► Pres. Cyril Ramaphosa vra nasionale dialoog oor moontlikheid om pensioenfondse in bankrot staatsondernemings te belê – “Ons finansiële bronne is uitgeput, terwyl ons ontwikkelingsbehoeftes enorm is” ► Vraag op sosiale media: Hoekom kry regering nie die miljarde staatsgeld wat gesteel is terug nie, maar wil nou die pensioengeld vat van mense wat hard gewerk het daarvoor en toegewyd gespaar het? ► Menseregtekommissie oorweeg stappe teen Ernst Roets van AfriForum oor vertoon van vorige landsvlag op sosiale media, word as “verdelend” beskou ► Petroljoggies landswyd dreig om volgende week te staak oor salarisse, eis verhoging van 12%, maar werkgewers bied slegs 5% ► Brian Molefe, voormalige hoof van Eskom, moes gister meer as R10 miljoen aan Eskom pensioenfonds terugbetaal as onwettig ontvang, maar nog geen teken daarvan nie ► Veldbrand wat versprei tot in St. Francisbaai verwoes 12 huise tot die grond toe ► Storm oor aanranding van blanke kleuters deur swart personeel by Myne Maatjies Dagsorg Sentrum in Randfontein, ouers woedend, drie persone gearresteer, MRK swyg soos graf ► Lastereis van oud-minister Derek Hanekom van R500 000 teen oud-pres. Jacob Zuma, vandag in hooggeregshof in Durban aangehoor, eis omdat Zuma Hanekom “apartheidspioen” genoem het ► Curriebekerreeks word hierdie naweek voortgesit, met slegs Griekwas wat verseker is van plek in halfeindstryd ►

Sêgoed net in Afrikaans

Nee, hy lewe nog dat dit vrek, dankie. Só sou oom Frikkie altoos sê, sou jy hom vra hoe dit dan gaan. “Ek lewe nog dat dit vrek.” Of sou jy hom langs die pad raakloop en vra waarheen hy dan op pad is, sou oom Frikkie sê: “Nee, ek stap sommer vir 'n walk.”
Die sêgoed van ons mense gee aan hulle 'n unieke identiteit. Dit is die sêgoed wat ons onthou as ons aan die mense uit ons verlede en ook in ons hede dink. En hierdie taal, Afrikaans, leen hom by uitstek tot die skepping van pittige sêgoed deur die verbeeldingryke mense wat dit praat.
Of my vriend Louw se reaksie toe iemand hom op 'n dag daarop wys dat hy wat Louw is, totaal en al verkeerd is oor 'n sekere saak: “Jaa, maar jy moet onthou,” sê ou Louw,“dit is elke mens se onvervreembare reg om so nou en dan 'n gat van homself te maak.”
En as ek aan 'n gemeenskaplike vriend Keppies dink, dan onthou ek hoe hy homself destyds altyd aan meisies voorgestel het as daar bladgeskud word: “Louis Keppies Roux, as jy my nie glo nie, kan jy proe.”
Ewe pittig was vriend Proppie toe hy op 'n dag in 'n hotel gevra word hoe hy in die oggend van sy eiers hou: “Liggies gekrap met die naels, asseblief.
By die Johannesburgse skou loop ek eendag ná jare weer vir oom Attie by die beesbeoordeling raak. Toe ek wil weet hoe dit dan met hom gaan, kyk hy my stip aan met sy blou oë en sê: “Nee, vader tyd is maar 'n gemene ou bliksem, weet jy?”
Ek onthou ou Wim wat altyd gekla het dat daar “te veel maand oor is aan die einde van sy geld”. En ou Penne, my skooltydse houtwerkonderwyser wat tot vervelens toe gewaarsku het dat ons nie “veiligheidsreëls per ongeluk moet leer nie”.
My oorle oupa Boy het dit gehad teen iemand wat “só onnosel is, dat hy met sy vinger moet voel waar sy agterent is”. En dit was my oom Bob wat gesê het 'n sekere prokureur is so skelm dat hy onder 'n skuilnaam bid.
Oom Koot wat aan Pa gesê het: “Die mielies staan vanjaar so mooi, dit is eintlik lelik om te sien.”
Afrikaans en sy kultuur - enig van sy soort in die wêreld!

Gradeer die artikel
(0 stemme)

Lewer kommentaar

Vul al die vereiste velde in (*)

Go to top