► MRK besluit om sy hoof van regsdienste Buang Jones te ondersoek en te verbied om weer met media te praat oor sy voortydige en rassistiese kommentaar oor Eben Etzebeth-saak ► Volgens die organisasie ToekomsVonk was daar vanaf 1 Januarie vanjaar tot 30 September 350 plaasaanvalle en 41 plaasmoorde in SA, oudste slagoffer 96 jaar, gemiddeld 4 aanvallers per voorval, met in een geval 20 aanvallers ► Volgens syfers van Minister van Basiese Onderwys Angie Motshekga is daar tans 1 126 openbare enkelmedium Afrikaanse skole in die land, teenoor 1 279 in 2017; 1 112 openbare skole dubbelmedium in Afrikaans en Engels, dus tans 2 238 skole wat onderrig in Afrikaans ► Universiteit van Vrystaat weier om erflating te aanvaar vir ’n “blanke, behoeftige, talentvolle student”; hooggeregshof in Bloemfontein staan aansoek van FNB toe dat “blanke” uit die testament geskrap word ► NG Kerk Algemene Sinode besluit om formulering van beleid oor selfdegeslagverhoudings van heel vooraf te begin ► Terwyl sommige banke takke sluit, kondig FNB aan dat dit vanjaar 7 takke gaan open in Oos-Kaap, Mpumalanga, Limpopo, Gauteng en Wes-Kaap ► Ter viering van 70-jaar van Kommunisme in China vertoon Chinese weermag in Beijing skrikwekkende interkontinentale wapentuig – sien videogreep ► Ditsem Nuus besig om spesiale fokus saam te stel getiteld Tuisskoling: Oplossing vir onderwyskrisis in die land – enige diensverskaffer of rolspeler in die bedryf wat inset wil maak, skakel 082 773 2150 of advertensies@ditsem.net ► Projek VatVyf kry reaksie op beplande projek Operasie Brandhout om blanke Afrikanermeisies en -vroue in Nigeriese seksslawehandel in die land te probeer bevry, nog medewerkers / ondersteuners / finansiering benodig – skakel 053 207 0127 of epos projekvatvyf@gmail.com – sien videogreep ►

Die balju het beslag gelê op die Mafube Munisipaliteit se roerende en onroerende bates ná jare se wanbestuur, growwe nalatigheid, korrupsie en swak prestasie. Inwoners van die gebied onder die disfunksionele munisipaliteit moet nou self inklim en dienste lewer nadat munisipale werkers al amper ’n jaar lank staak.

Die Mafube Munisipaliteit ( Frankfort, Villiers, Tweeling en Cornelia) is bankrot met laste wat bates ver oorskry en skuld van R400 miljoen, waarvan R47 miljoen verskuldig aan Eskom, R83 miljoen aan Rural Maintenance en R35 miljoen aan pensioenfondse. Te midde van die finansiële krisis is steeds ruim voorsiening gemaak vir verhoging in salarisrekening tot R110 miljoen - 62% van die bedryfsbegroting terwyl nasionale Tesourie se riglyn 32% is.

Volgens die plaaslike VF Plus-raadslid loop rou riool in die strate af weens verstoppings en is strate en paaie vervalle a.g.v. geen instandhouding, terwyl oop ruimtes en straathoeke as stortingsterreine gebruik word. Op hul beurt voer die DA in die Vrystaatse Wetgewer aan dat die situasie met Mafube Munisipaliteit deel is van die nalatenskap van voormalige Vrystaatse premier en huidige ANC sekretaris-generaal Ace Magashule met sy omvattende kaderontplooiing en korrupsienetwerk.

Verslae van protesaksies in verskillende dele van Suid-Afrika gister is ontvang soos wat die onwettige betogers in massas opgeruk het. Die doel is duidelik, om deur skade aan hul omgewing, veral waar dit blankes raak, die publieke aandag te vestig op hul griewe oor dienslewering, wat gewoonlik haglik is.

Tshwane, Somerset-Wes, Khayelitsha, Kroonstad, Orange Grove en Vanderbijlpark is maar enkele van die gebiede wat geraak word. In meeste van die gevalle moes spesiale Polisie-eenhede die betogers met rubberkoeëls en traangas onder beheer bring en uitmekaarjaag.

Die gevolg is dat verkeer tot stilstand kom en sakebedrywighede ontwrig word. Brandende buitebande is aan die orde van die dag op plekke soos Soshanguve, Mabopane, Hammanskraal, terwyl veral Van der Hoffweg en Bremerstraat voor die Daspoorttonnel in die Pretoria Tuine-gebied liefs heeltemal vermy moet word.

Ook tydens sg. diensleweringsbetogings gister in Pretoria het betogers die Nederduitsch Hervormde kerk Wesmoot geplunder, loodglasvensters uitgegooi, kerkbanke omgegooi en boeke en Bybels rondgestrooi. in reaksie hierop sê die VF Plus in ‘n mediaverklaring: “Ons beskou die aanval, nie as ‘n aanval op ‘n gebou van klip en sand nie, maar as ‘n simboliese aanval op die Kerk as ‘n heilige instelling vir die Afrikaner waaraan die Afrikanervolk deur die geskiedenis groot waarde geheg het.”

Intussen het pandemonium ook losgebars in die Wes-Kaap met berigte dat verskeie paaie by Somerset-Wes, Kaapstad en Khayelitsha geblokkeer word met brandende bande en groot klippe, terwyl selfs skole gesluit word.   Radikale elemente in die Wes-Kaap is op rekord dat hulle die DA-beheerde provinsie onregeerbaar wil maak.

Daar is ‘n beweging wat onder die vaandel Total Shutdown skynbaar daarna streef om verlammende betogings landswyd uit te brei. Hoe lank die Polisie anargie sal kan afweer, is ‘n ope vraag.

Go to top