► Navorsing van Solidariteit toon dat die blanke bevolking van die land van 0-14 jaar met sowat 17 000 toegeneem het en dat totale blanke bevolking sedert verlede jaar met 130 000 mense gegroei het; dus groot behoefte aan werkskepping vir blankes ► Ditsem Nuus skep opwindende digitale markplein, DitsemMarkplein, vir Afrikaanssprekende- en Afrikaner-besighede op Telegram-program vir selfone – om te besoek en in te skakel, volg hierdie skakel ► Solidariteit kondig omvattende wettige belastingprotesveldtog aan, insluitende minstens ses regsaksies, teen staatsondernemings en belastingplunderaars, sê staat kan nie belasting gebruik om te steel nie ► Met ʼn skuld van R441 miljard toon Eskom bedryfsverlies vir 2018/19 finansiële jaar van R20,7 miljard in vergelyking van R2,3 miljard in 2017/18 finansiële jaar, dus styging van 800% in verlies; munisipale skuld by Eskom styg van R13,6 miljard na R19,9 miljard ► Minister van Openbare Ondernemings Pravin Gordhan kondig aan dat huidige voorsitter van raad van Eskom Jabu Mabuza ook aangestel is as waarnemende uitvoerende hoof ► Verslag van Stats SA toon dat werkloosheidskoers in SA van 27,6% in eerste kwartaal gestyg het na 29% in tweede kwartaal, na raming 17 miljoen werkloses in Suid-Afrika; vermoede dat werklike werkloosheid minstens 60% kan wees ► Diensbetogers te Petrus-Steyn brand uit frustrasie huis van ANC burgermeester Mamiki Mokoena van Nketoana Munisipaliteit af; geen drinkwater in die dorp nie ► In Pretoria staak munisipale werkers van SAMWU met looneis van 18% verhoging, terwyl inflasiekoers ongeveer 5% is; staking gepaard met vandalisme van infrastruktuur en intimidasie van publiek – kyk hierdie videogreep ► AfriForum beraadslaag met Marloth Park Belastingbetalersvereniging ten einde vestiging van steenkoolmyn van 18 000 ha op drumpel van Kruger Nasionale wildtuin by Krokodilbrughek teen te staan ► Groot verdeeldheid in ANC oor ʼn voormalige minister Derek Hanekom met Ace Magashule en Jacob Zuma wat sê hy was “apartheidspioen”, terwyl ANC-veterane en andere hom verdedig as gerespekteerde lid van ANC ► Kyk by hierdie videogreep hoe gemeenskapslede te Burgersfort volgens sosiale media SAPD-beamptes behandel ► Volgens Parlementêre antwoord van Minister van Maatskaplike Ontwikkeling Lindiwe Zulu, is pensioentrekkers en ander begunstigdes afgelope jaar uit maatskaplike toelaes van gesamentlik meer as R21 miljoen bedrieg, terwyl staatsamptenare op bedrieglike wyse R5,4 miljoen in sak gesteek het vir onbehoorlike siekte verlof ► Gereelde georganiseerde betogings en nagwake voor SA Hoë Kommissariaat in Ottawa, Kanada, teen geweldsmisdaad in SA insluitende teen boere, asook teen etniese suiwering, rassisme en korrupsie ► Op Vrouedag 9 Augustus Antieke & Versamelaarsmark by Voortrekkersmonument, Pretoria, 09:00 tot 15:00, alle stalletjie volbespreek, toegang R30 per voertuig, geen troeteldiere ►

Gee my dan nou hierdie bergland .... – Jos 14:12

Het Ek jou nie beveel nie: Wees sterk en vol moed, wees nie bevrees of verskrik nie; want die HERE jou God is met jou, oral waar jy heengaan. – Jos 1:9

Omdat jy die HERE jou God nie met vreugde en vrolikheid van hart weens die oorvloed van alles gedien het nie – Deut 28:47

TOE het God al hierdie woorde gespreek en gesê:

Ek is die HERE jou God wat jou uit Egipteland, uit die slawehuis, uitgelei het.

Jy mag geen ander gode voor my aangesig hê nie.

Jy mag vir jou geen gesnede beeld of enige gelykenis maak van wat bo in die hemel is, of van wat onder op die aarde is, of van wat in die waters onder die aarde is nie.

Jy mag jou voor hulle nie neerbuig en hulle nie dien nie; want Ek, die HERE jou God, is ’n jaloerse God wat die misdaad van die vaders besoek aan die kinders, aan die derde en aan die vierde geslag van die wat My haat;

en Ek bewys barmhartigheid aan duisende van die wat My liefhet en my gebooie onderhou.

Jy mag die Naam van die HERE jou God nie ydellik gebruik nie, want die HERE sal die een wat sy Naam ydellik gebruik, nie ongestraf laat bly nie.

Gedenk die sabbatdag, dat jy dit heilig.

Ses dae moet jy arbei en al jou werk doen;

maar die sewende dag is die sabbat van die HERE jou God; dan mag jy géén werk doen nie — jy of jou seun of jou dogter, of jou dienskneg of jou diensmaagd, of jou vee of jou vreemdeling wat in jou poorte is nie.

Want in ses dae het die HERE die hemel en die aarde gemaak, die see en alles wat daarin is, en op die sewende dag het Hy gerus. Daarom het die HERE die sabbatdag geseën en dit geheilig.

Eer jou vader en jou moeder, dat jou dae verleng mag word in die land wat die HERE jou God aan jou gee.

Jy mag nie doodslaan nie.

Jy mag nie egbreek nie.

Jy mag nie steel nie.

Jy mag geen valse getuienis teen jou naaste spreek nie.

Jy mag nie jou naaste se huis begeer nie; jy mag nie jou naaste se vrou begeer nie, of sy dienskneg of sy diensmaagd, of sy os of sy esel of iets wat van jou naaste is nie. – Ex 20:1-17

Sou iets vir die HERE te wonderbaar wees? – Gen 18:14

Ek is God, die Almagtige; wandel voor my aangesig, dan sal jy opreg wees. – Gen 17:1

En hy het in die HERE geglo; en Hy het hom dit tot geregtigheid gereken. – Gen 15:6

In sowel die hoofstroom as op sosiale media is groot onrus merkbaar oor die inhoud van ʼn skynbaar voortydig-gelekte wetsontwerp wat voorsiening maak vir skrapping van selfverdediging as rede vir ʼn vuurwapenlisensie. Trouens, die gevoel onder veral Afrikaners is dat die idee van skrapping van selfverdediging as ʼn rede vir die besit van ʼn vuurwapenlisensie, suiwer neerkom op ʼn poging tot ontwapening van die wetsgehoorsame segment van die burgery en dat so ʼn stap katastrofies sou wees.

Die gevoel onder wetsgehoorsame burgery word goed opgesom in ʼn mediaverklaring van Solidariteit wat o.m. soos volg lui: “ʼn Ontwapende burgery is totaal uitgelewer en dit terwyl die reg om ʼn mens se eie lewe te beskerm absoluut en ononderhandelbaar is. Ons durf dit nie eers oorweeg om ʼn aks te gee in dié verband nie. Die tyd het aangebreek om onredelik en onbeskaamd op normaliteit aan te dring.

“Die vakbond gaan eersdaags ʼn reuseveldtog van stapel stuur om die gelekte wetsontwerp met hand en tand te beveg, onder meer deur middel van massa-ondersteuning, petisies en internasionale bewusmaking. Burgers se reg om hul eie lewe te verdedig, is fundamenteel tot ʼn samelewing en in Suid-Afrika met sy absurde vlakke van geweldsmisdaad, is dit verregaande om burgers se reg op lewe in te perk.

“Alhoewel daar vrae rondom die status van die dokument mag bestaan, is dit vir ons so duidelik soos daglig dat dit ʼn voorgestelde wysigingswetsontwerp is, selfs al is dit tegnies gesproke nog nie een nie. As ʼn ding lyk soos ʼn eend, ruik soos ʼn eend en vlieg soos ʼn eend – dan is dit ʼn eend, al is dit nie op die oomblik op ʼn dam nie.

“Ons sal dit nie daar laat nie. Hier is waar ʼn mens die streep trek. ʼn Regering moet bang wees vir sy burgers, nie andersom nie.”

Volgens Minister van Finansies Tito Mboweni sal staatskuld teenoor BNP teen volgende jaar klim na 65% en sal slegs die rente op hierdie skuld R247,2 miljard per jaar beloop. Dit beteken dat die rente op staatsskuld meer is as wat aan veiligheid (R242 miljard), of ekonomiese ontwikkeling (R233,5 miljard), of gemeenskapsontwikkeling (R245,4 miljard) bestee word.

Die totale bedrag wat die staat in die huidige finansiële jaar moet leen om sy begroting te laat klop, is R230,3 miljard. Wat ook baie bydrae tot die verslegtende staatskuld, is die verswakkende waarde van die rand teenoor ander toonaangewende geldeenhede.

Volgens ʼn omvattende bevolkingstudie deur die Solidariteit Navorsingsinstituut (SNI) is daar ʼn bevolkingsverskuiwing onder Afrikaners aan die gang vanaf ongeveer 300 dorpe oor die land heen na sowat 30 dorpe en stede. Dié verskuiwing neem bykans die vorm van ʼn hedendaagse “Groot Trek” aan. Die studie kom tot die gevolgtrekking dat die groot uitdaging vir Afrikaners is nie soseer hulle getalle nie, maar veel eerder hul yl verspreiding.

Dit gee daartoe aanleiding dat Afrikaners byna orals in die noorde van die land ʼn minderheid met dieselfde probleme is. Die studie toon dat ʼn natuurlike konsentrasieproses aan die gang is, met mense wat vanself begin konsentreer op ‘ankerdorpe’ wat aan sekere maatstawwe vir volhoubaarheid voldoen.

Hoewel dit kommerwekkend is dat die meeste kleiner dorpe in die land so agteruitgaan dat mense die dorpe verlaat, maak die groter konsentrasie op hierdie 30 plekke beter dienste en groter getalle vir bv. die daarstelling en bedryf van Afrikaanse skole moontlik. Die voordeel is dat meer as 80% van die bykans 500 000 lede van die Solidariteit Beweging in en om hierdie ankerdorpe woon en werk, aldus die SNI studie.

Die volgende is die 30 dorpe wat vir verdigting deur blankes/Afrikaners geïdentifiseer is (volgens hul doopname): Pretoria, Oos-Rand, Kaapstad, Port Elizabeth, Bloemfontein, Krugersdorp, Klerksdorp, Rustenburg, Middelburg, Secunda, Nelspruit, Durban, Welkom, Potchefstroom, George, Pietersburg, Paarl, Meyerton, Sasolburg, Naboomspruit-, Warmbad-, Nylstroom-area, Heidelberg, Richardsbaai, Ermelo, Bethlehem, Margate, Upington, Tzaneen, Kath en Orania.

Lees die volledige verslag hier

Nadat Minister van Arbeid Mildred Oliphant redelik onlangs nog ʼn minagtende houding gehad het jeens die bevindings van die MRK oor regstellende aksie, het sy nou skynbaar van mening verander en voel moontlik dat die toepassing van regeringsbeleid rakende RA ongrondwetlik is en dat die regering hierdie bevindings behoort om te keer. Volgens haar “sukkel” die regering met die MRK aangesien laasgenoemde “twyfel saai” oor die grondwetlikheid van die Wet op Billike Indiensneming.

Oliphant het haar departement nou opdrag gegee het om die bevindings van die MRK te bestudeer met die oog daarop om arbeidswetgewing positief aan te pas in ooreenstemming met die bevindings van die MRK. Gevolglik sê die VF-plus in ʼn mediaverklaring dat vertrou word dat die minister die MRK-aanbevelings sal aanvaar en die nodige verstellings sal aanbring om te voldoen aan internasionale voorskrifte rakende RA, veral in bedrywe waar die mikpunt van regstelling reeds bereik is, soos in die staatsdiens.

Howel die werklike syfers omtrent Eskom nie vir die publiek duidelik uitgespel word nie, lyk dit asof die werklike prentjie min of meer soos volg daaruit sien: Eskom sit tans met ʼn totale skuld van R400 miljard, waarby nog gevoeg moet word die R70 miljard wat benodig word om die Medupi kragstasie te voltooi en R60 miljard om Kusile kragstasie te voltooi. Op sy begroting van verlede jaar kort Eskom nog R58 miljard en hiervoor het dit tot op datum lenings van R35 miljard vasgemaak – R33 miljard van China en R2 miljard van African Bank.

Dus lyk dit of dit die lank en kort van die nasionale kragvoorsiener is.

Oor die voorgestelde Wysigingswetsontwerp op Mededinging sê adv. Anton Alberts van die VF-Plus in ʼn mediaverklaring: “Dit lyk ook of hierdie wetsontwerp eerder daarop gerig is om die bestaande ekonomiese struktuur te wysig en te herverdeel eerder as om die ekonomie te laat groei. Suiwer herverdeling sonder groei is onvolhoubaar. Daar kan moontlik op ʼn ingeligte wyse na ekonomiese herstrukturering gekyk word in goeie ekonomiese tye ten einde die ekonomie te verbreed, maar nie wanneer die land in ʼn diep put sit nie.

“Een van die mees ontstellende aspekte van die wetsontwerp is die voorneme om onvoorsiene magte aan die president en die minister te gee om in die mark in te gryp en buitelandse beleggings te staak in 'n tyd wanneer daar aktiewe pogings is om buitelandse beleggers te lok. Dit stuur die boodskap na buite dat Suid-Afrika oop is vir sake, maar dat die ANC sal besluit of beleggers welkom is waarna hul bates steeds onteien kan word sonder vergoeding.

“Hierdie wetsontwerp, saamgelees met onteiening sonder vergoeding, kan boonop daartoe lei dat Suid-Afrika uit die AGOA-ooreenkoms geskop word. Artikel 104 van AGOA stel dit duidelik dat regeringsinmenging in die mark nie geduld word nie. Dit sal katastrofies vir die land wees.”

Met die land wat feitlik tot in die afgrond gekorrupteer is deur die ANC-regering, die staatskas wat bykans leeg is, die aanhoudende moorde van swart op wit beide op die platteland en in dorpe en stede en die ongeëwenaarde rassediskriminasie teen blanke burgers wil ons die eenvoudige vraag vra: Is daar ʼn volhoubare toekoms vir spesifiek die Afrikaner in Suid-Afrika? Is dit dalk tyd vir Afrikaner-leierskap om op te staan en die geregverdigde eise vir selfbeskikking tot op die vlak van soewereine vryheid op eie grondgebied te stel?

Wat sê ons lesers hiervan?

Ons steun die It’s Time gebedsbyeenkoms o.l.v. Angus Buchan môre te Pretoria, in Christelike gees, hoewel ons nie fisies teenwoordig sal wees nie. Ons ervaar die poging as ʼn egte verootmoediging en uitroep tot God-Drieënig en ons vereenselwig ons daarmee vir redding van die land.

Ons vra egter terselfdertyd die vraag vir die Afrikaner spesifiek: Sal God ons verhoor as ons nie die heilige Gelofte van Bloedrivier nakom nie? Loop die twee vir die Afrikaner nie hand-aan-hand nie?

Ons sê dat nakoming van die Gelofte deur die Afrikaner noodsaaklik is vir sy redding en voortbestaan.

“Youth is not a period of life, but an attitude of mind; it is an expression of the will, of the power of the imagination, and of the intensity of the feeling. It represents the victory of courage over cowardice, of the spirit of adventure over the temptations of indolence.

We do not grow old because we have lived a certain number of years; we grow old if we give up our ideals. The passing years indeed tempt us to give up our high ideals, but the soul prompts us otherwise. Prejudices, doubt, fears and hopelessness are enemies who gradually bear us to the ground, and turn us to dust before we are dead.

He is young, who can still be astonished and enthusiastic. He who still, like a child, hungry for knowledge, asks: ‘And then?’  He who challenges events and rejoices in the game of life.

You are young as your faith. As old as your doubt. As young as your self-confidence. As young as your hope. As old as your depression.

You will stay young as long as your readiness to take up a challenge remains: receptive to the beautiful, the good and the great; receptive to the message of Nature, of your fellow man, of the mysterious. Should your heart one day become corroded by pessimism, eaten by cynicism, then may God have mercy on your soul – the soul of an old man.”

- Genl. Douglas McArthur, 1945

Indien Suid-Afrika met ‘n skoolterrein vergelyk sou word, dan is die Afrikaner die kleiner seun wat aanhoudend deur ‘n groter (swart) seun geboelie word. Die Afrikaner word die afgelope 24 jaar op al erger skaal deur die swart meerderheid gruwelik geboelie.

Waar gaan dit eindig? Wanneer gaan die Afrikaner sê genoeg is genoeg, nou neem ons teenaksie.

Ons sê ons is dik vir hierdie geboelie en dit is tyd om in opstand daarteen te kom. Ons meen dit moet geskied d.m.v ‘n politieke party wat polities-inkorrek teen die heersende politieke stroom ingaan en sê: Ons is die trotse Afrikaanse volk, ons is trots op ons verlede, ons het ‘n reg op grondgebied in SA en ons soek ons selfbeskikkende plek in die son.

Ons respekteer almal wat ons respekteer en basta met die res. As dit nie vir jou aanvaarbaar is nie, het jy moeilikheid totdat ons ons soewereiniteit volhoubaar verkry het.

Dit en niks minder as dit is ons vereiste van nou af vorentoe. Wie sluit by ons hierin aan? 

In die presidentsverkiesing in Brasilië was daar ná die eerste rondte7 Oktober 2018 'n tamaai swaai na regs met die sterkste steun vir die regse kandidaat Jair Bolsonaro - dit nadat hy  merkwaardig herstel het ná 'n vroeër sluipmoordaanval met 'n mes. Bolsonaro voer sy veldtog onder die slagspreuk “Brasilië bokant enige iets, God bokant elkeen.”

Hy kom in die tweede en beslissende rondte op 28 Oktober te staan teen die burgemeester van Sao Paulo, Fernando Haddad. Dit is opmerklik hoedat Bolsonaro in die internasionale hoofstroommedia afgekam word as ‘n ekstremis en bedreiging vir stabiele vooruitgang.

Bladsy 10 van 96
Go to top