► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Betekenis van die Gelofte van Bloedrivier

Die omstandighede rondom die gedenkwaardige Slag van Bloedrivier op 16 Desember 1838 in die toenmalige Natal is deeglik gedokumenteer in die annale van die Suid-Afrikaanse geskiedenis. Gegrond op die Gelofte wat die Voortrekkers o.l.v. Andries Pretorius en Sarel Cilliers afgelê het, het 'n Voortrekkerkommando van 400 man 'n Zoeloe-krygsmag van ongeveer 12 000 vernietigend verslaan. Sowat 2 000 krygers het gesneuwel, terwyl daar aan Voortrekkerkant geen ongevalle was nie en slegs drie liggewondes. Dus 'n absolute Godswonder!

Die Gelofte, soos wat dit volgens die beste oorlewering destyds in Nederlands afgelê is, het soos volg gelui: Mijne Broeders en Mede-landgenoten, hier staan wij tans op een ogenblik voor een heilige God van hemel en aarde om een belofte aan Hem te beloven, als Hij met Zijn bescherming met ons zal wezen, en onze handen zal geven dat wij hem overwinnen, dat wij die dag en datum elk jaar als een verjaardag en een dankdag zoals een Sabbat in Zijn eer zullen doorbrengen; en dat wij een tempel tot Zijn eer stichten zullen, waar het Hem zou behagen;en dat wij het ook aan onzen kinderen zullen zeggen, dat zij met ons erin moeten delen, tot gedachtenis ook voor onze opkomende geslachten. Want de ere van Zijn Naam daardoor zal verheelikt worden, dat de roem en eer van overwinning aan Hem zal worden gegeven.

Die gebeurtenis het 'n beslissende invloed gehad op die latere geskiedenis van die ganse Suid-Afrika. Wat vir die hede en toekoms belangrik is, is dat die gees van die gelofte soos volg saamgevat kan word:

  • Dit was 'n gelofte aan God Drie-enig, wat, volgens Sy Woord, nagekom moet word.
  • Dit het gelei tot die geboorte van die Afrikanervolk.
  • Die Gelofte is ook van toepassing op die nageslag van die Afrikaner.
  • Dit behels 'n verpligting op dié Afrikaner om hom in elke opsig te beywer vir 'n bedeling wat God welbehaaglik is - vanaf die Geloftekerkie in Pietermaritzburg tot 'n moderne volkstaatbedeling in Suider-Afrika.
  • Die Voortrekkers het nie Bloedrivier oorleef omdat hulle blank was nie, maar omdat hulle en hul agterryers draers was van die Evangelie.

Vandag, Desember 2017, staar die Afrikaner 'n groter bedreiging as ooit in die gesig en daarvoor is dit nodig dat Afrikaners sover doenlik verskille opsysit, saamstaan en hul verbintenis tot die Gelofte van Bloedrivier met verootmoediging herbevestig. Steeds by God alleen lê die hoop.

Die 2017 Geloftefeeskalender met 162 geleenthede wat deur Ditsem Nuus saamgestel en gepubliseer is, kan by hierdie skakel gesien word.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top