► “’n Monument van grootskaalse korrupsie” is hoe Noord-Kaapse premier dr. Zamani Saul nuwe psigiatriese hospitaal in Kimberley geopen het 13 jaar nadat konstruksie begin is @ R290 miljoen, maar nou eers voltooi is teen R2 miljard ►Appèlhof handhaaf beslissing van Noord-Gauteng hooggeregshof dat Cash Paymaster Services (CPS) R316 miljoen aan Sassa moet terugbetaal ►Transnet toon wins van R6 miljard vir finansiële jaar 2018/19; eerste staatsonderneming in baie lank tyd wat wins toon ►Plaasterreur 30 September, Malmesbury, twee aanvallers in plaashuis, huiseienaar skiet een dood ►Groot dele van die land vanaf Limpopo tot in die Wes-Kaap ondervind erge droogtetoestand met minder as 50% van die gemiddelde reënval in 2018/19 seisoen – sien by hierdie skakel hoe in Steytlerville-distrik droogte ervaar word; aan die ander kant sien by hierdie video hoe gejuig word oor goeie reën in distrik Beaufort-Wes ►Kampioen Boran stoetbul genaamd Mr. Million, gekoop vir R1 miljoen, se hakskeensenings deur veediewe op plaas by Brits afgekap, moes vankant gemaak word ►Intensiewe driedaagse-kursus oor in- en uitvoer en internasionale handel aangebied te Midrand, Kaapstad en Durban, kontak Ronell 073 291 0450 of events@norcaz.biz►

Ontwrigtende betogings te Steynsrus

Die Vrystaatse dorpie Steynsrus het die tyd erg onder ontwrigtende betogings deurgeloop uit protes teen die patetiese en meesal geen dienslewering van die Moqhaka Munisipaliteit. Hulle eis o.m. dat die hele munisipale topbestuur hul poste moet ontruim.

Wanorde was aan die orde van die dag, met skole gesluit en paaie geblokkeer. Oproeriges het chaos in die dorp gesaai en munisipale watertenks en selfs vragmotors aan die brand te steek. Talle motoriste het ook deurgeloop toe hul voertuie met klippe bestook is. Die SAPD het met groot moeite die betogers tot ‘n mate in bedwang gehou.

Steynsrus se buurdorp, Kroonstad, wat ook onder dieselfde munisipaliteit ressorteer, word sedert Maart voortdurend geteister deur onwettige betogings en die onrus het nou na Steynsrus uitgebrei. Hoe lank voordat dit Viljoenskroon, die derde dorp onder Moqhaka Munisipaliteit, gaan tref, is ‘n ope vraag.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top