Mamiki Mokoena van Nketoana Munisipaliteit af; geen drinkwater in die dorp nie ► In Pretoria staak munisipale werkers van SAMWU met looneis van 18% verhoging, terwyl inflasiekoers ongeveer 5% is; staking gepaard met vandalisme van infrastruktuur en intimidasie van publiek – kyk hierdie videogreep ► AfriForum beraadslaag met Marloth Park Belastingbetalersvereniging ten einde vestiging van steenkoolmyn van 18 000 ha op drumpel van Kruger Nasionale wildtuin by Krokodilbrughek teen te staan ► Groot verdeeldheid in ANC oor ʼn voormalige minister Derek Hanekom met Ace Magashule en Jacob Zuma wat sê hy was “apartheidspioen”, terwyl ANC-veterane en andere hom verdedig as gerespekteerde lid van ANC ► Kyk by hierdie videogreep hoe gemeenskapslede te Burgersfort volgens sosiale media SAPD-beamptes behandel ► Volgens Parlementêre antwoord van Minister van Maatskaplike Ontwikkeling Lindiwe Zulu, is pensioentrekkers en ander begunstigdes afgelope jaar uit maatskaplike toelaes van gesamentlik meer as R21 miljoen bedrieg, terwyl staatsamptenare op bedrieglike wyse R5,4 miljoen in sak gesteek het vir onbehoorlike siekte verlof ► Gereelde georganiseerde betogings en nagwake voor SA Hoë Kommissariaat in Ottawa, Kanada, teen geweldsmisdaad in SA insluitende teen boere, asook teen etniese suiwering, rassisme en korrupsie ► Op Vrouedag 9 Augustus Antieke & Versamelaarsmark by Voortrekkersmonument, Pretoria, 09:00 tot 15:00, alle stalletjie volbespreek, toegang R30 per voertuig, geen troeteldiere ►

Positiewe wetsontwerp: Mediese innovasie

Dit lyk of by wyse van uitsondering 'n positiewe wetsontwerp in die Parlement ter tafel is in die vorm van die Wetsontwerp op Mediese Innovasie, wat nuwe ruimte skep vir ontwikkeling van die mediese wetenskap. In 'n mediaverklaring sê adv. Anton Alberts van die VF Plus: Die wetsontwerp kan daartoe bydra om innoverende denke oor medisyne en genesing aan te wakker, paradigmaskuiwe oor die onderwerp aan te help en sodoende mediese horisonne verbreed.

“In talle gevalle dui informele getuienis op die waarde van ʼn bepaalde remedie, maar omdat geen of min navorsing daaroor bestaan, word dit eenvoudig geïgnoreer, of nog erger as kwaksalwery afgemaak. Op hierdie wyse word mediese innovasie beperk en bly ons vasgevang in die paradigma voorgeskryf deur die groot farmaseutiese reuse van die wêreld. Daarmee word nie gesê dat die farmaseutiese bedryf nie mediese oplossings bied nie, maar dat hulle denkraamwerk nie alle wysheid in pag het nie.

“Ons moet dus ook dapper genoeg wees om deur daardie paradigmas te breek. Hierdie wetsontwerp gee geloofwaardigheid aan die mantra dat die 'afwesigheid van getuienis nie 'n bewys van afwesigheid is nie'. Wetenskaplik moet ons nie afgeskrik word deur regerings- en korporatiewe agendas oor watter navorsing uitgevoer moet word nie, veral as mense se lewenskwaliteit en, belangriker, hul lewe, op die spel is.

“Hierdie wetsontwerp neem ons 'n paar stappe vorentoe om mediese navorsing te fasiliteer wat andersins nie sou plaasgevind het nie. Dit bevestig ook die outonomiteit van die individu om self te besluit watter medisinale ingrypings hy of sy wil toelaat, veral as dit gaan oor pynbehandeling en die moontlikheid om ʼn mens se lewe te red.”

Gradeer die artikel
(0 stemme)

Lewer kommentaar

Vul al die vereiste velde in (*)

Go to top