► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Zuma voor Zondo: Dit raak rasseding

Die hele doel van die Zondo-kommissie is om die fenomeen van staatskaping in SA die afgelope sowat 12 jaar te ondersoek en het talle getuies en honderde getuienisse na vore gekom wat met feite aandui dat oud-pres Jacob Zuma die argitek van staatskaping was. Die logiese is dat die man homself kom getuig en dit was wat die afgelope vyf dae op die program was.

 
Eers het regter Zondo vir Zuma onbeperkte geleentheid gegee om sy standpunt te stel, wat hy gedoen het deur homself te verontskuldig en as slagoffer van vervolging voor te stel. Daarna was dit volgens die reëls van die kommissie tyd vir kruisverhoor onder getuienisleier adv. Paul Pretorius. Zuma het egter erg klei getrap met sy antwoorde van ontkennings, kannie-onthou-nie, ens.
 
Terselfdertyd moes dit teen die grein van Zuma, uitgesproke anti-witrassis, gegaan het om deur ʼn blanke onder kruisverhoor geneem te word. Die logiese was dat Zuma op ʼn stadium agterop sou skop en weier om met sy getuienis voort te gaan en dit het hy dan ook gedoen by monde van sy regsverteenwoordiger, adv. Muzi Sikhakhane.
 
Laasgenoemde het Pretorius en sy span van onbevoegdheid, onkunde en onregmatigheid ingevolge die Grondwet beskuldig. Daar is egter geen tasbare bewys dat Pretorius buite sy magte opgetree het nie en die indruk wat gevolglik onvermydelik ontstaan, is dat in hierdie hoëprofiel ondersoek ʼn swarte ʼn blanke van onbevoegdheid mag beskuldig sonder om rassisties gemerk te word, maar, o wee, wat sou gebeur indien Pretorius Sikhakhane en Zuma van rassisme sou beskuldig?
 
Dit is duidelik dat ras in die ondersoek in die geval van Zuma ʼn faktor geraak het.
 
Intussen is in die ondersoek nog nie van Zuma antwoorde op ʼn menigte van wesentlike vrae ontvang nie, soos hoe verklaar hy die sowat een-derde van die BNP van die land van sowat R4,9 triljard wat onder sy presidentskap deur korrupsie en nepotisme verdwyn het, asook wat hy weet van die R300 000 per maand wat Bosasa aan die Jacob Zuma Stigting betaal het.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top