► Pres. Cyril Ramaphosa vra nasionale dialoog oor moontlikheid om pensioenfondse in bankrot staatsondernemings te belê – “Ons finansiële bronne is uitgeput, terwyl ons ontwikkelingsbehoeftes enorm is” ► Vraag op sosiale media: Hoekom kry regering nie die miljarde staatsgeld wat gesteel is terug nie, maar wil nou die pensioengeld vat van mense wat hard gewerk het daarvoor en toegewyd gespaar het? ► Menseregtekommissie oorweeg stappe teen Ernst Roets van AfriForum oor vertoon van vorige landsvlag op sosiale media, word as “verdelend” beskou ► Petroljoggies landswyd dreig om volgende week te staak oor salarisse, eis verhoging van 12%, maar werkgewers bied slegs 5% ► Brian Molefe, voormalige hoof van Eskom, moes gister meer as R10 miljoen aan Eskom pensioenfonds terugbetaal as onwettig ontvang, maar nog geen teken daarvan nie ► Veldbrand wat versprei tot in St. Francisbaai verwoes 12 huise tot die grond toe ► Storm oor aanranding van blanke kleuters deur swart personeel by Myne Maatjies Dagsorg Sentrum in Randfontein, ouers woedend, drie persone gearresteer, MRK swyg soos graf ► Lastereis van oud-minister Derek Hanekom van R500 000 teen oud-pres. Jacob Zuma, vandag in hooggeregshof in Durban aangehoor, eis omdat Zuma Hanekom “apartheidspioen” genoem het ► Curriebekerreeks word hierdie naweek voortgesit, met slegs Griekwas wat verseker is van plek in halfeindstryd ►

Die tweede groot nuusstorie was die onthulling deur Volksblad dat die totale bedrag van R334 202 652 van Julie 2014 tot April 2016 aan die Gupta-maatskappy Estina oorbetaal is vir “bedryf” van die suiwelplaas in die Vrede-distrik. Verreweg die meeste van hierdie geld is direk oorgeplaas in ʼn Gupta-rekening by die Bank van Baroda in Indië.

Verlede jaar is senior amptenare van die Vrystaatse Dept. van Landbou, sommige van die Gupta-broers en Duduzane Zuma aangekla vir hierdie korrupsie en geldwassery, maar alle klagtes is later teruggetrek, sodat niemand tans tereg staan nie – en wat moontlik wys hoe diep die tentakels van korrupsie tot selfs in die regterlike gesag strek.

Nou word vanuit opposisiegeledere en die hoofstroommedia daarop aangedring dat die Estina-saak opnuut ondersoek word met die oog op vervolging van almal verantwoordelik en dat intussen veral voormalige Vrystaatse premier en huidige sekretaris-generaal van die ANC Ace Magashule en voormalige LUR vir Landbou Mosebenzi Zwane voor Zondo-kommissie kom getuig. Hier is beslis nog ʼn katnes wat wag om oopgesteek te word – met waarskynlike gevolge dat hooggeplaastes in die oranje klere van die DKD gaan opeindig.

Die groot nuusstorie die afgelope week is Eskom en wat is aan en wat is af wat dit betref. dit lyk asof die nasionale kragvoorsiener wankel, maar die groot hoop is blykbaar dat die Minister van Finansies in die Begroting op 20 Februarie 19 ʼn finansiële reddingspakket uit die hoed sal pluk, maar hy worstel egter met die probleem dat die SAID R38 miljard te min ingesamel het. Terselfdertyd was die berig op sosiale media – en wat nog nie gerepudieer is nie – waarin daarop gewys word dat pres. Ramaphosa en Minister van Energie Jeff Radebe getroud is met twee susters van Patrice Motsepe, eienaar van ook die grootste energiemaatskappy in die land African Rainbow Energy & Power (AREP).

Van laasgenoemde is Brian Dames, vorige Eskom hoof, die uitvoerende hoof. Die opbreek van Eskom in drie maatskappye, Opwekking, Transmissie en Verspreiding, pas na bewering perfek in by die strategie van AREP

Intussen het Radebe tot nou geweier om die name bekend te maak van die suksesvolle tenderaars onder die jongste rondte vir onafhanklike energieverskaffers met totale pakket van R56 miljard. Presies hoe alles moontlik inmekaar pas, word verduidelik by hierdie stemgreep.

Reeds vir jare is die Hopetown Landbouskou die mees suksesvolle plattelandse skou in die Bo-Karoostreek. Vanjaar word die Skou vanaf 13 tot 16 Februarie aangebied en steeds is die ingesteldheid van die Skoukomitee dat die identiteit dié van ʼn skou is en nie ʼn fees nie, omrede spesifiek erkenning gegee word aan die landbougemeenskap. As sulks bied die Skou ʼn spieëlbeeld van die landbou in die streek – besproeiing, droëland en veebedryf – terwyl verskeie streeks- en nasionale perdekampioenskappe vanjaar weer by die Skou aangebied word.

Daar is ook talle landbou-uitstallings van o.m. trekkers en implemente, asook van aspekte soos lamdosering, planttoerusting en skaapskeertegnieke. Heel gepas is OVK as die grootste landbou-maatskappy in die streek vanjaar weer die hoofborg met finansiële ondersteuning wat onontbeerlik vir suksesvolle aanbieding van die Skou is.

Vir die gefinaliseerde Skouprogram, besoek die Facebookblad van die Skou.

Skole in die huidige SA het ongelukkig moreel, fisies en polities feitlik ʼn slagveld geword, met veral Christelike Afrikaanse onderwys in die spervuur. Wat hierdie negatiewe verwikkeling des te meer krities maak, is omdat die leerlinge van vandag die leiers van môre is.

In die lig hiervan het Ditsem Nuus ʼn spesiale blog geloods waar die onderwerp Christelike Afrikaanse onderwys in die weegskaal gedebatteer kan word.

Besoek gerus hierdie blog en sê jou sê! Verskeie interessante insette is reeds gemaak.

Laat die debat loop sodat by ʼn sinvolle toekoms uitgekom kan word!

Die Wetsontwerp op Haatspraak en Rassisme wat op 29 Maart 2018 gepubliseer is en nou feitlik die hele grondwetlike roete deurloop het, is tans oop vir openbare kommentaar tot 15 Februarie 2019.Hierdie wet tas basiese mensevryhede drasties aan en is in wese suiwer kommunisties.

Vir meer inligting en om kommentaar te lewer besoek www.forsa.org.za.

Die afgelope tyd het die klug van grondhervorming nog duideliker na vore gekom met die onthulling dat die Spesiale Ondersoekeenheid (SOE) bevind het dat die grondhervormingsproses van die staat die afgelope sowat 10 jaar vrot van korrupsie was en steeds is. O.a. is bevind dat talle van die sg. ‘begunstigdes’ nog nooit eens op ʼn plaas was nie, weet hulle nie eens hulle besit nou plase nie, of het van hulle reeds afgesterf voordat hulle eienaars geword het.

In ander gevalle het amptenare van die Dept. van Grondhervorming plase aan hulself of hul familie en vriende toegeken en is die aansoekvorms nie eens volledig ingevul nie. ʼn Totaal van 58 plase ter waarde van sowat R150 miljoen is teruggegee aan die staat en ʼn verdere 37 is onder kuratorskap geplaas hangende ondersoeke. Die koerante onthul ook dat die SOE-verslag al 11 maande op die lessenaar van Pres. Cyril Ramaphosa lê, sonder dat iets wesentlik daar omtrent gedoen is.

In samehang met die SOE-verslag is daar natuurlik al lankal met die nodige syfers bewys dat daar soveel onbenutte grond in staatsbesit is, dat onteiening sonder vergoeding glad nie nodig sal wees nie. Nog feite wat op die tafel geplaas is, is dat sowat 90% van “grondbegunstigdes eerder kontant bo grond verkies, terwyl die mislukkingskoers onder begunstigde boere 90% plus is.

Daarby het dr. Corné Mulder van die VF Plus einde verlede jaar in 'n voorlegging in die Parlement in detail uiteengesit hoe die resultate van die openbare deelnameproses oor die voorstel van grondonteiening sonder vergoeding op ondemokratiese en gekontamineerde wyse deur die Parlement gestoomroller is. Verlede maand is voor die Zondo-kommissie getuig dat die voorsitter van die Grondwet Hersieningskomitee, Vincent Smith, ʼn begunstigde van Bosasa was, 'n feit wat sy integriteit in ʼn sleutelproses ernstig inkrimineer.

Dit alles is natuurlik bo en behalwe die feit dat geen bewyse nog op die tafel geplaas is van sg. diefstal deur blankes van grond van swartmense nie. Al hierdie feite behoort saamgelees te word met artikel 5(5)(b) van die Wetsontwerp op Onteiening, wat stipuleer dat onder eiendom moet verstaan word alle eiendom en roerende bates.

Die slotsom uit hierdie breë prentjie is onvermydelik dat die hele grondhervormingsaangeleentheid in SA ʼn kunsmatige klug en 'n onregmatige en korrupte slenter is gemik daarop om blankes in die land van hul eiendom te vervreem en hulle inderwaarheid uit die land te dwing. Daarom behoort hierdie situasie gesien te word vir wat dit werklik is en behoort blankes juridies, regmatig en moreel vas te staan en die proses met alle mag te beveg.

Die volgende is uitstaande punte van die Staatsrede wat pres. Cyril Ramaphosa gisteraand in die parlement gelewer het:

  • Die president het geen verwysing gemaak na die leerlinge (blank) wat gesterf het in die Driehoek-tragedie nie, terwyl hy melding gemaak het van swart leerlinge wat in puttoilette gesterf het. – ‘n aanduiding van hoe min blankes vir die ANC-regering tel.
  • Ramaphosa sê hy wil 274 000 werksgeleenthede per jaar skep, maar intussen betree jaarliks 800 000 Matrikulante die arbeidsmark met min of geen werksvooruitsigte nie.
  • Ramaphosa sê hy wil die spioenasiedienste van die land uitbrei, maar vraag kom op teen wie is hierdie dienste gemik? Is hy dalk bang vir blanke samewerking met die buiteland indien die wankelende ANC-staat sou inplof?
  • 8 Mei is aangekondig as stemdag vir die 2019 algemene verkiesing.
  • Ramaphosa het gesê dat Eskom gaan in drie maatskappye verdeel word – kragopwekking, transmissie en verspreiding.
  • In kommentaar het die VF Plus die Staatsrede bestempel as “ ‘n goeie samevatting van die land se probleme sonder om ‘n enkele oplossing te bied”.
  • In hul reaksie het die DA die eerste jaar van pres. Ramaphosa in sy amp as “State of No Action” bestempel.

Nadat voor die Zondo-kommissie die mees skrikwekkende getuienis oor korrupsie in die SA geskiedenis aangehoor is het die valke as die vervolgings arm van die regering toegeslaan en vyf blanke, hoofsaaklik handlangers/fluitjieblasers, in hegtenis geneem, maar die eintlike organiseerders/ontvangers/ringleiers loop onaangeraak rond. Die vyf wat op 6 Februarie in hegtenis geneem is, is Angelo Agrizzi (voormalige bestuurshoof van Bosasa en die groot fluitjieblaser), Patrick Gillingham (voormalige finansiële hoof van die DKD), Andries van Tonder (voormalige finansiële hoof van Bosasa), Frans Vorster (voormalig Bosasa-werknemer) en Carlos Bonifacio (huidige hoofrekenmeester van Bosasa).

Op 7 Februarie is Linda Mti (voormalige hoof van die DKD) ook in hegtenis geneem, maar daar is nog geen teken dat die groot name wat in die getuienis pertinent uitgewys is, soos Jacob Zuma, Gavin Watson, Nomvula Mokonyane, Dudu Myeni, Gwede Mantashe en andere ook gegryp gaan word nie. Die feit dat tot nou slegs blankes, met een swarte as ‘n enkele uitsondering, aangekla word, is uiters verdag en dui op blatante rassisme deur die Valke en hul toutjietrekkers.

Skep gerus moed uit hierdie kort geestelike videogreep

Wat gaan aan met die SA Nasionale Weermag? Die koerant Daily Maverick berig dat die Weermag net 1 van 3 duikbote in werkende toestand het, 1 van 4 fregatte en 4 van 26 straalvegters, asook dat 80% van die begroting vir salarisse gaan. Daarby is daar blykbaar tekort aan brandstof, ammunisie en dissipline.

Wat sê dit van die voortbestaan van die Weermag, die beskerming van ons land teen eksterne vyande en van die toekomstige verhouding tussen die vryheidgesinde Afrikaner en die ANC?

Die sluitingsdatum vir openbare kommentaar op die Konsepwet op Haatspraak en Rassisme het verlede week verstryk. Die wetsontwerp, wat op 29 Maart 2018 gepubliseer is, het nou feitlik die hele grondwetlike roete geloop en gaan nou na die Parlement en die staatspresident vir finalisering en waarskynlik inwerkingstelling.

Hierdie is ʼn uiters gevaarlike verwikkeling, want dit kan die Jagseisoen op sg. haatspraak deur blankes oopmaak. In ʼn media verklaring wys Front Nasionaal op die volgende enkele aspekte omtrent die wet: Artikel 4(1)(a) bepaal dat jy die wet oortree as jy doelbewus iets publiseer, propageer of argumenteer of aan een of meer mense kommunikeer en dit wat jy doen of sê kan beskou word as met die doel om haat aan te hits. Artikel 4(1)(b) bepaal verder dat as jy so-iets verder versprei, m.a.w. slegs die Share funksie gebruik op Facebook om iets wat as haatspraak beskou kan word verder te stuur, het jy ook die wet oortree.

Wat word dan beskou as haatspraak? Artikel 3. (1) bepaal 17 dinge waaroor jy nie mag kritiek lewer nie, anders word dit as haatspraak beskou: Ouderdom / Albinisme / Geboorte / Velkleur / Kultuur / Gestremdheid / Etniese of maatskaplike agtergrond / Geslag of geslagsidentifikasie / HIV status / Taal / Nasionaliteit, immigrasie- of vlugtelingstatus / Beroep of vakmanskap / Politieke oortuiging / Ras / Geloof / Seks / Seksuele oriëntasie.

Volgens Front Nasionaal kom dit kortliks saamgevat daarop neer: “Grappies oor blondines, ou ooms en jong blare, Van der Merwe en Gatiepie grappies, skelm prokureurs, en Skotte wat suinig is terwyl Iere “dom” is, kan nou alles haatspraak word. As die dominee van die kansel af sê: ‘Christus is die weg en die waarheid en die lewe, niemand gaan na die Vader behalwe deur Hom nie,’ dan kan hy dalk haatspraak pleeg, want Mohammed en die voorvadergees sou aanstoot gegee word.

“En die dae wanneer ʼn man met ʼn bolla op die kop of ʼn poniestert voor jou loop en jy sê: ‘Hmmm, lyk soos mamma en piepie soos papa’ kan ook verby wees. Maak ʼn grappie oor hoeveel mense in ʼn minibus taxi kan pas, pleeg jy dalk haatspraak op grond van ras en kultuur. En daardie gewilde grappies oor wat die Hollanders 'n kat noem... nee, moontlik haatspraak!

“En so kan jy dit verder gaan meet teen elkeen van die 17 kategorieë van ‘slagoffers’ wat gelys word.”

Dit kan voorts beteken dat die sing van Die Stem en die vertoon van die ou landsvlag verbied word, terwyl dit ʼn kriminele oortreding kan word om te sê dit het voor 1994 beter gegaan in die land as tans. So ʼn mens sal jou sit en staan op Facebook of op ʼn WhatsApp groepie moet ken, of anders kan jy in die warm water beland.

Dus inderdaad ʼn uiters gevaarlike verwikkeling wat basiese mensevryheid kan verkrag en wat dus teen alle koste verhoed moet word om geïmplementeer te word.

Die afgelope week het die klug van grondhervorming nog duideliker na vore gekom met die onthulling deur Rapport dat die Spesiale Ondersoekeenheid (SOE) bevind het dat die grondhervormingsproses van die staat die afgelope sowat 10 jaar vrot van korrupsie was. O.a. is bevind dat talle van die sg. ‘begunstigdes’ nog nooit op ʼn plaas nie, weet hulle nie eens hulle besit nou plase nie, of was van hulle reeds dood toe hulle ‘eienaars’ geword het.

In ander gevalle het amptenare van die Dept. van Grondhervorming plase vir hulself of familie en vriende toegeken en is aansoekvorms nie eens volledig ingevul nie. ʼn Totaal van 58 plase ter waarde van sowat R150 miljoen is teruggegee aan die staat en ʼn verdere 37 is onder kuratorskap geplaas hangende ondersoeke.

Die SOE het aanbeveel dat in 43 sake dringend strafregtelik vervolg word en dat teen 23 amptenare kriminele stappe geneem word. Daar is ook onthul dat die SOE verslag al 11 maande op die lessenaar van Pres. Cyril Ramaphosa lê, sonder dat iets wesentlik daar omtrent gedoen is.

Vroeër is voor die Zondo-kommissie getuig dat die voorsitter van die Grondwet Hersieningskomitee, Vincent Smith, ʼn begunstigde van Bosasa was, wat sy integriteit in ʼn sleutelproses ernstig onder verdenking bring. Dit alles kom teen die agtergrond dat die wyse waarop die resultate van die openbare deelnameproses verlede jaar oor die voorstel van grondonteiening sonder vergoeding ondemokraties en gekontamineer deur die Parlement gestoomroller is.

Voorts is daar bewyse dat die staat baie onbenutte grond besit wat vir swartmense beskikbaar gestel kan word en dat derhalwe onteiening sonder vergoeding glad nie nodig is nie. Dit alles is natuurlik bo en behalwe die feit dat geen bewyse nog op die tafel geplaas is van sg. diefstal deur blankes van grond van swartmense nie.

Dit alles toon dat die hele grondhervormingsaangeleentheid in SA ʼn kunsmatige klug is en dat dit slegs daarop gemik is om blankes in die land van hul eiendom te vervreem en hulle inderwaarheid uit die land te dwing. Daarom behoort hierdie situasie gesien te word vir wat dit werklik is en behoort blankes juridies, regmatig en moreel vas te staan en die proses met alle mag te bestry.

Dat daar in die debat oor die hede en toekoms van die Afrikaner stemme opgaan soos hieronder, is bemoedigend, kan daar daaruit moed geskep word en kan daarop voortgebou word.

 

Selfbeskikking en demografiese werklikhede

  • Arend Lambrechts (082 55 66 158 - Hierdie e-posadres word van Spambotte beskerm. Jy moet JavaScript ontsper om dit te lees.)

 

Daar is slegs een haalbare opsie vir die Boere-Afrikaner om uit die knyptang van die snel-disintegrerende “nuwe” Suid-Afrika te ontkom: Selfbeskikking. Ons sal self die kettings van korrupsie, staatskaping, nepotisme, regstellende aksie, swart ekonomiese bemagtiging en eiendomsroof moet weggooi.

Enigiemand wat beweer dat daar ʼn ander uitweg is, het alle kontak met die werklikheid verloor. Suid-Afrika en sy bewindhebbers is onlosmaaklik “Afrika” en om te dink dat dit positief kan of gaan verander, is wensdenkery.

Ons moet eenvoudig vir onsself ʼn ontvlugkanaal skep, waardeur ons in staat gestel gaan word om self ons eie heil te bepaal kragtens ons eie norme en standaarde. Hierdie kanaal moet dus lei tot selfbeskikking – die onafwendbare alternatief is uiteindelike volksvernietiging.

Ons moet ook aanvaar dat onsself die selfbeskikkingspad sal moet oopmaak: die regering en al die binne-parlementêre politieke partye behalwe die VF+, sal ons strewes met alles binne hulle vermoë probeer kelder. Dit sal dus ʼn opdraande stryd wees, gegewe ons beperkte bronne en boonop met talle mede- “Afrikaners” wat hul bes sal doen om ons verdag te maak, te dwarsboom en te verkleineer.

Hoewel ons self die bul by die horings moet pak, het ons gelukkig verskeie wetlike en internasionaal-aanvaarbare beginsels aan ons kant. Artikel 235 van die grondwet maak implisiet vir selfbeskikking binne ʼn eie geografiese gebied voorsiening, die Volkstaat Akkoord van 1994 wat ook deur die ANC goedgekeur is, maak voorsiening vir ʼn volkstaat en twee Internasionale Akkoorde oor Minderheidsregte wat deur Mandela self onderteken is, ondersteun openlik ons reg op selfbeskikking.

Ongelukkig het daar reeds 20 jaar en langer verloop, sonder dat daar enige noemenswaardige beweging in die rigting van selfbeskikking gewees het. Slegs Orania en Kleinfontein bestaan reeds as Boere-Afrikaner-groeipunte – en dit is maar slegs ʼn begin.

Die demografie van die dele van die land waar aansienlike getalle Afrikaners hulle bevind, het intussen egter tot ons nadeel verander. Derduisende volksvreemdes is reeds knus ingeburger in die Afrikanergebiede wat deur die Volkstaatraad aangedui is vir selfbeskikking.

Sal hierdie vreemde elemente self verskuif? Nee. Sal die regering hulle ontruim? Nee. Sal die DA met sy derduisende “Afrikaner” -stemme ons strewe ondersteun? Nee. Myns insiens is enige gebied waaruit nie-Afrikaners teen hulle wil verskuif moet word om plek te maak vir ʼn volkstaat, permanent buite ons bereik. Die geskiedenis en die “ja-stemmers” het ons inderdaad ingehaal.

Ons het dus slegs een haalbare opsie oor: ons moet ons eie grond bekom, volksvreemdes dan van daardie privaatgrond verwyder en daarna eiehandig die Selfbeskikkingspad loop. Geografiese selfbeskikkingsgebiede a la Orania is dan onmiddellik buite die bereik van die komende eiendomsroof-program van die regering – daardie artikel 235 grond val dan buite die beheer van die staat en die roofprogram kan dus nie daarop van toepassing gemaak word nie (behalwe as hulle art. 235 ook sou skrap – maar dan baklei ons!)

By hierdie skakel na die blog gegaan word wat Ditsem nuus Spesiaal geskep het vir openbare debat oor die beste pad vorentoe vir Christelike Afrikaanse onderwys. Gaan sê gerus jou sê!

Sover ons kan oordeel, het pres. Emmerson Mnangagwa, van Zimbabwe, sy bankrotland en in chaos vir alle praktiese doeleindes aan Rusland verkoop deur middel van ʼn wye en omvattende reeks ooreenkomste verlede week – volg gerus hierdie videoskakel en oordeel self. Die volgende vraag is wat van China wat hulself onder die Mugabe bewind deeglik in Zimbabwe ingegrawe het?

Die volgende vraag is, het Mnangagwa inderwaarheid met ʼn meesterlike skuif sy Chinese base met Russe vervang? Is pres. Vladimir Putin, van Rusland, wat skynbaar nie deel vorm van die NWO nie, dalk ʼn beter roep, ook vir blanke Suid-Afrikaners?

Daar word voorspel dat die kommissie van ondersoek onder voorsitterskap van regter Lex Mpati ook sy wurms gaan lewer, een waarvan reeds is dat die voormalige uitvoerende hoof van die OBK, Daniel Matjila, ʼn “belegging” van R4,3 miljard aan die bemagtigingsfirma Ayo Technologies goedgekeur het, voordat dit nog deur die OBK geprosesseer is. Daarmee word grootskaals gevat na die swaarverdiende pensioene van miljoene Suid-Afrikaners.

Soos spreekwoordelik gesê word, hou hierdie spasie dop.

In ʼn sekere sin is van ʼn regeringsadministrasie in die Vrystaat net ʼn dop oor nadat voormalige Ace Magashule en sy trawante 2009 tot 2017 daarmee klaar is. Die lys van korrupsie en diefstal van staatsgeld kan ʼn paar boeke vul. Enkele van hierdie “monumente” is die volgende:

  • Die omstrede Estina suiwelplaas waarin die Vrystaatse regering sowat R220 miljoen belê het, is pas verbeurd verklaar aan die staat omdat daar niks op die plaas aangaan en daar feitlik geen bates op is nie.
  • Die omstrede visteelprojek by Gariepdam tussen die VS-regering en Chinese en waarin meer as R1 miljard belê is, het nog nie ʼn enkele vis opgelewer nie.
  • Te Trompsburg is die Albert Nzula Distrikshospitaal teen sowat R380 miljoen gebou, maar na sowat agt jaar word tans met uiters beperkte fasiliteite slegs 30 pasiënte daar behandel.

Tans is Magashule sekretaris-generaal van die ANC en spreek dit boekdele van wat verwag kan word van die organisasie en van vervolging vir die massiewe korrupsie.

Terloops, op die galadineevan die ANC op 11 Januarie 2019 met hul 107de viering was daar 205 tafels met 10 sitplekke elk en om net ʼn sitplek aan die tafel van adjunk-pres. David Mabuza te kon kry, moes R500 000 per persoon opgedok word. Vir ʼn sitplek aan die tafel van CRS, die sg. Titaanpakket, gekos was die prys “onderhandelbaar”.

Op die spyskaart was o.m. gerookte hoenderborsies en gepekelde broccoli en avokado mouse en as hoofgereg lamsvleis en gekaramelliseerde uitjies, met nagereg sitroengras crème brûlée. By die kroeg het o.a. Hennessy 1765 beperkte uitgawe konjak R45 per glas gekos en R1 350 per bottel. Glenfiddich en Glenlivet Single Malt Whiskey R50 per glas of R1 500 per bottel.

Waar kom die miljoene in die land wat vir die ANC stem, maar nie weet waar hul volgende maaltyd vandaan kom nie, in die prentjie?

Bladsy 6 van 96
Go to top